အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။

သက်ကြီးရွယ်အိုတွေအတွက် စားသုံးသင့်တဲ့အဓိက အစားအစာ ၁၀မျိုး

အောက်မှာဖော်ပြပေးထားတဲ့အစားအစာ ၁၀မျိုးက လူကြီးတွေအတွက် အထူးကောင်းမွန်တဲ့အာဟာရဓာတ်တွေများပြားစွာပါဝင်ပါတယ်။ အိုမင်းရင့်ရော်ခြင်းနဲ့ အသက်အရွယ်ကြီးရင့်မှုကြောင့်ဖြစ်လာနိုင်တဲ့ ရောဂါအမျိုးမျိုးရဲ့အန္တရာယ်ကနေ ကာကွယ်ဖို့ အထောက်အကူဖြစ်စေနိုင်ပါတယ်။


၁) အုတ်ဂျုံမှုန့် - ပျော်ဝင်လွယ်သော အမျှင်ဓာတ်များပြားစွာပါဝင်ပါတယ်။ သွေးထဲကိုလက်စထရောဓာတ်ကိုလျော့ကျစေဖို့ ကူညီပေးနိုင်ပြီး နှလုံးရောဂါနဲ့လေဖြတ်ခြင်းကို အန္တရာယ်ကို လျော့ကျစေနိုင်ပါတယ်။
၂) ဥအမျိုးမျိုး - ကြက်ဥမှာ ဗီတာမင်ဒီကဲ့သို့ ဗီတာမင်ဓာတ်နဲ့သတ္တုဓာတ် ၁၃မျိုးခန့်ပါဝင်ပါတယ်။ ဗီတာမင်ဒီက အရိုးကျန်းမာရေးအတွက် ကောင်းမွန်စေတဲ့ကယ်လဆီယမ်ဓာတ်ကို စုပ်ယူဖို့အားကောင်းစေပါတယ်။ Lutein နဲ့ zeaxanthin ဓာတ်တွေက ကြက်ဥအကာမှာပါဝင်ပါတယ်။ ထိုဓာတ်တွေက မျက်စိတိမ်စွဲရောဂါတွေနဲ့ အသက်အရွယ်ကြီးရင့်လာမှုကြောင့် အမြင်အာရုံပျက်စီးတဲ့ရောဂါမျိုးကို ဖြစ်ပွားမှုအန္တရာယ်ကိုလျော့ကျစေနိုင်ပါတယ်။
၃) ဒိန်ချဉ် - ဒိန်ချဉ်မှာ ကယ်လဆီယမ်ဓာတ်ကြွယ်ဝပါတယ်။ အသက်အရွယ်ကြီးရင့်လာတဲ့အခါ အရိုးသန်မာမှုအားနည်းလာပြီး အရိုးပွရောဂါကဲ့သို့ရောဂါမျိုးကို ကာကွယ်ဖို့အတွက် ကယ်လဆီယမ်ဓာတ်လိုအပ်ပါတယ်။ ဒိန်ချဉ်က အစာခြေစနစ်ကိုလည်း ကောင်းမွန်ဖို့ကူညီပေးနိုင်ပါတယ်။
၄) ဘလူးဘယ်ရီသီးများ - ဘလူးဘယ်ရီသီးက ကျန်းမာရေးအတွက် အထူးကောင်းမွန်စေတဲ့အသီးအနှံဖြစ်ပြီး antioxidants တွေအများအပြားပါဝင်ပါတယ်။ အိုမင်းရင့်ရော်ခြင်းနဲ့ အယ်ဇိုင်းမားရောဂါကို သက်သာစေနိုင်ပြီး မှတ်ဉာဏ်တိုးစေဖို့ အထောက်အကူဖြစ်စေနိုင်ပါတယ်။
၅) ပန်းသီး - ပန်းသီးမှာ ပါဝင်တဲ့ pectin ဓာတ်က ခန္ဓာကိုယ်ကို galacturonic acid များထုတ်ပေးပါတယ်။ ဆီးချိုရောဂါကိုထိန်းသိမ်းဖို့ ကူညီပေးနိုင်ပါတယ်။
၆) ငါး - မက်ကရယ်၊ ဆော်လမွန်၊ ဆာဒင်း၊ ထရောက်၊ တူနာငါး စတဲ့ငါးများက အဆီဓာတ်နည်းပါးပြီး ပရိုတင်းဓာတ်များပြားစွာပါဝင်ပါတယ်။ အဆီများတဲ့ငါးများကို တစ်ပတ်မှာ ၂ကြိမ်ခန့်စားသုံးခြင်းကလည်း နှလုံးကျန်းမာရေးကောင်းမွန်စေနိုင်ပါတယ်။
၇) ကြက်သား - ကြက်သားက ပရိုတင်းဓာတ်များပြားစွာပါဝင်ပြီး အခြားသောအသားတွေထက် အဆီနည်းပါးပါတယ်။ niacin နဲ့ selenium ဓာတ်တွေပါဝင်ပါတယ်။ ထိုဓာတ်တွေက ကင်ဆာကို တိုက်ဖျက်နိုင်တဲ့အစွမ်းသတ္တိရှိပါတယ်။
၈) ပန်းပွင့်စိမ်း - ပန်းပွင့်စိမ်းမှာ ဗီတာမင် စီ၊ ကေ၊ အီးနဲ့ ဘီ၊ ကယ်လဆီယမ်နဲ့ သံဓာတ်ပါဝင်ပါတယ်။ ကင်ဆာကိုကာကွယ်နိုင်တယ်လို့လေ့လာတွေ့ရှိခဲ့ပြီး နှလုံးရောဂါနဲ့ လေဖြတ်ခြင်း၊ အသက်အရွယ်ကြောင့် အမြင်အာရုံပျက်စီးခြင်းကို ကာကွယ်ပေးနိုင်ပါတယ်။
၉) ကန်စွန်းဥ နဲ့ သခွားမွှေး (squash) - ကန်စွန်းဥမှာ ဘီတာကရိုတင်းနဲ့ဗီတာမင်စီ၊ အီး ပါဝင်တဲ့အတွက် အရေပြား၊ ဆံပင်နဲ့ အမြင်အာရုံကျန်းမာရေးကို ကောင်းမွန်စေပါတယ်။
၁၀) ဆန် - ကာဗွန်ဟိုက်ဒရိတ်ကဲ့သို့ အစာခြေနှေးစေပြီး ခန္ဓာကိုယ်ကို စွမ်းအင်တွေကြာရှည်စွာထုတ်ပေးနိုင်ပါတယ်။ ဆိုဒီယမ်နည်းပါးပြီး ပိုတက်ဆီယမ်၊ ဗီတာမင်ဘီ၊ thiamin နဲ့ niacin ဓာတ်တွေပါဝင်ပါတယ်။ ကိုလက်စထရောကင်းစင်ပါတယ်။

https://www.homeinstead.ie/blog/waterford/2017/01/09/10-especially-important-foods-for-older-people လင့်မှဘာသာပြန်ဖော်ပြခြင်းဖြစ်ပါတယ်။#BAWA101

အထူး စိတ်ဝင်စားဖွယ်၊ သိမှတ်ဖွယ်၊ အကြောင်းအရာ အသစ်တွေထွက်တိုင်း လစဥ် မိမိ အီးမေးလ်ထဲမှာ တန်းဖတ်လို့ ရချင်တယ်၊ ဘဝရဲ့ Facebook စာမျက်နှာနဲ့ Website မှာ တင်ဆက်သွားမယ့် အကြောင်းအရာများအပြင် အခြားသော သီးသန့် ဆောင်းပါးတွေကို ဖတ်ချင်တယ်ဆိုရင် ကိုယ့် မေးလ်လိပ်စာလေးတွေ ချန်ခဲ့ပေးပါ။