မာနကြီးတယ်ဆိုတာ မကြာခဏကြားဖူးပြောဖူးကြမှာပါ။ မာနကြီးတိုင်းကောင်းရဲ့လား။ မာနမရှိရင်ရော ကောင်းရဲ့လား။ မာနဆိုသည်မှာ ထောင်လွှားခြင်းဟုလည်းဆိုကြပါတယ်။ ဗုဒ္ဓဘာသာမှာတော့ မာနဆိုတာ ရှိတဲ့လူအတွက်လည်း အကျိုးမပေးတဲ့အတွက် မထားသင့်ဘူးလို့ဆိုထားပြန်ပါတယ်။ ဒါပေမယ့် သာမန်လူတစ်ယောက်ဖြစ်နေတဲ့အတွက်တော့ မာနဆိုတာအနည်းနဲ့အများရယ်တော့ ရှိကြတာပါပဲ။ သာမန်လူတစ်ယောက်အနေနဲ့ မာနကင်းအောင်တော့ မနေနိုင်ကြပါဘူး။ မာနထားတယ်ဆိုတဲ့နေရာမှာလည်း ရှိသင့်တဲ့မာနရယ်လို့ရှိပေမယ့် အလွန်အကျွံ့မဟုတ်တဲ့နေရာမှာ မာနထားတာမျိုးတော့ မဖြစ်သင့်ပါဘူး။ အဲဒါကြောင့် ထားသင့်တဲ့မာနက ဘာလဲဆိုတာလေး ပြောပြပေးချင်ပါတယ်။
အကျင့်ကောင်းတွေဖြစ်လာအောင်ဘယ်လိုလေ့ကျင့်မလဲ။
အကျင့်ကောင်းတွေသင့်ထံမှာ များလာတဲ့အခါ သင်ကိုယ်တိုင်လည်းတိုးတက်တဲ့လူတစ်ယောက်ဖြစ်လာဖို့အခွင့်အလမ်းများလာတာပေါ့။ အကျင့်ကောင်းတွေကို ကျင့်ယူနိုင်လေလေ သင့်အတွက် ပိုပြီး အခွင့်အလမ်းများလာလေလေ၊ သင့်အနာဂတ်ကို သင်ကိုယ်တိုင်ပုံဖော်နိုင်လေလေဖြစ်မှာပါ။ သင့်အလေ့အကျင့်တွေက သင့်အနာဂတ်ပါပဲဆိုတဲ့ဆောင်းပါးမှာ ဖော်ပြခဲ့ဖူးပါတယ်နော်။ အဲဒီ့တော့ မေးစရာဖြစ်လာတာက အကျင့်ကောင်းရှိတာက လူတစ်ယောက်ရဲ့ဘဝကိုတိုးတက်လာစေတာမှန်ပါတယ်။ ဒါပေမယ့် အကျင့်ကောင်းတွေကိုဘယ်လိုကျင့်ယူရမလဲဆိုတဲ့အမေးပါပဲ။ အဲဒါကြောင့် အကျင့်ကောင်းတွေဖြစ်လာအောင် ကျင့်ယူဖို့နည်းလမ်းအဆင့်ဆင့်ကိုဖော်ပြပေးလိုက်ပါတယ်။ အရေးကြီးတာကတော့ စာထဲမှာဘယ်လောက်ပဲဖော်ပြထားပါစေ၊ စာဖတ်သူကာယကံရှင်ကိုယ်တိုင်က မလိုက်နာ၊ မကျင့်သုံးရင်တော့ အကျင့်ကောင်းတွေက ကွန်ပျူတာထဲ copy paste လုပ်လိုက်သလို သင့်ထံချက်ချင်းကူးပြီးသားဖြစ်စေမှာမဟုတ်ပါဘူးနော်။ သင်ကိုယ်တိုင်လိုက်နာကျင့်သုံးမှရမယ်ဆိုတာ မမေ့လိုက်ပါနဲ့။
သင့်ဘဝမှာ ပူပန်မှုအနည်းဆုံးဖြစ်စေဖို့လေ့ကျင့်ရမယ့်အကျင့် (၆)ချက်
လူတိုင်းလိုလိုအနည်းနဲ့အများတော့ ပူပန်မှုတွေရှိကြပါတယ်။ ဒါပေမယ့် တကယ်ပူပန်ဖို့လိုအပ်လို့ပူပန်ရတာက ဖြစ်သင့်ပေမယ့် မလိုအပ်ဘဲ ပူပန်နေခြင်း တနည်းအားဖြင့် မဖြစ်နိုင်တာတွေကို ကြိုတွေးပူပန်ခြင်း၊ စိုးရိမ်လွန်ခြင်း၊ သံသယများခြင်းကဲ့သို့ ပူပန်ခြင်းတွေကတော့ လူကို အနှောင့်အယှက်ဖြစ်စေပါတယ်။ အဲဒါအပြင် လူကို စိတ်ကျန်းမာရေးထိခိုက်စေသလို တဖြည်းဖြည်း ကိုယ်ကျန်းမာရေးကိုပါထိခိုက်လာစေနိုင်ပါတယ်။ အယောက်စီတိုင်းကိုလိုက်ပြီးပူပန်နေမယ့်အစား ကိုယ်လုပ်နိုင်တာလေးကို လုပ်ပေးလိုက်ခြင်း ဒါမှမဟုတ် ကိုယ်အကြံပေးနိုင်တာကိုပေးလိုက်ခြင်း(လုပ်ခြင်းမလုပ်ခြင်းကတော့ ကာယကံရှင်ကိစ္စဖြစ်သွားပါပြီ) ကိုယ်တတ်နိုင်တဲ့ဘက်က လုပ်ပေးပြီးရင် အပူလျှော့အောင်နေတတ်ဖို့ ကျင့်ယူသင့်ပါတယ်။ အဲဒါမှသာ ကိုယ့်ရဲ့ကိုယ်စိတ်ကျန်းမာရေးကိုမထိခိုက်စေမှာပါ။ အဲဒီလို ပူပန်မူအနည်းဆုံးဖြစ်အောင် ကျင့်ယူသင့်တဲ့အချက် (၆)ချက်ရှိပါတယ်။ ဖတ်ကြည့်လိုက်ပါအုံးနော်။
သင့်အလေ့အကျင့်တွေက သင့်ရဲ့အနာဂတ်ပါ။
အလေ့အကျင့်ဆိုတာက အထူးအဆန်းတော့မဟုတ်ပါဘူး။ နေ့တိုင်းကိုယ်ပြုမူနေကျ အပြုအမူကနေ အလေ့အကျင့်ဖြစ်လာတာပါပဲ။ အလေ့အကျင့်ကောင်းတွေစုလာတဲ့အခါ အကျင့်ကောင်းတွေများတဲ့လူဖြစ်လာပါတယ်။ “You don’t decide your future, you decide your habits and your habits decide your future” သင်ရဲ့အနာဂတ်ကိုသင်မဆုံးဖြတ်နိုင်ဘူးမှန်ပါတယ်။ သင့်ရဲ့အကျင့်တွေကိုတော့ သင်ဆုံးဖြတ်နိုင်ပါတယ်။ အကျင့်ကောင်းတွေဖြစ်အောင်ကျင့်ယူမလား၊ အကျင့်ဆိုးတွေကို မပြုပြင်ဘဲရှေ့ဆက်သွားမလားပေါ့။ သင်ဆုံးဖြတ်နိုင်ပါတယ်။ သင့်ရဲ့အလေ့အကျင့်တွေကနေ သင့်အနာဂတ်ကိုဖန်တီးပေးတာပါတဲ့။ တကယ်မှန်ပါတယ်နော်။
ကိုယ့်ကိုယ်ကိုယ်လက်ခံပါ။
ကိုယ့်ကိုယ်ကိုယ်သာယှဉ်ပြိုင်ပါ။
လူတော်တော်များများက အခြားသူတွေကိုသာ ကြည့်ပြီး နှိုင်းယှဉ်တတ်ကြပါတယ်။ အခြားသူနဲ့ ပြိုင်ရတာက အင်မတန်လွယ်ပါတယ်။ “သူကတော့ လစာဘယ်လောက်ရပြီ၊” “သူကတော့ ကားဝယ်လိုက်ပြီ” “သူကတော့ ဘာရာထူးဖြစ်နေပြီ” “အမလေး သူကတော့ ဘာအဆင့်မှမရှိပါဘူး” စသဖြင့် အခြားသူတစ်ယောက်ကို မြင်ရတာနဲ့ အခြားသူတစ်ယောက်ကို ဝေဖန်ရတာက အရမ်းကိုလွယ်ပါတယ်။ ကိုယ့်ကိုယ်ကိုယ် မြင်အောင်ပြန်ကြည့်ရတာကျတော့ အင်မတန်ခက်ပါတယ်။ “သူက လစာ… ဘယ်လောက်.ရနေပြီ၊ ငါက ဘာလို့မရသေးတာလဲ” လို့တွေးတာက လူတိုင်းတွေးတတ်ပါတယ်။ ဒါပေမယ့် “သူက အဲဒီလောက်လစာရအောင် အဲဒါနဲ့တန်တဲ့အရည်အချင်းရှိတာကိုး” လို့ ဘယ်သူကမှ သိပ်မတွေးတတ်ကြပါဘူး။
ဘဝမှာရှင်သန်နေထိုင်ရတဲ့အခါ လူအမျိုးမျိုးစိတ်အထွေထွေမို့ လူပေါင်းစုံနဲ့စရိုက်ပေါင်းစုံကို ရင်ဆိုင်ကြုံတွေ့ရမှာပါ။ အဲဒီလို ရင်ဆိုင်ရတဲ့အခါ ကိုယ့်အပေါ်ကောင်းတဲ့လူရှိသလို၊ ကိုယ့်အပေါ်ဒုက္ခပေးမယ့်သူ၊ ကိုယ့်ကို ပြဿနာတွေပေးမယ့်သူ၊ ကိုယ့်ကိုနစ်နာစေပြီး သူတို့သာ အသာရအောင် အနိုင်ကျင့်တတ်သူတွေကို မလွှဲမသွေ ကြုံရမှာပါ။ အဲဒီ့လိုအခါမျိုးမှာ ကိုယ့်ဘဝကို လက်တွေ့ကျကျ ရင်ဆိုင်တတ်ဖို့၊ ဖြေရှင်းတတ်ဖို့လည်း လိုပါတယ်။ တခါတလေ ကိုယ်က စိတ်ကောင်းထားကူညီလိုက်ပေမယ့် ကိုယ့်ရဲ့စေတနာကို အသုံးချတတ်တဲ့သူမျိုးကိုလည်း ကြုံရမှာမို့ ကိုယ့်အတွက်အကောင်းဆုံးဖြစ်စေမယ့်နည်းလမ်းကို ရွေးချယ်နေထိုင်ရပါလိမ့်မယ်။ အဲဒါကြောင့် လက်တွေ့ကျကျ ဘဝမှာနေထိုင်နိုင်စေမယ့် အကောင်းဆုံးနည်းလမ်းတွေကို ဖော်ပြပေးလိုက်ပါတယ်။
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
သင့်ဘဝအတွက် သင့်ကိုယ်သင်သတိပေးသင့်သောအချက် (၆) ချက်
ကိုယ့်ဘဝကို အကောင်းဆုံးရှင်သန်နိုင်ဖို့ အတွက် ကိုယ့်ကိုယ်ကိုယ်အမြဲသတိပေးသင့်တဲ့အချက်တွေရှိပါတယ်။ တခါတလေ ထိုအချက်တွေကို မေ့နေခြင်းက သင့်ကိုစိတ်ညစ်၊ စိတ်ဓာတ်ကျပြီး လမ်းပျောက်သလိုဖြစ်စေပါလိမ့်မယ်။ အဲဒါကြောင့် အောက်ကအချက်လေးတွေကို မေ့သလိုဖြစ်လာတိုင်း ကိုယ့်ကိုယ်ကိုယ်ပြန်သတိပေးဖို့ဖော်ပြပေးလိုက်ပါတယ်။
တစ်ယောက်တည်းအချိန်ဖြုန်းခြင်းရဲ့ကောင်းကျိုးများ
များသောအားဖြင့် တစ်ယောက်တည်းဖြစ်နေတယ်ဆိုရင် လူအချို့က မနှစ်သက်တတ်ကြပါဘူး။ “ငါတစ်ယောက်တည်း ပျင်းတယ်” “ ဘယ်သူမှမရှိလို့ ဘာလုပ်ရမှန်းမသိဘူး” “တစ်ယောက်တည်းဖြစ်နေတာ သနားပါတယ်” တို့ စသဖြင့် တစ်ယောက်တည်းသမားဖြစ်နေရင်ကို အလိုလိုသနားစရာကောင်းနေသလိုလို ပြောတတ်ကြပါသေးတယ်။ တကယ်တော့ “lonely” ဆိုတာက ယူတတ်ရင် အကျိုးအများကြီးရှိနိုင်ပါတယ်။ “freedom” ဆိုတဲ့လွတ်လပ်မှုတောင်ရနိုင်သေးရဲ့။ အဲဒီ့တော့ တစ်ယောက်တည်းဖြစ်နေတဲ့အခါ ဘယ်လိုကောင်းကျိုးတွေရမလဲဆိုတာဖတ်ကြည့်လိုက်ပါအုံးနော်။
Facebook ကို အကျိုးရှိအောင်ဘယ်လိုသုံးကြမလဲ။
ဒီနေ့ခေတ်မှာ နည်းပညာအဆင့်မြင့်လာသလို လူမှုကွန်ရက် (Social network) ကလည်း လူတိုင်းနီးပါးလို တယ်။ မြန်မာနိုင်ငံမှာ Jan 2020 ထိကောက်ယူထားတဲ့စစ်တမ်းအရ ဖေ့ဘုတ်အသုံးပြုသူပမာဏ 94.9%ရှိပါတယ်လို့ Social Media Stats Myanmar မှာဖော်ပြထားပါတယ်။ အဲဒါကြောင့် မြန်မာပြည်မှာဆိုရင်တော့ အခြားလူမှုကွန်ရက်တွေထက် ဖေ့ဘုတ်အသုံးပြုသူအများဆုံးလို့ပြောနိုင်ပါတယ်။ ဒါပေမယ့် ဖေ့ဘုတ်ကို အထာကျကျ မသုံးတတ်ရင်ဘေးဖြစ်နိုင်သလို၊ သေချာလေးစနစ်တကျသုံးတတ်မယ်၊ လေ့လာတတ်မယ်ဆိုရင်တော့ ဖေ့ဘုတ်ကနေ ပညာအမျိုးမျိုးရနိုင်သလို၊ အများကြီးလည်းတိုးတက်လာစေနိုင်ပါတယ်။ အဲဒါကြောင့် facebook ကို ဘယ်လိုအကျိုးရှိအောင်အသုံးချမလဲဆိုတာလေးဖော်ပြပေးလိုက်ပါတယ်နော်။
သင့်ရဲ့relationships အတွက် ရှောင်ကျဉ်သင့်သောအချက်များ
လူတိုင်းလိုလိုက ကိုယ်ချစ်ရတဲ့သူနဲ့ အဆင်ပြေတဲ့ ဆက်ဆံရေးတစ်ခုတည်ဆောက်ချင်ကြတာချည်းပါပဲ။ လူတစ်ကိုယ် စိတ်တစ်မျိုးမို့ အကြိုက်ချင်းမတူသလို၊ စိတ်ချင်းကလည်း ထပ်တူမကျနိုင်ပါဘူး။ အဲဒီ့အခါ အဆင်မပြေကတောက်ကဆဖြစ်တာမျိုးတော့ ရှိတတ်ကြပါတယ်။ ဒါပေမယ့် တခါတရံဖြစ်တာက ပြဿနာလို့ ယူဆလို့မရပါဘူးနော်(လူတိုင်းအမြင်မှမတူကြတာကိုး) ။ နှစ်ဦးနှစ်ဖက် အပြန်အလှန်ချစ်ခင်ကြပေမယ့် အမြဲလို ကတောက်ကဆဖြစ်နေတယ်ဆိုရင်တော့ ချစ်ရက်နဲ့လမ်းခွဲတဲ့အဆင့်ရောက်ရမှာပါ။ အဲဒါကြောင့် သင်တို့ရဲ့ ဆက်ဆံရေးမှာ ဘာတွေကြောင့်အဆင်မပြေဖြစ်စေသလဲဆိုတာ ဒီပုံလေးတွေဖတ်ကြည့်ပြီး ကိုယ့်ချစ်သူကိုပြင်စေချင်တဲ့အချက်လေးတွေ မန့်ရှင်းခေါ်ကြည့်လိုက်ပါအုံး ကဲ….သင်တို့ဆက်ဆံရေးထဲမှာကော ဘယ်လိုအချက်တွေပါနေသလဲဆိုတာ ပြန်ဆန်းစစ်ကြည့်လိုက်ပါအုံး။ အဆင်ပြေသော RS ဖြစ်ကြပါစေနော်။ #BAWA101