သင့်စိတ်ဆင်းရဲမှုများကို အကောင်းဆုံးဖြေရှင်းနိုင်မယ့်နည်းလမ်းများ
စိတ်ဆင်းရဲတယ်ဆိုတာ လူတိုင်းနီးပါးခံစားဖူးကြမှာပါ။ စိတ်ပူပန်စရာတွေတွေးနေတာ၊ စိုးရိမ်စိတ်များနေတာ၊ မဖြစ်လာသေးပေမယ့် ကြိုစိတ်ဆင်းရဲနေတာမျိုးကြုံတဲ့အခါ စိတ်ဆင်းရဲနေရတတ်ပါတယ်။ တချို့ကပြန်တော့လည်း ပြဿနာတွေပေါင်းစုံနဲ့ရင်ဆိုင်နေရတာမျိုးမှာ စိတ်ဆင်းရဲတတ်ပါတယ်။ အဲဒီလိုစိတ်ဆင်းရဲနေရတယ်လို့ သင့်ကိုသင်ထင်နေပြီဆိုရင် ဘာလုပ်သင့်ပါသလဲ။ စိတ်ဆင်းရဲမှုက သင့်ရဲ့စိတ်ကျန်းမာရေးကိုထိခိုက်စေပြီး ထိုမှတဆင့် ကိုယ်ကျန်းမာရေးကိုပါ ထိခိုက်လာစေနိုင်ပါတယ်။
နှစ်သစ်မှာ အားပေးသင့်သောစကားများ
နှစ်သစ်မှာ ဘာတွေ အစီအစဉ်ချမှတ်ထားပြီးပြီလဲ။ နှစ်သစ်ရောက်လို့ Happy new year! လို့အော်လိုက်ရုံနဲ့ နောက်ထပ်ရောက်လာမယ့်နှစ်သစ်က ပျော်စရာကောင်းသွားမှာ မဟုတ်ပါဘူးနော်။ အဓိကက သင်ကိုယ်တိုင်ပါပဲ။ သင့်ရဲ့နှစ်သစ်ကို ဘယ်လိုစိတ်ထား၊ ဘယ်လိုရည်မှန်းချက်တွေနဲ့ သင်ဖြတ်သန်းမလဲဆိုတာ အရေးကြီးပါတယ်။ နှစ်သစ်မှာ နှစ်ဟောင်းက လုပ်ခဲ့တာတွေ၊ မှားခဲ့တာတွေ၊ မဖြစ်မြောက်ခဲ့တာတွေကို ပြန်တွေးပြီး နောင်တရနေလို့ဘာမှမထူးတော့ပါဘူး။ အဲဒါကြောင့် ရောက်လာမယ့်နှစ်သစ်မှာ သင့််ကိုသင်အားပေးတဲ့စကားတွေနဲ့ နှစ်သိမ့်လိုက်ပြီး နှစ်သစ်မှာ နှစ်ဆကြိုးစားဖို့အားခဲထားလိုက်ပါ။ ကဲ….ဘယ်လိုစကားတွေနဲ့ ကိုယ့်ကိုယ်ကိုယ်အားပေးမလဲဖတ်ကြည့်လိုက်ပါအုံးနော်။
မောင်နှမအချင်းချင်းအချစ်တိုးစည်းလုံးစေဖို့ မိဘတွေလုပ်သင့်တဲ့အချက်များ
မောင်နှမ အချင်းချင်းချစ်ခင်စည်းလုံးစေဖို့က မိဘတွေပေါ်အဓိက မူတည်ပါတယ်။ တစ်ဦးတည်းသော သားသမီးတွေထက် မောင်နှမရှိတဲ့သားသမီးတွေက လောကမှာ ဖေးမကူညီဖော်ရှိတယ်လို့ အကြမ်းဖျင်းသတ်မှတ်ကြပါတယ်။ ဒါပေမယ့် မချစ်ခင်စည်းလုံးမှုမရှိတဲ့မောင်နှမတွေဖြစ်လာရင်တော့ ဖေးမကူညီဖော်ဆိုတာထက် တစ်ယောက်နဲ့တစ်ယောက် ရန်စောင်နေရင်း၊ မိဘအမွေလုတာမျိုး၊ အချင်းချင်းယှဉ်ပြိုင်တိုက်ခိုက်နေတာမျိုးတွေ၊ ဘယ်သားသမီးကိုတော့ ပိုချစ်တယ်ဆိုတာမျိုးတွေနဲ့ မောင်နှမတွေကြားမှာသွေးခွဲမှုတွေဖြစ်လာတတ်ပါတယ်။ အဓိကဖေးမကူညီပေးမယ်ယူဆရသူတွေကပဲ အနှောင့်အယှက်ပေးနိုင်သူတွေဖြစ်လာပြန်ပါတယ်။ အဲဒါကြောင့်မိဘတွေအနေနဲ့ သားသမီးအချင်းချင်းကြားမှာ ချစ်ခင်စည်းလုံးမှုရှိအောင် ပြုစုပျိုးထောင်ပေးဖို့လိုပါတယ်။
စိတ်ထားမကောင်းသူနဲ့ စိတ်ထားပြည့်ဝသူတို့ရဲ့ ခြားနားချက်များ
ကျွန်တော်တို့ဘဝမှာ လူအမျိုးမျိုးကိုတွေ့ကြုံဆက်ဆံဖူးကြမှာပါ။ လူအမျိုးမျိုးစိတ်အထွေထွေဆိုသလို လူချင်းသာ တူရင်တူမယ်၊ စိတ်ထားခြင်းကတော့ ဖြတ်သန်းခဲ့တဲ့ဘဝပေးအခြေအနေပေါ်မူတည်ပြီး မတူညီနိုင်ပါဘူး။ အဲဒီ့ထဲမှာမှ စိတ်သဘောထား ယုတ်မာသနဲ့ စိတ်သဘောထာပြည့်ဝသူတို့ရဲ့ခြားနားချက်တွေကို နှိုင်းယှဉ်ဖော်ပြပေးလိုက်ပါတယ်။ စာဖတ်သူတို့လည်း အမြင်လေးတွေမန့်ခဲ့ကြပါအုံးနော်။
"သင်ပျံသန်းချင်တယ်ဆိုရင် သင့်ကိုလေးပင်စေတဲ့အရာမှန်သမျှ လွှတ်ချထားခဲ့မှ ဖြစ်မှာပေါ့။" #quoteoftheday #BAWA101
သင့်ကိုသင်ကြင်နာနိုင်မယ့်နည်းလမ်းများ
ကိုယ့်ကိုယ်ကိုယ်ကြင်နာခြင်းက ကိုယ့်ကိုယ်ကိုယ်ချစ်ခင်ခြင်းတစ်မျိုးပါပဲ။ ကိုယ့်ကိုယ်ကိုယ်ချစ်ခင်ခြင်းက တစ်ကိုယ်ကောင်းဆန်ခြင်း၊ အတ္တကြီးခြင်းနဲ့ မသက်ဆိုင်ပါဘူး။ ကိုယ့်ကိုယ်ကိုယ်အခြားသူတစ်ယောက်ကို ဂရုစိုက်မယ်၊ ကိုယ်ကျန်းမာရေး၊ စိတ်ကျန်းမာရေးအတွက် သတိထားမယ်၊ ကိုယ့်ကိုယ်အဆိုးဘက်ကဖြစ်စေတဲ့အကြောင်းအရာတွေကို တတ်နိုင်သမျှ ရှောင်ကျဉ်မယ်စသဖြင့် ကိုယ့်ရဲ့စိတ်ရောကိုယ်ပါ ကျန်းမာစေမယ့်ကိစ္စမျိုး၊ ကိုယ့်အရည်အချင်းတိုးတက်စေမယ့်ကိစ္စမျိုးကို ပိုပြီးအလေးထားတာမျိုးဖြစ်ပါတယ်။ ကိုယ့်ကိုယ်ကိုယ်ကြင်နာခြင်း၊ ချစ်ခင်ခြင်းက အခြားသူတွေကို မထိခိုက်စေသလို သင့်ကိုယ်သင်အတွက်လည်း အကျိုးရှိစေပါတယ်။ အဲဒါကြောင့် သင့်ကိုယ်သင်ဘယ်လိုကြင်နာမလဲဆိုတာ လိုက်နာကျင့်သုံးနိုင်အောင် ဖတ်ကြည့်လိုက်ပါအုံး။
နှစ်သစ်မှာ ပိုပြီးပျော်ရွှင်စိတ်ချမ်းသာစေဖို့ သတ်မှတ်သင့်သော စည်းကမ်းများ
သိပ်မကြာခင်မှာ နှစ်သစ်ကို ကူးပြောင်းတော့မှာဖြစ်ပါတယ်။ နှစ်တစ်နှစ်ကုန်ဆုံးသွားတိုင်း ဘာတွေတွေးဖြစ်သလဲ။ ဘာတွေလုပ်ဖို့အစီအစဉ်ချမှတ်ထားသလဲ။ ကိုယ့်ကိုယ်ကိုယ်ပြန်သုံးသပ်ဖြစ်သလား။ နှစ်တစ်နှစ်ကုန်ဆုံးသွားလေ အသက်တစ်နှစ်ပိုကြီးသွားလေဖြစ်ပြီး ကိုယ့်အတွက်အသိတရားတွေလည်း ပိုတိုးလာဖို့လိုပါတယ်။ အသိတရားတွေတိုးလာသလို၊ ကိုယ့်ဘဝအတွက် ဘဝနေထိုင်မှုပုံစံကို ပြုပြင်ပြောင်းလဲသင့်တာပြောင်းလဲလို့ တိုးတက်မှုရှိလာအောင်ကြိုးစားသင့်ပါတယ်။ အသက်တစ်နှစ်ကြီးလာတယ်ဆိုတာက ကိုယ့်ဘဝအတွက် အချိန်တွေ တဖြေးဖြေးကုန်ဆုံးဖို့နီးကပ်လာပြီး သတိပေးနေတာဖြစ်သလို ကုန်ဆုံးသွားခဲ့တဲ့အချိန်တွေကို ပြန်တွေးကြည့်လိုက်ရင် အကျိုးရှိစွာအသုံးချခဲ့ရဲ့လား။ အလဟဿဖြုန်းတီးပစ်ခဲ့မိသလား။ အချိန်ကုန်ရကျိုးနပ်ဖို့ ဘာတွေလုပ်သင့်သလဲဆိုတာမျိုး ကိုယ့်ကိုယ်ကိုယ်ပြန်မေးသင့်ပါတယ်။ ဘဝရဲ့အချိန်တွေကုန်ဆုံးဖို့နီးကပ်လာပြီလို့ သင့်ကို New year တိုင်းက သတိပေးနေတာဖြစ်ပါတယ်။ နောက်တစ်နှစ်အတွက် ကိုယ့်ကိုယ်ကိုယ့်စည်းကမ်းတွေသတ်မှတ်ကြမယ်ဆိုရင် အောက်ကစည်းမျဉ်းတွေကိုဖတ်ကြည့်လိုက်ပါအုံး။
အချေခံဖူးကြသလား။ တကယ့်ကို စိတ်ထဲမှာအောင့်သက်သက်နဲ့ ခံစားဖူးမှာပါ။ အချေခံရတယ်ဆိုတာက ကိုယ့်ကို အထင်သေးစွာ ဆက်ဆံလိုက်တာ၊ ကိုယ့်နဲ့အဆင့်မတူသလို၊ မတူမတန်သလိုမျိုး မဆက်ဆံချင်တဲ့ပုံစံမျိုးပြုမူလိုက်တာ၊ ကိုယ့်ကိုဆို အဖက်မလုပ်တာဆိုတဲ့ ဆက်ဆံမှုပုံစံတစ်မျိုးပါပဲ။ တနည်းအားဖြင့် အတင်စီးခံလိုက်ရတာ၊ အထင်သေးနှိမ့်ချဆက်ဆံခံလိုက်ရတာမျိုးပါ။
ခရီးသွားခြင်းက သင့်ဘဝအပေါ် ဘယ်လိုသက်ရောက်မှုရှိစေသလဲ။
ခရီးသွားခြင်းက သင့်ရဲ့ကျန်းမာရေးအခြေအနေပေါ်ကောင်းမွန်တဲ့အကျိုးသက်ရောက်မှုရှိစေပါတယ်။ ခရီးသွားတဲ့အခါ ဘဝအမြင်တွေပြောင်းလဲသွားစေနိုင်ပါတယ်။ ဘဝနဲ့ပတ်သက်တဲ့ခံယူချက်တွေပြောင်းလဲသွားစေနိုင်ပါတယ်။ စိတ်ခံစားချက်တွေကောင်းမွန်စေပါတယ်။ စိတ်ကျန်းမာရေးကောင်းမွန်တဲ့အတွက် ကိုယ်ကျန်းမာရေးကိုလည်း သွယ်ဝိုက်ပြီး အကျိုးပြုပါတယ်။ အဲဒါကြောင့် ခရီးသွားခြင်းက သင့်ဘဝအပေါ်ဘယ်လိုသက်ရောက်မှုရှိသလဲဆိုတာဖော်ပြပေးလိုက်ပါတယ်။
ဘဝကို အဓိပါ္ပယ်ရှိစွာရှင်သန်တတ်စေဖို့………
ကျွန်တော်တို့ရှင်သန်ရတဲ့လူ့ဘဝကို ရဖို့ခက်ခဲလှပါတယ်လို့ အမြဲကြားဖူးနေကြမှာပါ။ ဗုဒ္ဓဘာသာဝင်တွေဆို ပိုပြီး ကြားဖူးမှာပါ။ လူ့ဘဝက ရဖို့ခက်ခဲလှသလို ကုန်ဆုံးဖို့ကတော့ လွယ်ပါတယ်။ ဒါပေမယ့် လူ့ဘဝကုန်ဆုံးသွားတဲ့အခါ နောက်ထပ်လူ့ဘဝပြန်ရနိုင်မရနိုင်ကလည်း ဘယ်သူကမှ တရားသေမပြောနိုင်ပြန်ပါဘူး။ ဒီနေရာမှာ ဘာသာရေးတွေဘာတွေမစဉ်းစားဘဲနဲ့ ရှင်သန်မှုအကြောင်းကိုပဲ စဉ်းစားကြည့်ကြရအောင်ပါ။ ခုလက်ရှိလူသားဘဝကို ရထားတယ်ဆိုရင် ဘယ်လိုရှင်သန်နေထိုင်သင့်သလဲ။ လက်ရှိပိုင်ဆိုင်ထားတဲ့လူ့ဘဝကုန်ဆုံးသွားတဲ့အခါ ဘာဖြစ်မလဲဆိုတာကို မသိနိုင်တဲ့အတွက် ခုလက်ရှိဘဝကို အကောင်းဆုံး ရှင်သန်နေထိုင်ကြရင် မကောင်းဘူးလား။ အကောင်းဆုံးရှင်သန်မှုဆိုတာက ဘဝမှာ အဓိပါ္ပယ်ရှိစွာရှင်သန်နေထိုင်ခြင်း၊ ပျော်ရွှင်မှုအစစ်အမှန်ကိုရှာဖွေခြင်း၊ လူသားအချင်းချင်းကြား ကြင်နာဖေးမကူညီမှုတွေမျှဝေခြင်း၊ ကိုယ့်ကြောင့် အခြားသူတွေ မနာကျင်စေခြင်း၊ မထိခိုက်စေခြင်းက ပိုပြီးလေးနက်စွာရှင်သန်ခြင်းဖြစ်ပါတယ်။ အဲဒါဆိုရင် လူ့ဘဝမှာ ရှင်သန်ရကျိုးနပ်စေဖို့ လုပ်သင့်တဲ့အချက်တွေကို ဖော်ပြပေးလိုက်ပါတယ်။