နာကျင်မှုတွေဆီကနေ သင်ခန်းစာတစ်ခုရအောင်ယူတတ်ပါစေ။
လူတိုင်းကိုယ်စီမှာ trauma ကိုယ်စီတော့ ရှိကြမယ်ထင်ပါတယ်နော်။ မတူကြတာပဲရှိမယ် ကိုယ့်အထိမခံနိုင်အောင် အထိခိုက်မခံနိုင်ကြတဲ့ နာကျင်မှုတစ်မျိုးစီတော့ရှိကြမှာပါ။ ဒါပေမယ့် အဲဒီ့နာကျင်မှုကို နာကျင်မှုအတိုင်းပဲ ဆက်လက်ခံထားမလား၊ အဲဒီ့နာကျင်မှုကို လက်ခံမယ်၊ အဲဒီ့နာကျင်မှုကနေ ကိုယ့်အတွက် တနည်းနည်းနဲ့အကျိုးရှိနိုင်တဲ့ သင်ခန်းစာတစ်ခုခုယူပြီး ကိုယ့်ဘဝကို အကျိုးရှိအောင်လုပ်မလားဆိုတဲ့အပေါ် မူတည်ပြီးတော့ပဲ နာကျင်မှုကို တုံ့ပြန်ပုံခြင်း ကွဲပြားသွားတာပါပဲ။
ထင်သလိုဆွဲတွေးတတ်တဲ့လူတွေအတွက် ကျေနပ်အောင်မကြိုးစားနိုင်ပါဘူး။
မြန်မာလူမျိုးတွေက တပါးသူရဲ့ကိစ္စဆို အရမ်းစိတ်ဝင်စားတတ်ပါတယ်ဆိုရင် သဘောတူကြမလားမသိဘူးနော်။ အကုန်လုံးကိုတော့မဆိုလိုပါဘူး၊ ဒါပေမယ့် မတိုးတက်တဲ့လူတော်များများဟာ ကိုယ့်ဘဝတိုးတက်ဖို့ဘာတွေဖြည့်ဆည်းကြိုးစားသင့်သလဲဆိုတာထက် အခြားလူတွေရဲ့အမှားနဲ့အပြစ်ကိုချည်းလိုက်စိတ်ဝင်စားတတ်တာကိုတွေ့ရပါတယ်။
ခံတွင်းရနံ့သင်းပျံ့စေဖို့ လုပ်သင့်တဲ့အချက်များ
ခံတွင်းအနံ့ဆိုးထွက်ခြင်းဟာ ကိုယ်စားသောက်တဲ့အစားအစာနဲ့လည်းဆိုင်သလို၊ ခံတွင်းသန့်ရှင်းမှုနဲ့လည်းဆိုင်ပါတယ်။ တချို့တွေကျတော့ ခံတွင်းသန့်ရှင်းရေးကို အထူးတလည်ဂရုစိုက်ပေမယ့် အနံ့ဆိုးထွက်နေတုန်းပဲဆိုရင်တော့ ကိုယ့်ရဲ့အစားအစာကို သတိထားပြုပြင်သင့်ပါတယ်။ အောက်ပါအချက်လေးတွေက လုပ်ကြည့်ဖို့လည်းလွယ်ကူတာကြောင့် လုပ်ကြည့်နိုင်အောင်ဖော်ပြပေးလိုက်ပါတယ်နော်။
တစ်ရက်က နာမည်ကြီးတစ်ယောက်ရဲ့ အမျိုးသားက ကလေးအတွက် နေ့လယ်စာ သူကိုယ်တိုင်ဝင်ချက်ပြုတ်နေတဲ့ဗီဒီယိုလေး ကြည့်လိုက်မိပါတယ်။ ကြည့်နေရင်းနဲ့ “တော်လိုက်တာ......သူကကံကောင်းလိုက်တာ၊ သူ့အမျိုးသားလေး တော်လိုက်တာ” ဆိုတဲ့အတွေးတွေတန်းစီနေခဲ့ပြီး၊ သူတို့မိသားစုလေးကို ကြည့်ပြီး ပီတိဖြစ် ကြည်နူးမိပါတယ်။ ကျွန်မတို့ မြန်မာနိုင်ငံမှာက မီးဖိုချောင် ဝင်ပြီး ကူညီချက်ပြုတ်ပေးတတ်တဲ့ အိမ်ထောင်ဦးစီးမျိုးရထားတဲ့ မိန်းမတစ်ယောက်ကို အရမ်းကို အထူးတလည်ကံကောင်းသူအဖြစ်သတ်မှတ်တတ်ကြပါတယ်။
သင့်ဘဝမှာ သင်ဖြစ်ချင်တာတွေဖြစ်အောင်လုပ်နိုင်ဖို့ရာ ရှိသင့်တဲ့လက်နက် (၂) ခု
သင့်ဘဝမှာ သင်ဖြစ်ချင်တာတွေဖြစ်အောင်လုပ်နိုင်ဖို့ရာ ရှိသင့်တဲ့လက်နက် (၂) ခုဟာ ကျန်းမာခြင်းနဲ့ စိတ်ချမ်းသာခြင်းပါ။
Over Controlling လုပ်လွန်းတဲ့ မိဘတွေကြောင့် ပျက်စီးသွားသောကလေးတို့ရဲ့ဘဝမှာ ဘာတွေဖြစ်လာနိုင်သလဲ။
ကလေးကို အရမ်းထိန်းချုပ်လွန်းတဲ့မိဘတွေဆိုတာက ကလေးရဲ့လှုပ်ရှားတိုင်းကို ကြည့်ပြီး ဟန့်တားနေတတ်တာမျိုးပေါ့။ ကလေးထိုင်ထိုင်နေလို့၊ ကလေးခုန်နေရင်ခုန်နေလို့၊ ကလေးကပုံဆွဲရင်ဆွဲနေလို့စသဖြင့် ကလေးကို သူတို့ဖြစ်စေချင်တဲ့အတိုင်း အရမ်းကို ထိန်းချုပ်ဖို့ အမိန့်ပေးပြောဆိုတတ်သူတွေပါပဲ။ အဲဒီလို အထိန်းချုပ်လွန်တဲ့မိဘတွေမှာ တခါတလေ စိတ်ပိုင်းဆိုင်ရာအားဖြင့် ထိခိုက်အောင် ပြောဆိုတတ်သလို၊ တခါတလေလည်း သူတို့စိတ်နဲ့မတွေ့တဲ့အခါ ရုပ်ပိုင်းဆိုင်ရာကိုပါ ထိခိုက်အောင် ရိုက်နှက်တတ်ကြပါသေးတယ်။
သင့်ဘဝကို ပျက်စီးစေနိုင်တဲ့ အဆိုးဝါးဆုံးသော အကျင့်က ဘာဖြစ်မလဲ။❓
သင့်ဘဝကို ပျက်စီးစေနိုင်တဲ့ အဆိုးဝါးဆုံးသော အကျင့်က ဘာဖြစ်မလဲ။❓
လူတစ်ယောက်ရဲ့ အမှားကိုချည်းမြင်ပြီး အပြစ်တင်နေခြင်းက ဆိုးရွားပါတယ်။
လောကမှာ အမှားမရှိတဲ့သူဆိုတာမရှိနိုင်ပါဘူး။ “မမှားသောရှေ့နေ၊ မသေသောဆေးသမား”ဆိုတဲ့စကားပုံလိုပေါ့၊ လူတိုင်းဟာ အမြဲမှန်ကန်နေတဲ့လူဆိုတာမရှိနိုင်ပါဘူး။ ဒါပေမယ့်လည်း “မမှားတဲ့လူဆိုတာမရှိဘူး” ဆိုတာကိုချည်း လက်ကိုင်ထားပြီး တစ်သက်လုံးမှားနေလို့လည်းမဖြစ်ပြန်ပါဘူး။ အမှားတွေထဲကနေ သင်ခန်းစာယူပြီး အလားတူအမှားမျိုးမဖြစ်အောင် ကြိုးစားကြရတာပါပဲ။ အဲဒါမှသာ အမှားနည်းတဲ့လူဖြစ်လာမှာပါ။ နောက်ထပ်ဆိုးဝါးတဲ့အကျင့်တစ်ခုကတော့ လူတစ်ယောက်ရဲ့အမှားကိုချည်းထောက်ပြပြီး အမှားရှာတတ်တဲ့အကျင့်ပါပဲ။
အချိန်တိုင်း သင့်ဖုန်းကိုချည်း အာရုံမရောက်မိစေဖို့ လုပ်သင့်တဲ့အလေ့အကျင့်များ
ဒီနေ့ခေတ်မှာ ဖုန်းက လူတိုင်းမရှိမဖြစ်တဲ့အရာတစ်ခုဖြစ်လာပါတယ်။ အားနေတာနဲ့ ဖုန်းကို ပွတ်လိုက်မယ်ဆိုတဲ့အတွေးတွေးမိမှန်းမသိဘဲနဲ့ကို ဖုန်းကို ပွတ်မိရက်သားဖြစ်နေတာပါပဲ။ အဲဒီ့အခါ ဖုန်းသုံးရင်းအချိန်ကုန်မှန်းမသိ ကုန်သွားပါတော့တယ်။ အဲဒါကြောင့် ဖုန်းကို မလိုအပ်ရင်မသုံးဖို့နဲ့ တခါတလေ အပျင်းပြေဖို့အတွက် သုံးဖို့၊ တခုခုအကျိုးရှိအောင်သင်ယူဖို့အတွက်သာသုံးမယ်ဆိုတဲ့အတွေးနဲ့ ဆုံးဖြတ်ချက်ချထားဖို့လိုပါတယ်။ ဘာမှထိရောက်တဲ့အလုပ်မလုပ်ဖြစ်ဘဲ အချိန်ကုန်သွားတတ်တာမို့ပါ။
အမှိုက်တွေကို ရေမြောင်းထဲပစ်ချခြင်းက ဘယ်လိုဆိုးကျိုးတွေဖြစ်လာနိုင်သလဲ။
ေရမြောင်းထဲအမှိုက်ပစ်တဲ့အကျင့်က တစ်ယောက်ကနေ အခြားတစ်ယောက်ကို ကူးစက်တတ်တယ်ဆိုရင် ယုံမလား။ ကိုယ့်ရပ်ကွက်ထဲမှာ အဲဒီလိုရေမြောင်းထဲ အမှိုက်ထုပ်ကို အလွယ်တကူပစ်ချတတ်တဲ့သူမျိုးရှိနေရင် “သူတောင်မှ ပစ်ချသေးတာပဲ၊ ငါတို့လည်း ပစ်ချင်လိုက်ရုံပဲ၊ အပင်ပန်းခံပြီးအမှိုက်ကန်သွားမနေနဲ့ တိုက်ပေါ်ကနေ ရေမြောင်းထဲပစ်ချင်လိုက်” ဆိုတဲ့လူတွေ ပိုများလာတတ်ပါတဘ်။ အဲဒီ့ဖြစ်ရပ်ကို ဝိုင်းတားမယ့်လူတွေထက် အဲဒီ့လို တစ်ယောက်လုပ်ဖြစ်ရင် အခြားတစ်ယောက်ကပါအလွယ်တကူလိုက်လုပ်တတ်ကြပါတယ်။ တစ်ယောက်ကစပြီး အားလုံးစည်းကမ်းရှိပါမှ ဖြစ်မှာပါ။ ရေမြောင်းထဲကို အမှိုက်အလွယ်တကူချလိုက်ခြင်းဟာ အင်မတန်လွယ်ကူပေမယ့် အကျိုးဆက်ကတော့ တဖြည်းဖြည်းဆိုးဝါးလာစေပါတယ်။
ရာသီလာချိန်စားပေးသင့်သောအစားအစာများ
အမျိုးသမီးတွေရဲ့ခန္ဓာကိုယ်ဟာ အရမ်းကို ထူးဆန်းအံ့အားသင့်ဖွယ်ရာတွေနဲ့ ပြည့်နှက်နေပါတယ်။ လူသားတစ်ယောက်ကနေ အခြားလူတစ်ယောက် သန္ဓေတည်ခွင့် ၊ မွေးဖွားခွင့် စတဲ့အရာတွေအားလုံးကို ဖြစ်ပေါ်ခွင့်ပေးထားတာမို့ ရာသီသွေးသံသရာကိုလည်း ခံစားရပြန်ပါတယ်။ အဲဒီ့အချိန်မှာ စိတ်ခံစားချက်ပြောင်းလဲခြင်း၊ ခေါင်းကိုက်ခြင်း၊ ဗိုက်နာခြင်း၊ စတဲ့ဝေဒနာပေါင်းစုံကိုလည်း ခံစားကြရပါတယ်။ အဲဒီ့အချိန်ဟာ ခန္ဓာကိုယ်ထဲက သံဓာတ်ဆုံးရှုံးမှုများစေတဲ့အချိန်လည်းဖြစ်ပါတယ်။ အဲဒါကြောင့် အဲဒီ့အချိန်မှာစားသင့်တဲ့အစားအစာတွေကို ဖော်ပြပေးလိုက်ပါတယ်။