ကိုယ့်ကိုယ်ကိုယ်ဘယ်လိုပိုချစ်ကြမလဲ။
ကိုယ့်ကိုယ်ကိုယ်ချစ်ခင်ခြင်းဆိုတာဘာလဲ။ အကျဉ်းချုပ်ဆိုရမယ်ဆိုရင်တော့ ကိုယ့်ကိုယ်ကိုယ်ချစ်ခင်ခြင်း (self-love) ဆိုတာက ခွင့်လွှတ်တတ်ခြင်း၊ ကိုယ့်ကိုယ်ကိုယ်အရှိအတိုင်းလက်ခံတတ်ခြင်း၊ ကိုယ့်ကိုယ်ကိုယ်လေးစားခြင်းဆိုတာတွေပါဝင်ပါတယ်။ သင့်ကိုသင်ချစ်ခင်တတ်လာတဲ့အခါ သင့်ကိုယ်သင်ဂရုစိုက်လာမယ်၊ သင့်ရဲ့အကန့်အသတ်၊ သင့်ရဲ့လုပ်နိုင်စွမ်းကို သင်ရိုးသားမယ်၊ သင့်ရဲ့လိုအပ်ချက်ကို သင်နားထောင်မယ်၊ သင့်ရဲ့အိပ်မက်တွေကိုအလေးထားမယ်၊ သင့်ရဲ့ပျော်ရွှင်မှုကိုအလေးထားမယ်၊ သင့်ရဲ့ကျန်းမာရေးကိုဂရုစိုက်မယ်၊ သင့်ကိုယ်သင်အလေးထားတတ်လာတဲ့အခါ အခြားသူများကိုလည်း အလေးထားရကောင်းမှန်းသိလာပါလိမ့်မယ်။ ကိုယ့်ကိုယ်ကိုယ်ချစ်ခင်တတ်လာရင် အခြားသူတွေကိုလည်း ချစ်ခင်ရကောင်းမှန်းနားလည်လာပါတယ်။ ကိုယ်ချင်းစာတတ်လာပါတယ်။
၂၀၂၀တစ်နှစ်လုံး အကျိုးရှိစွာ ကုန်ဆုံးနိုင်စေဖို့ ကိုယ့်ကိုယ်ကိုယ်သတိပေးသင့်တဲ့အကျင့်များ
နှစ်ဟောင်းမှာတုန်းက အချိန်တွေအလကားကုန်ဆုံးခဲ့ပြီး ကိုယ့်ဘဝဘာမှမတိုးတက်လာဘူးဆိုရင် ထားခဲ့လိုက်ပါတော့။ ပြန်တွေးပြီး နှမြောတသဖြစ်နေလို့ အပိုပါပဲ။ ပြန်တွေးပြီး ပူပန်နေခြင်းက ခုလက်ရှိအချိန်ပါ ထပ်ကုန်ဖို့ပဲရှိပါတယ်။ အဲဒါကြောင့် ခုနှစ်သစ်တစ်နှစ်လုံးကို အကျိုးရှိစွာ ကုန်ဆုံးနိုင်စေဖို့ သင့်ကိုသင်သတိပေးသင့်တဲ့အကျင့်တွေကို ဖော်ပြပေးလိုက်ပါတယ်။
အခြားသူများကြောင့် စိတ်မရှုပ်ရစေဖို့ ၂၀၂၀ကို ယူဆောင်မလာသင့်တဲ့အကျင့်များ
ဘဝမှာ အခြားသူတွေရဲ့ကိစ္စတွေ၊ ပြဿနာတွေ၊ အခက်အခဲတွေကြားထဲမှာ ကြားညှပ်ဖူးကြမှာပါ။ တခါတလေ ကိုယ့်ကြောင့်မဟုတ်ဘဲ အခြားသူကြောင့်ဖြစ်တတ်တဲ့ပြဿနာတွေကို စေတနာနဲ့တော့ ကူညီပေးလိုက်တာပါပဲ၊ ဒါပေမယ့် စေတနာက ဝေဒနာဖြစ်သွားတာမျိုလည်း ကြုံရတတ်ပါတယ်။ အဲဒီ့အခါ ကိုယ့်ရဲ့စေတနာကိုတန်ဖိုးမထားသူမျိုး၊ စေတနာထားမှန်းသိလို့ ခုတုံးလုပ်သွားတာမျိုး၊ ကိုယ့်ကိုအသုံးချသွားတာမျိုးခံရတတ်ပါတယ်။ နှစ်ဟောင်းမှာ ထိုပြဿနာမျိုးတွေကြုံခဲ့မယ်ဆိုရင်နှစ်သစ်မှတော့ မယူဆောင်လာသင့်တော့ပါဘူး။ ကိုယ့်အတွက်အကျိုးမရှိနိုင်တဲ့ပြဿနာအဟောင်းတွေ၊ ကိုယ့်ကိုဒုက္ခပေးမယ့်သူတွေကို အတတ်နိုင်ဆုံးရှောင်ကျဉ်သင့်ပါတယ်။ အဲဒါက ကိုယ့်ကိုယ်ကိုယ်လေးစားခြင်းဖြစ်ပြီး၊ ကိုယ့်ကိုယ်ကိုယ်ချစ်ခင်ခြင်းပါပဲ။ အဲဒီ့အတွက် အခြားသူများကြောင့် စိတ်မရှုပ်ရစေဖို့ ၂၀၂၀ကို ယူဆောင်မလာသင့်တဲ့အကျင့်ဆိုးတွေကို ဖော်ပြပေးလိုက်ပါတယ်။
သင့်ကိုယ်ပိုင်အလင်းရောင်က သင့်တန်ဖိုးပါပဲ
"သင်က သင့်ကိုယ်ပိုင်အလင်းရောင်နဲ့ တောက်ပနေတာဆိုရင် ဘယ်သူကမှ သင့်ရဲ့တောက်ပမှုကို မရပ်တန့်နိုင်ပါဘူး။" #quoteoftheday #BAWA101
ရောင့်ရဲခြင်းက ပျင်းရိခြင်းလား။
တခါတခါကျရင် ရောင့်ရဲခြင်းက စိတ်ချမ်းသာတယ်လို့ ပြောတာကြားဖူးမှာပါ။ အဲဒီ့မှာ ရှင်းစရာရှိလာတာက ရောင့်ရဲခြင်းက လောဘကြီးခြင်းရဲ့ဆန့်ကျင်ဘက်စာသားအဖြစ်အားလုံးက အကြမ်းဖျင်းသတ်မှတ်ထားကြပါတယ်။ လောဘကြီးခြင်းကမကောင်းတဲ့လက္ခဏာတစ်ခုအဖြစ်သတ်မှတ်မယ်ဆိုရင် ရောင့်ရဲခြင်းကတော့ ကောင်းတယ်လို့သတ်မှတ်နိုင်တယ်ပေါ့။ အချို့ကျပြန်တော့ တခုခုမလုပ်ချင်တဲ့အခါတိုင်း ရောင့်ရဲတာဆိုပြီး အကြောင်းပြချက်ပေးတတ်ကြပြန်ပါတယ်။ တကယ်တော့ ရောင့်ရဲခြင်းနဲ့ ပျင်းရိခြင်းက မတူပါဘူး။
မပြောလည်း သိသင့်သော စည်းကမ်းများ(၁)
တခါတလေမှာ ဘာစည်းကမ်းရယ်လို့ တရားဝင်စာထုတ်ပြီး မသတ်မှတ်ထားပေမယ့် တစ်ဦးနဲ့တစ်ဦး လေးစားတဲ့အနေနဲ့ လိုက်နာသင့်တဲ့စည်းကမ်းတွေ ရှိပါတယ်။ စည်းကမ်းရယ်လို့ ဘယ်သူကမှ မသတ်မှတ်ပေမယ့် စာနာစိတ်ဖြင့် အလိုလိုသိထားသင့်တဲ့စည်းမျဉ်းတွေဖြစ်ပါတယ်။ သင့်ပတ်ဝန်းကျင်မှာ အဲဒီလိုစည်းမျဉ်းတွေကို နားလည်မှုနဲ့လိုက်နာသင့်တယ်ဆိုတာကို မသိတတ်တဲ့သူတွေအတွက် ဒီစာလေးကို လက်တို့လိုက်ကြပါအုံးနော်။
လက်ရှိအချိန်ကို အကျိုးရှိစွာအသုံးချပြီး အကောင်းဆုံးကိုဖန်တီးပါ။
တခုခုလုပ်မယ်လို့ ကြံစည်တိုင်း၊ ဒါမှမဟုတ် ပြိုင်ပွဲတစ်ခုခု၊ ရည်ရွယ်ချက်တစ်ခုခုနဲ့ ပြုလုပ်ကြတဲ့အခါတိုင်း လူတိုင်းက အဲဒီ့ကပြန်ရလာမယ့် ရလဒ်ကို အကောင်းဖြစ်ဖို့ မျှော်လင့်တတ်ကြပါတယ်။ အဲဒါက ထုံးစံပါပဲ။ စာမေးပွဲတစ်ခုဖြေလိုက်တယ်ဆိုပါစို့…..ဖြေနိုင်တာမဖြေနိုင်တာထက် အောင်တော့အောင်ချင်ကြတာချည်းပါပဲ။ အလုပ်အင်တာဗျူးတစ်ခုဖြေလိုက်တယ်ဆိုပါစို့….. အလုပ်တော့ ခန့်ဖို့ရွေးစေချင်ကြတာချည်းပါပဲ။ ဒါပေမယ့် အဲဒီ့ရလဒ်ကို မျှော်လင့်ပြီး ကြိုတွေးနေမယ့်အစား ခုလက်ရှိ ကိုယ့်ရဲ့ပြင်ဆင်မှုပေါ်သာ အာရုံစိုက်လိုက်မယ်ဆိုရင် ကိုယ်ရလာမယ့် ရလဒ်ကတော့ အညံ့ဆုံးရယ်လို့ ဖြစ်နေမယ်မထင်ပါဘူးနော်။ အဲဒီ့အချက်က အရေးကြီးတဲ့အချက်ပဲဖြစ်ပြီး အတော်များများက အဲဒီ့အချက်ကို မေ့နေတတ်ကြပါတယ်။
ဆေးကုလို့မရသော ရောဂါတွေရှိပါတယ်။ အဲဒီ့ရောဂါမျိုးက ကိုယ်တိုင် ကိုယ့်ကိုယ်ကိုယ်ပြုပြင်ဆင်ခြင်မှရနိုင်တဲ့ကုနိုင်မယ့်ရောဂါမျိုးဖြစ်ပါတယ်။ ကုရာနတ္ထိဆေးမရှိဆိုသလိုပေါ့။ သင့်မှာကော အောက်မှာဖော်ပြထားတဲ့ရောဂါတွေထဲက တစ်ခုခုရှိနေခဲ့ရင်အမြန်ကုသဖို့ တိုက်တွန်းလိုက်ရပါတယ်။
သင့်အိပ်မက်တွေ အမှန်တကယ် အကောင်အထည်ပေါ်လာဖို့က သင်မအိပ်မနေကြိုးစားမှဖြစ်မှာပါ။
ဘဝသင်ခန်းစာအတွက် လူတွေထံမှ သင်ယူပါ။
လောကမှာ လူအမျိုးမျိုးစိတ်အထွေထွေမို့ လူချင်းတူချင်တူနိုင်ပေမယ့် စိတ်ချင်းမတူကြပါဘူး။ ရုပ်ချင်းသာဆင်ချင်ဆင်မယ် စိတ်ဓာတ်ချင်းကတော့ ရေရှည်မတူူညီနိုင်ပါဘူး။ လူတစ်ယောက်က တစ်ကြိမ်မှာ အတွေးတစ်ခုထဲကိုသာ တွေးနိုင်ပြီး ထိုအတွေးကလည်း ၅စက္ကန့်နဲ့ ၁၀စက္ကန့်ကြားခန့်သာ ကြာပါတယ်လို့ စိတ်ပညာရှင်တွေက လေ့လာတွေ့ရှိခဲ့ကြပါတယ်။ အဲဒီ့အတွက်ကို လူတစ်ယောက်နဲ့တစ်ယောက်က ရုပ်ချင်းသာဆင်ချင်ဆင်မယ်၊ အတွေးချင်း တူနိုင်ဖို့ကတော့မလွယ်ပါဘူး။ အတွေးအခေါ်ကလည်း ထိုလူဖြတ်သန်းခဲ့ရတဲ့ဘဝအတွေ့အကြုံပေါ်မူတည်ပြီး ပြောင်းလဲနိုင်ပါသေးတယ်။ သူဖြတ်သန်းခဲ့ရတဲ့အတွေ့အကြုံကိုမူတည်ပြီး သူရဲ့တွေးခေါ်ပုံ၊ လူတွေကို ဆက်ဆံပုံက မတူညီတတ်ကြပါဘူး။ အဲဒီလို တစ်ဦးနဲ့တစ်ဦးရဲ့ ဘဝအတွေ့အကြုံမတူညီတာကြောင့်ကိုပဲ ဘဝအတွက်သင်ခန်းစာတွေက လူအမျိုးမျိုးထံမှ ပြန်လည်သင်ယူတတ်ရင် ရနိုင်ပါသေးတယ်။ ဒါပေမယ့် ဘဝသင်ခန်းစာကတော့ လွယ်လွယ်နဲ့မရတတ်ပါဘူး။ နာကျင်စရာတွေနဲ့တွဲပြီးမှ ရလာတတ်တာမျိုးပါ။
ဘဝရှင်သန်နေထိုင်တတ်စေဖို့ ပညာပေးကောက်နုတ်ချက်များ (၂)
ဘဝရှင်သန်နေထိုင်တတ်စေဖို့ ပညာပေးကောက်နုတ်ချက်များ (၂) #quotesforlife #BAWA101
သင်လက်ရှိဝင်ငွေ ရပ်တန့်သွားမယ်ဆိုရင် ဘာဖြစ်သွားမလဲ။ ဒီမေးခွန်းမျိုး သင့်ကိုယ်သင်မေးဖူးပါသလား။ မေးလိုက်တိုင်း ဘယ်လိုခံစားရသလဲ။ လူတိုင်းနီးပါးက ဒီမေးခွန်းကို ကိုယ့်ကိုယ်ကိုယ်မေးဖို မေ့လျော့နေတတ်ပါတယ်။ နေ့စဉ် စားဖို့ ဝတ်ဖို့ နေထိုင်ဖို့၊ အကြွေးဆပ်ဖို့၊ လိုချင်တာတွေထပ်ဝယ်ဖို့၊ အခြား ဗာဟီရအလုပ်တွေ၊ ပုံမှန်အလုပ်သွားဖို့၊ စသဖြင့် သံသရာလည်နေတာနဲ့တင် အချိန်ကုန်နေကြပါတယ်။ အဲဒီစက်ဝန်းထဲမှာလည်ပတ်နေရင်း၊ အချိန်တွေသာ ကုန်လာတယ်။ ဘဝက ဘာမှမတိုးတက်လာပါဘူး။ အချိန်ကြာလေ အသက်ကြီးလာလေ၊ ထိုသံသရာထဲက ရုန်းမထွက်နိုင်လေဖြစ်ပြီး ဟန်မပျက်နိုင်အောင် ထိန်းရင်းနဲ့သာ ဘဝကို ကုန်ဆုံးသွားတတ်ကြပါတယ်။