နာကျင်မှုတွေများလာတဲ့အခါ သင့်ကိုယ်သင်ဘယ်လိုပြန်လည်ကုစားမလဲ။
ခန္ဓာကိုယ်နာကျင်မှုဆိုတာက ပြန်ပြီး ကုစားလို့ပျောက်နိုင်ပေမယ့် စိတ်ပိုင်းဆိုင်ရာခံစားချက်တွေကတော့ ကုစားရတာ ပိုခက်ပါတယ်။ အဓိကက စိတ်ပိုင်းဆိုင်ရာနာကျင်သွားတဲ့အခါ ကာယကံရှင်ကိုယ်တိုင်က ပြန်လည်တွေးတောခံစားနေပြီး မဖျောက်ဖျက်နိုင်သရွေ့ ပြန်ပြီးအသစ်လိုခံစားနေရမှာပဲဖြစ်ပါတယ်။ အုဲါကြောင့် သင့်စိတ်ထဲက နာကျင်မှုဒဏ်ရာတွေကို အရှင်းပျောက်အောင် မပြုလုပ်နိုင်ပေမယ့် တဖြည်းဖြည်းချင်း ကုစားနိုင်မယ့်နည်းလမ်းလအချို့ကို ဖော်ပြပေးလိုက်ပါတယ်။
၁) နာကျင်မှုတွေပြန်မတွေးနိုင်အောင် အလုပ်လုပ်ပစ်လိုက်ပါ။ အဓိကက စိတ်ပါ၊ တစ်ခုခုကို အာရုံစိုက်နေရတဲ့အခါ စိတ်က အဲဒီ့အရာပေါ်မှာပဲ ရှိနေတတ်ပါတယ်။ အဲဒါကြောင့် ကိုယ့်စိတ်ကို နာကျင်မှုတွေကို ပြန်တွေးနေနိုင်အောင် အားလပ်ချိန်မပေးလိုက်ပါနဲ့။ အခြားတစ်ခုခုကို အချိန်ပြည့် အခါမလပ်မအားအောင် လုပ်ပစ်လိုက်ပါ။ သင့်စိတ်က အဲဒီသင်လုပ်နေတဲ့အရာပေါ်မှာသာတွေးတောနေအောင်ပေါ့။ အဲဒါဆို နာကျင်မှုကိုပြန်တွေးစရာအချိန်မရှိတော့ပါဘူး။ နာကျင်မှုကိုပြန်မတွေးနိုင်တဲ့အခါ နာကျင်စရာတွေကို ပြန်အစမပြုတော့ပါဘူး။
နောက်တစ်ပုံ
၂) အိပ်ရေးဝဝအိပ်ပစ်လိုက်ပါ။ နောက်တစ်ခုက အိပ်နေရင်းနဲ့တွေးတဲ့အကျင့်ကို အစမလုပ်လိုက်ပါနဲ့။ အိပ်တာနဲ့ ဘာကိုမှမတွေးဘဲ အိပ်ပစ်တတ်တဲ့အကျင့်လုပ်ပါ။ အဲဒီလိုမဟုတ်ဘဲ အိပ်ရာထဲရောက်မှ မအိပ်ဘဲ စိတ်ဖိစီးစရာတွေကို ၊ နာကျင်စရာတွေတွေးနေမယ်ဆိုရင် အိပ်ပျော်ဖို့ ခက်ခဲစေပြီး ညဘက်အိပ်မပျော်တဲ့ရောဂါကို အစပြုသလိုဖြစ်လာပါလိမ့်မယ်။ အဲဒါကြောင့် မအိပ်ခင်မှာ ကိုယ်လက်လေ့ကျင့်ခန်းလုပ်တာမျိုး၊ အလုပ်တွေတန်းစီလုပ်တာမျိုးနဲ့ ခန္ဓာကိုယ်ကိုခိုင်းလိုက်ပါ။ ပင်ပန်းပြီး အိပ်ရာပေါ်အရောက်တခါတည်းအိပ်ပျော်သွားအောင် အိပ်လိုက်ပါ။
နောက်တစ်ပုံ
၃) ကိုယ်လက်လှုပ်ရှားမှုလုပ်ပစ်လိုက်ပါ။ ကိုယ်လက်လှုပ်ရှားမှုကို ပုံမှန်လုပ်ကြည့်ပါ။ အဲဒါက ကျန်းမာရေးအထောက်အကူပြုတဲ့အပြင် ခန္ဓာကိုယ်ကိုခိုင်းပြီးသားလည်းဖြစ်စေတာကြောင့် အိပ်ရေးဝဝအိပ်ပျော်ဖို့လည်း အထောက်အကူဖြစ်စေပါတယ်။ အရမ်းစိတ်ပင်ပန်းလာတယ်လို့ထင်ရင်လည်း ကိုယ်လက်လှုပ်ရှားမှုလုပ်ပစ်လိုက်ပါ။
နောက်တစ်ပုံ
၄) ကိုယ်တကယ်လုပ်သင့်တာကို အာရုံစိုက်လိုက်ပါ။ ကိုယ်က နာကျင်စရာတွေပဲတွေးမိနေရင် ကိုယ်လက်ရှိအချိန်မှာလုပ်သင့်တဲ့အလုပ်ကိုမတွေးနိုင်တော့ပါဘူး။ လက်ရှိလုပ်စရာတွေပျက်ကွက်နိုင်ပါတယ်။ အဲဒါကြောင် နာကျင်စရာတွေပြန်တွေးမိလာတာနဲ့ “ခုငါလုပ်သင့်တာဘာလဲ” ဆိုပြီး ပြန်တွေးကာ ပြန်လုပ်ဖို့ အာရုံကို ပြန်ဆွဲခေါ်လိုက်ပါ။
နောက်တစ်ပုံ
၅) အတွေးတွေကို သတိလေးထားပြီး ပြောင်းဖို့ကြိုးစားကြည့်ပါ။ အဓိကက အတွေးပါ။ နာကျင်စရာတွေကိုတွေးမယ့်အတွေးကို သတိလေးကပ်ပြီး သတိထားကြည့်လိုက်ပါ။ “ငါနာကျင်စရာတွေတွေးနေမိပြန်ပြီလား” ဆိုပြီး ကိုယ့်ကိုယ်ကိုယ်ပြန်မေးကြည့်တာမျိုးလုပ်ပါ။ အဲဒီလိုပြန်တွေးမိတာနဲ့ လက်ရှိအချိန်မှာ လုပ်သင့်တာကဘာလဲလို့ ပြန်တွေးတဲ့အကျင့်လုပ်ပါ။ ချက်ချင်း လက်ရှိလုပ်သင့်တာကို ထလုပ်တဲ့အကျင့်မျိုးလုပ်လိုက်ပါ။ အဲဒါဆိုရင် နာကျင်စရာတွေကို အချိန်တစ်ခုအရောက်မှာ သွေးအေးသွားပါလိမ့်မယ်။
