တစ်ပါတ်စာအတွက် လိုအပ်နေသော ခွန်အားများပေးနိုင်ရန် ကောက်နုတ်ချက်များ
တစ်ပါတ်စာအတွက် လိုအပ်နေသော ခွန်အားများပေးနိုင်ရန် ကောက်နုတ်ချက်များ#BAWA101
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
ဝမ်းချုပ်ခြင်းအတွက် ကောင်းမွန်သော အစားအစာများ
ဝမ်းချုပ်ခြင်းဟာ ခံရခက်တဲ့ရောဂါတွေထဲကတစ်ခုအပါအဝင်ဖြစ်ပါတယ်နော်။ ဝမ်းချုပ်ခြင်းကို ထူးထူးထွေထွေကုသစရာမလိုဘဲနှင့် နေ့စဉ်နေထိုင်စားသောက်တဲ့အစားအစာလေးတွေမှာ အောက်ပါအစားအစာလေးတွေ ပါဝင်အောင်စားသောက်ပေးခြင်းဖြင့် ဝမ်းချုပ်ခြင်းကို သက်သာစေနိုင်ပါလိမ့်မယ်။ ၁) ရေ ရေသောက်နည်းခြင်းဟာ ဝမ်းချုပ်စေတဲ့အဓိကအကြောင်းရင်းတစ်ခုထဲမှာ ပါပါတယ်။ ရေက အူတွေကို စိုစွတ်စေပြီး မစင်တွေကို အူမကြီးထံလွယ်ကူစွာရွေ့လျားနိုင်စေတယ်။ အူမကြီးကနေတဆင့်ခန္ဓာကိုယ် အတွင်းမှ အပြင်သို့ လွယ်ကူစွာထုတ်လွှတ်နိုင်အောင် ကူညီပေးနိုင်တယ်။ ဝမ်းချုပ်ခြင်းကို ကုစားဖို့ ရေနွေး ဒါမှမဟုတ် ရေအေးတစ်ခုခုကို သောက်သင့်ပါတယ်။ ဒါပေမယ့် ရေနွေးသောက်ခြင်းက ရေခဲရေ (သို့) ပုံမှန်ရေထက် ပိုပြီး အူထဲကိုပိုပြီးရှင်းလင်းစေနိုင်ပါတယ်။ တစ်နေ့ကို ရေ ၈ခွက်မှ ၁၀ခွက်ထိသောက်သုံးခြင်းက ဝမ်းချုပ်ခြင်းကို သက်သာစေနိုင်ပါတယ်။ ၂) အုတ်ဂျုံမှုန့် အုတ်ဂျုံမှာ soluble fiber နဲ့ insoluble fiber ၂မျိုးပါပါတယ်။ soluble fiber ကတော့ ရေကိုစုပ်ယူနိုင်တဲ့အတွက် အူထဲမှာအစာတွေရွှေ့လျားရလွယ်ကူစေပါတယ်။ insoluble fiber ကတော့ အစာတွေများများရွေ့လျားနိုင်အောင်ကူညီပေးပါတယ်။ ၃) ပဲတောင့်ရှည် ပဲတောင့်ရှည်မှာ အမျှင်ဓာတ်ကြွယ်ဝစွာပါသလို ခန္ဓာကိုယ်အတွက် မရှိမဖြစ်လိုအပ်တဲ့ ပရိုတိန်းဓာတ်နဲ့ သတ္တုဓာတ်ကြွယ်ဝစွာပါ ပါတယ်။ ၄) အခွံမာအသီး အခွံမာအသီးများမှာ အမျှင်ဓာတ်ကြွယ်ဝစွာပါဝင်ပါတယ်။ ခန္ဓာကိုယ်အတွက် အကျိုးရှိတဲ့အဆီဓာတ်နဲ့ ပရိုတိန်းဓာတ်များလည်း ပါဝင်ပါသေးတယ်။ ၅) ပန်းသီး ပန်းသီးမှာ ဗီတာမင်၊ သတ္တုဓာတ်နဲ့ အခြားသောအစာချေလွယ်တဲ့အမျှင်ဓာတ်များ ပါဝင်ပါတယ်။ antioxidant ဓာတ်တိုးပစ္စည်းများလည်းပါဝင်တဲ့အတွက် အစာခြေအဂါၤရပ်တွေယောင်ရမ်းခြင်းကနေ ကာကွယ်ပေးနိုင်ပါတယ်။ pectin ဆိုသော ဓာတ်တစ်မျိုးပါဝင်ခြင်းကြောင့် အူအတွက် ကောင်းမွန်တဲ့ ဘက်တီးတီးယားတွေကိုတိုးပွားစေနိုင်ပါတယ်။ သင့်အစာခြေစနစ်ကို ထိုဘက်တီးရီးယားတွေက အထောက်အကူပြုနိုင်ပါတယ်။ ၆) ဘယ်ရီသီးများ ဘယ်ရီသီးများက အမျှင်ဓာတ်ရဲ့အဓိကအရင်းအမြစ်ပါပဲ။ အဲဒါကြောင့် သင့်ရဲ့ကယ်လိုရီကိုလျော့ကျစေပြီး ရေဓာတ်များတဲ့အတွက် သင့်ရဲ့ဝမ်းချုပ်တတ်တဲ့ရောဂါကိုလည်း ပျောက်ကင်းစေနိုင်ပါတယ်။ ဘယ်လိုဘယ်ရီသီးအမျိုးအစားကိုမဆို သင့်ရဲ့ဝမ်းချုပ်တတ်တဲ့ပြ ဿနာကို ပျောက်ကင်းစေနိုင်ပါတယ်။ ၇) စပျစ်သီးများ စပျစ်သီးက သင့်ရဲ့ဝမ်းချုပ်တတ်တဲ့ပြ ဿနာကို ဖြေရှင်းပေးနိုင်တဲ့အစားအစာထဲမှာပါဝင်ပါတယ်။ စပျစ်သီးမှာ အမျှင်ဓာတ် ၂.၆ ဂရမ်ပါဝင်ပါတယ်။ နေ့လည်ခင်းမှာ အဆာပြေအနေနဲ့စားခဲ့ရင် နောက်နေ့မနက်ခင်းမှာ သင့်အတွက် ဝမ်းချုပ်ခြင်း ပြ ဿနာကိုခံစားရမှာမဟုတ်ပါဘူး ။ ၈) ဆီးသီးခြောက် ဆီးသီးခြောက်မှာ soluble fiber နဲ့ insoluble fiber များပြားစွာပါဝင်မှုကြောင့် ဝမ်းနုတ်ဆေးလိုပဲ အစွမ်းထက်ပါတယ်။ အူထဲက အစာခြေစနစ်အတွက်လုပ်ဆောင်ပေးမယ့်ကြွက်သားတွေကို တက်ကြွလာအောင် လှုံ့ဆော်နိုင်တဲ့အတွက် ဝမ်းချုပ်ခြင်းကို ခြေဖျက်နိုင်ပါတယ်။ ၉) ကန်စွန်းဥများ ကန်စွန်းဥမှာ အစာခြေနိုင်တဲ့အမျှင်ဓာတ်များပါဝင်ပါတယ်။ အူမကြီးရဲ့လုပ်ဆောင်ချက်တွေနဲ့ အာဟာရဓာတ်စုပ်ယူမှုတွေကို ပြည့်ဝစွာကူညီပေးနိုင်ပါတယ်။ အူထဲကဆဲလ်တွေရဲ့လုပ်ဆောင်ချက်ကို ညီညွှတ်အောင်လှုံ့ဆော်ပေးနိုင်မှုကြောင့် အူမထဲက အစာခြေအင်ဇိုင်းတွေကို တိုးစေပါတယ်။ ၁၀) ပန်းပွင့်စိမ်း ပန်းပွင့်စိမ်းဟာ ဝမ်းချုပ်တတ်သူတွေအတွက် အကောင်းဆုးံအစားအစာပါပဲ။ ပန်းပွင့်စိမ်းတစ်ခွက်မှာ အမျှင်ဓာတ် ၅ ဂရမ်(သို့) ၆ဂရမ်ထိ ပါဝင်နိုင်ပါတယ်။ ပန်းပွင့်စိမ်းကို ချက်ပြုတ်စားခြင်းကလည်း ဝမ်းချုပ်ခြင်းကို သက်သာစေနိုင်ပါတယ်။ အနီးစပ်ဆုံး လွယ်ကူစွာ ဝယ်ယူစားသောက်နိုင်တဲ့ အစားအစာလေးတွေကိုပဲ ကောက်နုတ်ဖော်ပြထားတာမို့လို့ နေ့စဉ်လှုပ်ရှားသွားလာရင်းနဲ့ ဝမ်းချုပ်ခြင်းကို သက်သာစေမယ့် အစားအစာလေးတွေကို အားလုံးသိလောက်ပြီထင်ပါတယ်နော်။#BAWA101
ဦးနှောက်မှတ်ဉာဏ်ကောင်းစေရန် အထောက်အကူပြုမည့်အရာများ
၁) အလုပ်တစ်မျိုးတည်းကို ပြီးဆုံးအောင် အာရုံစိုက်ပါ။ တစ်ခုပြီးမှ တစ်ခုလုပ်ပါ။ အလုပ်တွေအမျိုးမျိုးကို တစ်ပြိုင်တည်းပြုလုပ်ခြင်းကြောင့် သင့်ဦးနှောက်က အလုပ်တွေအားလုံးကို အပြည့်အဝအာရုံစိုက်ဖို့မဖြစ်နိုင်ပါဘူး။ တစ်ချိန်တည်းမှာ တစ်မျိုးတည်းကို အာရုံစိုက်ခြင်းအစား အများကြီးစုပြုံပြီးလုပ်ခြင်းဟာ သင့်ဦးနှောက်မှ အာရုံစိုက်မှုအနည်းငယ်ပဲပေးနိုင်ပါတယ်။ တစ်ပြိုင်တည်းအလုပ်တွေမျိုးစုံလုပ်ခြင်းက သင့်ရဲ့အာရုံစိုက်နိုင်စွမ်းကို လျော့နည်းစေနိုင်ပါတယ်။ သင့်ရဲ့ဦးနှောက်က အာရုံကြောဆိုင်ရာအရင်းအမြစ်တွေကို လျော့ပါးစေတယ်။ ဦးနှောက်ကို ပင်ပန်းစေပါတယ်။ အဲဒါကြောင့် သင့်မှာ စိတ်ဖိစီးမှုတွေ တိုးလာနိုင်တဲ့အပြင် သင့်ရဲ့အလုပ်တွေလည်း ပြီးနိုင်မှာမဟုတ်ပါဘူး။ လုပ်နေတဲ့အလုပ်နဲ့ပတ်သက်ပြီး ပိုပြီးမှတ်မိစေချင်တယ်၊ ပိုပြီး လျင်မြန်စွာပြီးဆုံးချင်တယ်ဆိုရင် အလုပ်တစ်မျိုးတည်းကိုသာ ပြီးဆုံးအောင် အာရုံစိုက်လိုက်ပါ။ တစ်ခုပြီးမှ တစ်ခုလုပ်တာ သင့်ရဲ့ ဦးနှောက်မှတ်ဉာဏ်လည်း တိုးစေနိုင်ပါတယ်။ ၂) စာဖတ်ပါ။ စာဖတ်ခြင်းက သင့်ရဲ့ စိတ်ပိုင်းဆိုင်ရာကို တက်ကြွစေနိုင်ပါတယ်။ ဉာဏ်ထက်မြက်စေနိုင်ပါတယ်။ လေ့လာတွေ့ရှိချက်များအရ စာဖတ်ခြင်းက ဦးနှောက်ထဲကအာရုံကြော နဲ့ဆိုင်သော တစ်ရှူးအဖြူရောင်လေးတွေကို အသစ်ထပ်မံဖြစ်ပေါ်စေတဲ့အတွက် အာရုံကြောဆိုင်ရာဆက်သွယ်မှုတွေကို ပိုပြီးကျယ်ပြန့်လာစေနိုင်ပါတယ်။ အဲဒါကြောင့် ဦးနှောက်က သတင်းအချက်အလက်လက်ခံခြင်းကို ပိုပြီး အစွမ်းထက်လာစေအောင် ကူညီပေးနိုင်ပါတယ်။ ၃) တရားထိုင်ပါ။ မကြာသေးမီက တွေ့ရှိချက်များအရ တရားထိုင်ခြင်းက စိတ်ဖိစီးမှုများကို သက်သာစေနိုင်ပါတယ်။ သင့်ရဲ့ဦးနှောက်ကို အမှန်တကယ်ကို ပြောင်းလဲသွားစေနိုင်ပါတယ်။ တရားထိုင်ခြင်းကို အရေးတယူပြုလုပ်ခြင်းရဲ့အကျိုးကတော့ သင့်ဦးနှောက်ကို မတူညီတဲ့ပြောင်းလဲမှုတွေဖြစ်လာနိုင်စေပါတယ်။ ¬¬¬ ၄) အလေးမပါ။ တစ်ပတ်မှာ နှစ်ကြိမ်ခန့် အလေးမခြင်းက သင့်ခန္ဓာကိုယ်မှ သံဓာတ်ကို စုပ်ယူနိုင်ပြီး သင့်ရဲ့ဦးနှောက်မှလုပ်ဆောင်ချက်တွေကို ပိုမိုကောင်းမွန်လာစေနိုင်ပါတယ်။ အသက်အရွယ်ကြီးရင့်လာတဲ့အချိန်မှာ သူငယ်ပြန်ခြင်းကို ကာကွယ်ပေးနိုင်ပါတယ်။ ၅) အခြားဘာသာစကားတစ်မျိုးမျိုးကို သင်ယူပါ။ လေ့လာတွေ့ရှိချက်များမှာ ဘာသာစကားနှစ်မျိုးထက်မက တတ်ကျွမ်းသူများဟာ ပိုပြီးတော့ အကျိုးများတာကို တွေ့ရှိခဲ့ပါတယ်။ ဘာကြောင့်လဲဆိုတော့ သူတို့ရဲ့လုပ်ဆောင်ချက်တွေပြီးမြောက်ဖို့အတွက် ဦးနှောက်ကို အသုံးပြုတာနည်းသောကြောင့် ဦးနှောက်ပျက်စီးမှုကို ကာကွယ်ကူညီပေးနိုင်ပါတယ်။ ၆) စစ်တုရင်ကစားပါ။ စစ်တုရင်ကစားခြင်းက ကစားရာမှာ ဆုံးဖြတ်ချက်ချနိုင်ဖို့အတွက် ဦးနှောက်နှစ်ဖက်စလုံးကို အသုံးပြု ရတဲ့အတွက် အခြားသူများထက်ကို မှတ်ဉာဏ်တိုးစေနိုင်ပါတယ်။ စစ်တုရင်ကစားခြင်းကိုကျွမ်းကျင်သူတွေက အချိန်တိုတိုနဲ့အနိုင်ယူနိုင်တဲ့အတွက် ဦးနှောက်ရဲ့စွမ်းရည်ကို သင်တွေ့မြင်နိုင်မှာပါ။ မှတ်ဉာဏ်ကောင်းဖို့အတွက် ကစားသင့်တဲ့ကစားနည်းတစ်ခုဖြစ်ပြီး ကစားနေတဲ့အချိန်ခဏလေးမှာတင် ဖြစ်နိုင်တာတွေ၊ ပြောင်းလဲနိုင်တာတွေကို တစ်ပြိုင်တည်း တွေးတောစဉ်းစားနိုင်လာတဲ့အကျင့်ကို ရစေပါတယ်။ ၇) အစာစားတဲ့အခါ တူဖြင့် စားပါ။ အစာစားတဲ့အခါ တူဖြင့် စားခြင်းက သင့်ရဲ့စိတ်ကို ပိုပြီး သတိထားနိုင်လာအောင် တွန်းအားပေးပါတယ်။ အဲဒါက သင့်ရဲ့ဦးနှောက် နိုးကြားဖို့ ကူညီရုံသာမက သင်အစာကြေဖို့ အထောက်အကူပြုသလို ကယ်လိုရီအစားများခြင်းကိုလည်း လျော့ကျစေနိုင်ပါတယ်။ ၈) အကောင်းဘက်ကတွေးပါ။ အကောင်းဘက်ကတွေးခြင်းက သင့်ရဲ့ဦးနှောက်ကို အားပြန်ပြည့်စေနိုင်ပါတယ်။ သင့်ရဲ့အတွေးတွေကို သတိထားပြီး အကောင်းဘက်ကိုရောက်အောင် ပြောင်းလဲတွေးခေါ်ကြည့်တတ်တဲ့အကျင့်ကိုပြုလုပ်ခြင်းက စိုးရိမ်ကြောင့်ကြခြင်းတွေကို လျော့နည်းစေပြီး စွမ်းအင်တွေတိုးစေပါတယ်။ ပိုပြီးလည်း ပျော်ရွှင်လာနိုင်ပါတယ်။ အဲဒီ့အတွက် သင့်ရဲ့ဦးနှောက်ကလည်း လန်းဆန်းလာပါလိမ့်မယ်။ ၉) ကခုန်ပါ။ ကခုန်ခြင်းဟာ ရုပ်ပိုင်းဆိုင်ရာဆောင်ရွက်ချက်များနှင့် လူမှုရေးပိုင်းဆိုင်ရာဆောင်ရွက်ချက်များမှ အသိအမြင်တွေကို ပေါင်းစပ်ပေးနိုင်တဲ့အတွက် ဦးနှောက်ရဲ့လုပ်ဆောင်ချက်စွမ်းရည်တွေတိုးတက်လာနိုင်တယ်လို့ လေ့လာတွေ့ရှိခဲ့ပါတယ်။ ၁၀) အိပ်ရေးဝအောင် အိပ်စက်ပါ။ အိပ်ရေးပျက်ခြင်းက ဖျားနာခြင်း၊ နှလုံးရောဂါဖြစ်ခြင်း၊ ဆီးချိုရောဂါဖြစ်ခြင်း၊ စိ တ်ဓာတ်ကျခြင်းနဲ့ ရောဂါပေါင်းစုံဖြစ်ပွားစေနိုင်ပါတယ်။ သင့်ရဲ့မှတ်ဉာဏ်နဲ့ အတွေးအခေါ်ပေါ်မှာလည်း အများကြီး ဆိုးကျိုးဖြစ်နိင်ပါတယ်။ ကောင်းစွာမအိပ်စက်ခြင်းက သင့်ဦးနှောက်မှ အာရုံကြောတွေရဲ့လုပ်ဆောင်ချက်တွေကို ဖျက်ဆီးနိုင်ပါတယ်။ #BAWA101
ရေသောက်ခြင်းဖြင့်ဘယ်လိုဝိတ်ကျစေနိုင်လဲ။
ရေသောက်ခြင်းက ဝိတ်ကျစေတယ်ဆိုတဲ့အကြောင်းကို သင်တစ်ကြိမ်ထက်မက ကြားဖူးပြီးသားဖြစ်မှာပါ။ ဒါပေမယ့် ရေသောက်ခြင်းက အမှန်တကယ်ဝိတ်ကျစေနိုင်လို့လား။ အတိုဆုံးဖြေရမယ်ဆိုရင် ဟုတ်ပါတယ်။ ရေသောက်ခြင်းက သင့်ခန္ဓာကိုယ်တွင်းက ဓာတုဖြစ်စဉ်ပြောင်းလဲမှုတွေကို မြင့်တက်စေဖို့ ကူညီပေးနိုင်ပါတယ်။ သင့်ခန္ဓာကိုယ်က အညစ်အကြေးတွေကို သန့်စင်ပေးနိုင်ပါတယ်။ အစာစားချင်စိတ်ကို ချိုးနှိမ်ပေးနိုင်ပါတယ်။ အဲဒီ့တော့ ဒီထက်ပိုပြီးသေချာအောင် ဘာလုပ်နေအုံးမှာလဲ။ သင့်ခန္ဓာကိုယ်ရေဓာတ်ပြည့်ဝနေဖို့နဲ့ ပေါင်ချိန်ကျဖို့ တစ်နေ့ကို ရေ ၈ခွက်ကနေ ၁၀အတွင်းသောက်ဖို့ အကြံပေးချင်ပါတယ်။ အဆင့် ၁) အစာမစားမီရေသောက်ပါ။ အစားမစားမီရေသောက်ခြင်းက သင့်ကိုပြည့်တင်းနေစေတဲ့အတွက် သင်စားမယ့်အစာပမာဏကို လျော့ကျသွားစေပါတယ်။ ကျန်းမာရေးဝက်ဆိုက်တစ်ခုဖြစ်တဲ့ WebMD က အစာမစားမီရေသောက်ခြင်းက ပျမ်းမျှအားဖြင့် ၇၅ ကယ်လိုရီခန့်လျော့ကျစေနိုင်ပါတယ်လို့ဖော်ပြထားပါတယ်။ အစာတစ်ခါမစားမီ တစ်ခါရေသောက်ခြင်းက သင့်ကို အနည်းဆုံး တစ်နှစ်မှာ ကယ်လိုရီ ၇၅၀၀၀ခန့် လျော့ကျစေနိုင်ပါတယ်။ တွက်ချက်ကြည့်မယ်ဆိုရင်ရေသောက်ခြင်းကြောင့် တစ်နှစ်မှာ ၈ပေါင်ခန့် ဝိတ်လျှော့ကျစေနိုင်ပါတယ်။ အခုပဲ အစာမစားမီ ရေသောက်ဖို့ စိတ်ကူးလိုက်ပါတော့။ အဆင့်၂) ကယ်လိုရီများတဲ့သောက်စရာတွေကို ရေဖြင့်အစားထိုးပါ။ ဆိုဒါတွေနဲ့ အခြားအချိုရည်တွေကို လွှင့်ပစ်ပြီးသင့်ခန္ဓာကိုယ်ဝိတ်ကျစေဖို့ကူညီပေးတဲ့ ရေနဲ့အစားထိုးလိုက်ပါတယ်။ ရေသောက်ရတာရိုးလာတဲ့အခါ ရှောက်သီးကိုအကွင်းလေးတွေလှီးပြီး ရေထဲထည့်သောက်လို့ရပါတယ်။ ရှောက်သီး ဒါမှမဟုတ် သံပုရိုသီးအကွင်းလိုက်လေးထည့်ထားတဲ့ရေတစ်ဖန်ခွက်က သင့်ပေါင်ချိန်ကျဖို့ ကူညီပေးပါလိမ့်မယ်။ ရှောက်သီး (သို့) သံပုရိုသီးမှာပါတဲ့ pectin ဆိုတဲ့ဓာတ်တစ်မျိးက အစာအစားချင်စိတ်ကိုလျော့ကျစေနိုင်ပါတယ်။ ရေက အမှန်တကယ်ဝိတ်မကျစေဘူးလို့ ထင်နေတယ်ဆိုရင် သင်သောက်နေကျ သကြားဓာတ်များတဲ့အချိုရည်တွေကို ရက်သတ္တပတ်အနည်းငယ်ခန့် မသောက်ဘဲနေကြည့်လိုက်ပါ။ ခြားနားမှုကို သင်မြင်လာပါလိမ့်မယ်။ အဆင့်၃) ရေခဲရေသောက်ပါ။ ရေခဲရေသောက်ခြင်းက သင့်ရဲ့ခန္ဓာကိုယ်မှ ဓာတုဗေဒအရဖြစ်ပေါ်တဲ့ပြောင်းလဲခြင်းတွေကို မြင့်တက်စေနိုင်တဲ့အတွက် ရေဓာတ်ပြည့်ဝပြီး အလုပ်ပိုလုပ်နိုင်လာပါလိမ့်မယ်။ အဲဒါကြောင့်ကယ်လိုရီတွေပိုပြီးလောင်ကျွမ်းစေနိုင်တဲ့အတွက် ဝိတ်ကျဖို့ အကူအညီဖြစ်စေနိုင်ပါတယ်။ အဆင့်၄) GYM ဆော့ပါ။ ရေသောက်ခြင်းက ကြွက်တက်ခြင်းကို ကာကွယ်ပေးနိုင်ပြီး သင့်ရဲ့အဆစ်အမြစ်တွေကို လှုပ်ရှားရလွယ်ကူစေနိုင်ပါတယ်။ အဲဒါကြောင့် သင်ပိုပြီး ရှည်ကြာအောင်၊ ပိုပြီး ပြင်းထန်အောင် လေ့ကျင့်ခန်းလုပ်နိုင်ပါတယ်။ လှုပ်ရှားမှုများတဲ့အခါ ရေသောက်ချင်စိတ်ပိုဖြစ်လာတဲ့အတွက် သင့်ကိုဝိတ်ကျစေနိုင်ပါတယ်။ . အဆင့်၅) ရေသောက်တာလုံလောက်မှုရှိမရှိ သေချာအောင်လုပ်ပါ။ ရေသောက်ပြီး သင့်ရဲ့ဝိတ်ကိုအမှန်တကယ်ချချင်တယ်ဆိုရင် အောက်ပါ နည်းလမ်းတွေကို သင်လိုက်နာသင့်ပါတယ်။ တစ်နေ့ကို ရေ ၈ခွက်သောက်ပြီး ဝိတ်ကျအောင်လုပ်ပြီး သင်လိုချင်တဲ့ပေါင်ချိန်ရသည့်အထိ ထိန်းသိမ်းပါ။ လေ့ကျင့်ခန်းပြင်းထန်အောင်လုပ်ပြီး ချွေးထွက်များတဲ့အခါ ရေပိုသောက်ပါ။ ဒါမှမဟုတ် ရေနည်းနည်းပဲသောက်တယ်ဆိုရင် ဆေးဘက်ဝင်တဲ့လက်ဖက်ရည်တစ်ခုခုသောက်ပါ။ ကဖင်းဓာတ်တော့နည်းပါစေ။ Trent Nessler(managing director of Baptist Sports Medicine in Nashville) ကတော့ နေ့တိုင်းမှာ သင့်ပေါင်ချိန်တစ်ပေါင်အတွက် ရေအောင်စဝက်နဲ့ ရေတစ်အောင်စ ကြား ပမာဏလောက်တော့ သောက်ဖို့ကြိုးစားသင့်တယ်လို့ ပြောခဲ့ပါတယ်။ ရေဓာတ်မလုံလောက်ဘူးဆိုရင် သင်ဘယ်လိုသိနိုင်မလဲ။ ယေဘုယျအားဖြင့်တော့ သင်သန့်စင်ခန်းသွားပြီးတဲ့နောက် စစ်ဆေးရန်လိုအပ်ပါတယ်။ သင်ကရေဓာတ်ပြည့်ဝသူဖြစ်တယ်ဆိုရင်တော့ သင့်ရဲ့ဆီးက ကြည်လင်ပြီး အဝါဖျော့ရောင်လေးဖြစ်နေပါလိမ့်မယ်။ သင့်ရဲ့ဆီးက အရောင်ရင့်နေတယ်ဆိုရင်တော့ သင်က ရေကိုပုံမှန်သောက်နေကျထက် ပိုသောက်ဖို့လိုနေပါပြီ။ အထူးသဖြင့် သင့်ရဲ့ပေါင်ချိန်ကျချင်တယ်ဆိုရင်ပေါ့။ ဝိတ်ချဖို့အတွက် ရေဓာတ်လုံလောက်မှုရှိမရှိကို သိချင်ရင် အဲဒီအကြမ်းဖျင်းနည်းလမ်းနဲ့ သိနိုင်ပါတယ်။ https://www.gaiam.com/blogs/discover/how-drinking-more-water-can-help-you-lose-weight မှ ဘာသာပြန်ဖော်ပြထားခြင်းဖြစ်ပါတယ်။ #BAWA101
ငွေနဲ့စစ်မှန်တဲ့ပျော်ရွှင်မှုကို ဘယ်လိုဝယ်မလဲ။
ပျော်ရွှင်မှုကို ငွေနဲ့မဝယ်နိုင်ဘူးလို့ ကျွန်တော်တို့အားလုံးကြားဖူးကြပါတယ်။ ကမ္ဘာပေါ်က ရုပ်ပိုင်းဆိုင်ရာပစ္စည်းတွေက ယေဘုယျအားဖြင့် စိတ်လှုပ်ရှားမှု နဲ့ ပျော်ရွှင်ကို ခံစားရစေနိုင်ပါတယ် ။ဒါပေမယ့် တကယ့်စိတ်ရင်းထဲကပျော်ရွှင်မှုကိုတော့ မပိုင်ဆိုင်နိုင်ပါဘူး။ ရုပ်ပိုင်းဆိုင်ရာပိုင်ဆိုင်မှုကြောင့်ရတဲ့ပျော်ရွှင်မှုတွေက ကြာရှည်မခံဘူးလေ။ ပျော်ရွှင်ခြင်းဆိုတာက လူတွေရဲ့ကိုယ်ပိုင်ဆုံးဖြတ်ချက်နဲ့လည်းဆိုင်တာဖြစ်ကောင်းဖြစ်ပါလိမ့်မယ်။ အပြင်ပိုင်းလွှမ်းမိုးမှုတွေကို သေချာစဉ်းစားခြင်းမရှိဘဲ ယေဘုယျဆန်ဆန်စဉ်းစားလို့ဖြစ်ပါလိမ့်မယ်။ ကျွန်တော့်ရဲ့အတွေ့အကြုံအရဆိုရင်တော့ ရေရှည်မှာ သင်ဘယ်လိုခံစားသလဲပေါ်မူတည်ပြီးတော့ ငွေက သေချာတဲ့အကျိုးသက်ရောက်မှုတစ်ခုရှိပါတယ် ။ မကြာခဏဆိုသလို ငွေဟာ ပျော်ရွှင်မှုအတွက် ရန်သူတစ်ယောက်လို ခံစားနေရစဉ်မှာ အောက်ပါအချက်လေးချက်ကိုတွေးကြည့်လိုက်ရင် သင့်ကိုပျော်ရွှင်စေမှာပါ။ ၁) အခြားသူတွေကို သင်က ငွေတွေပေးနိုင်တယ်။ ဘယ်လိုပဲဖြစ်ဖြစ် သင်လုပ်နိုင်တဲ့အကောင်းဆုံးအရာတစ်ခုကတော့ သင့်မှာရှိတဲ့ငွေတွေကို ပေးနိုင်ခြင်းပါပဲ။ ဟုတ်ပါတယ်၊ အဲဒါက အပြန်အလှန်အကျိုးရှိတာပဲလေ။ ပထမဆုံး ငွေတွေတိုးပွားအောင်ရှာနိုင်တာထက် ငွေတွေကို ဘယ်လိုနည်းနဲ့ဖြစ်ဖြစ်ပေးကမ်းနိုင်ခြင်းက ပိုပြီး ပျော်ရွှင်စေပါတယ်။ တစ်စုံတစ်ယောက်ရဲ့လိုအပ်ချက်ကို ဖြည့်ဆည်းပေးလိုက်နိုင်ခြင်းက သင့်အတွက် ပျော်ရွှင်မှု၊ ကြည်နူးမှုကိုခံစားရစေနိုင်တယ်လေ။ ဘယ်လောက်အခြေအနေလောက်ထိ သင်ပေးနိုင်မလဲဆိုတာ သင့်ဟာသင်ဆုံးဖြတ်နိုင်ပါတယ်။ ဒါပေမယ့် သူငယ်ချင်းတွေကို နေ့လည်စာကျွေးတာမျိုးကတော့ ရိုးရှင်းပါတယ်။ အမှန်တကယ် လိုအပ်နေတဲ့သူကို ပေးကမ်းလိုက်ခြင်းက သင့်အတွက် ပိုပြီးပျော်စရာကောင်းသလို သူတို့အတွက်လည်း ပျော်ရွှင်စေနိုင်ပါတယ်။ ပြီးတော့ သင့်အတွက် ပိုပြီး အကောင်းဘက်ရောက်တဲ့အတွေးအခေါ်တွေဖြစ်ပေါ်လာစေပါတယ်။ သင့်ဘဝလည်း ဒီထက်ပိုပြီး ပျော်ရွှင်တက်ကြွလာတဲ့အတွက် ဒီထက်ပိုပြီး ငွေဝင်လာအောင်ကြိုးစားရှာဖွေဖို့ ခွန်အားတွေရနိုင်တာပေါ့။ အဲဒီတော့ ငွေတွေ ပေးကမ်းခြင်းက သင့်ထံကို နောက်ထပ်နောက်ထပ်သော ငွေတွေ တိုးပွားလာစေနိုင်ပါတယ်နော်။ ၂) သင့်ရဲ့အခြေခံလိုအပ်ချက်တွေအတွက် သင်ကိုယ်တိုင်စီမံနိုင်ပါတယ်။ ဇိမ်ခံပစ္စည်းတွေကို ဝယ်နိုင်ခြင်းက သင့်ရဲ့ပျော်ရွှင်မှုကို တိုးစေနိုင်ပါတယ်။ သင့်ဘဝရဲ့အဆင့်အတန်းမြင့်လာလေလေ ပျော်ရွှင်မှုအဆင့်ကလည်း တိုးလာပါတယ်။ သင့်ရဲ့အစားအစာတွေဝယ်ယူခြင်းပေါ်မှာ ဈေးနှုန်းအပြောင်းအလဲဖြစ်ခြင်းကတောင် သင့်ရဲ့ပျော်ရွှင်မှုကို အတိုးအလျော့လုပ်နိုင်ပါတယ်။ သင့်ရဲ့အခြေခံကိုယ်ပိုင်လိုအပ်ချက်တွေကို စီမံနိုင်ခြင်းက သင့်မှာ အာဏာလွှမ်းမိုးမှုရှိတယ်လို့ ခံစားရစေနိုင်ပါတယ်။ အဲဒါက သင့်ကိုပျော်ရွှင်စေနိုင်ပါတယ်။ ကိုယ့်ကိုကိုယ်ကျေနပ်မှုကိုလည်း ခံစားရစေနိုင်ပါတယ်။ အရွယ်ရောက်လာလို့ ကျောင်းကနေ ကောလိပ်ကို အဆင့်ကူးပြောင်းရသလို တွေးလို့ရပါတယ်။ လူတော်တော်များများအတွက် သူတို့ရဲ့အသိုက်အမြုံကိုခွဲခွာပြီး သူတို့ရဲ့အတောင်တွေကိုဖြန့်ကျက်လို့ ပျံသန်းနိုင်တဲ့အခွင့်အရေးရှိပါတယ်။ မိဘတွေက စားစရာတွေ၊ နေစရာတွေ တစ်ကြိမ်တော့စီမံပေးပေမယ့် အခုတော့ ကိုယ့်ဟာကိုယ် ကာကွယ်စောင့်ရှောက်နိုင်ရမှာပေါ့။ အဲဒီ့အချိန်တွေက ကြောက်လန့်စရာကောင်းနေတယ်၊ ဖိအားတွေများနေတယ်ဆိုရင်တောင်မှ သင့်ရဲ့ပထမဆုံးကားတစ်စီးကို သင်ဝယ်နိုင်တဲ့အချိန် ဒါမှမဟုတ် သင့်ရဲ့ပထမဆုံးတိုက်ခန်းတစ်ခန်းကို ဝယ်နိုင်တဲ့အချိန်မှာ သင့်ရဲ့စစ်မှန်တဲ့ခံစားမှုက ပျော်ရွှင်ရမှာပါ။ အဲဒါက ဖြုန်းတီးမှုမဟုတ်ပါဘူး။ ဒါပေမယ့် သင့်ရဲ့ကိုယ်ပိုင်အခြေခံလိုအပ်ချက်ကိုကိုယ်ဟာကိုယ်ဖြည့်ဆည်းနိုင်တဲ့ယုံကြည်မှုနဲ့ ကိုယ်ပိုင်ချမ်းသာကြွယ်ဝမှုနဲ့ ထိုက်တန်သလောက်တော့ ဝယ်ဖို့ ဂရုစိုက်ရပါမယ်။ ကိုယ့်ကိုကိုယ်တောင် ဂရုမစိုက်နိုင်တဲ့ခံစားမှုကို ဘယ်သူကမှ ကြိုက်မှာမဟုတ်ပါဘူး။ ငွေရှိခြင်းကတော့ သင့်ကိုအဲဒီ့ခံစားမှုမျိုးမခံစားရအောင် ကူညီပေးနိင်ပါတယ်။ ငွေရှိတဲ့အတွက် သင်လိုအပ်တာကို ဝယ်နိုင်တာက သင့်အတွက်ပျော်ရွှင်မှုပါပဲ။ ၃) အကြွေးရှိခြင်းမှ လွတ်မြောက်နိုင်ပါတယ်။ ပုဂ္ဂိုလ်ရေးအရ ပျက်စီးစေတဲ့အကြောင်းအရာတွေထဲက တစ်ခုကတော့ အကြွေးတွေရဲ့ထိုးနှက်ခြင်းကြောင့်ပါပဲ။ အကြွေးကဒ်များ၊ ကားအသစ်များ၊ အပျော်ခရီးထွက်ခြင်း၊ ဆေးကုသစရိတ်၊ ဘဝအတွက်အရေးကြီးတဲ့ ကိစ္စရပ်များ၊ အလုပ်မရှိခြင်း၊ ဈေးဝယ်ထွက်ခြင်း နဲ့အခြားသော ကုန်ကျစရိတ်တွေက သင့်ကိုအကြွေးသံသရာထဲလည်နေစေပါတယ်။ သင်က အကြွေးစယူမိတာနဲ့ အတိုးတွေက ထပ်လာပါတယ်။ ဒီကြောက်စရာကောင်းတဲ့သံသရာထဲက ပြန်ထွက်နိုင်ဖို့က အလွန်အမင်းခက်ခဲလှပါတယ်။ ငွေကို အလွန်အမင်းသုံးဖြုန်းခြင်းကြောင့် အကြွးတွေများလာနိုင်ပါတယ်။ ငွေကို ဉာဏ်ရှိစွာသုံးခြင်းက သင့်ကိုအကြွေးထူခြင်းကနေ လွတ်မြောက်စေနိုင်သလို သင့်အတွက် ငွေကြေးဆိုင်ရာအဆင်ပြေစေမယ့် အနာဂတ်ဖြစ်လာအောင် ဖန်တီးနိုင်ပါတယ်။ အထက်ပါ အကြွေးကြောင့် ဆိုးဝါးတဲ့အခြေအနေတွေက သင့်လက်ထဲမှာ ငွေရှိနေတဲ့အခါ မဖြစ်နိုင်တော့ဘူးလေ။ အဲဒါက ပျော်စရာပဲမဟုတ်လား။ ငွေရှိခြင်းက အဲလိုနေရာမှာ ဘယ်လောက်အကျိုးရှိလိုက်မလဲ။ ငွေရှိတဲ့အတွက် အကြွေးကြောင့် ပူပန်ရတာတွေ၊ ကြောက်လန့်နေရတာတွေမဖြစ်နိုင်တော့ဘူးပေါ့။ ၄) အဓိပါ္ပယ်ရှိတဲ့အလုပ်တွေ လုပ်နိုင်ပါတယ်။ နောက်ဆုံးအနေနဲ့ ပြန်တွေးကြည့်ရင် ငွေကိုအသုံးပြုပြီးတော့ သင့်ရဲ့ပုဂ္ဂိုလ်ရေးဆိုင်ရာ အဓိပါ္ပယ်ရှိတဲ့အလုပ်တွေကို သင့်ဘဝမှာ ပြုလုပ်နိုင်ပါတယ်။ သင့်အတွက် ပျော်ရွှင်မှုအပြည့်အဝခံစားဖို့ ယူဆောင်ပေးနိုင်မယ့် အဓိက ရည်မှန်းချက်ကိုဖြစ်မြောက်စေနိုင်ပါတယ်။ အထက်ပါဖြစ်စဉ်တွေအရာ သင့်ရဲ့ကလေးကို ကောလိပ်ကိုရောက်အောင် သင်ပို့ပေးနိုင်တဲ့အခါ သင်ဘယ်လိုခံစားရမလဲ။ သင့်ကိုယ်ပိုင်ပရဟိတအဖွဲ့တစ်ခု စတင်နိုင်တဲ့အခါ သင်ဘယ်လိုခံစားရမလဲ။ အထူးသဖြင့် သင့်ရဲ့နောက်ထပ် နှစ်ပတ်လည်ပွဲတစ်ခုပြုလုပ်နိုင်ရင် ဒါမှမဟုတ် သင့်ရဲ့ကိုယ်ပိုင်စီးပွားရေးတစ်ခု ဖန်တီးနိုင်တဲအခါဆိုရင် သင်မကြိုက်ဘူးလား။ ငွေရဲ့စွမ်းအားက သင့်ရဲ့ရည်မှန်းချက်ကိုရောက်အောင် သင့်ရဲ့ဘဝကိုပိုပြီးအဓိပါ္ပယ်ရှိလာအောင် ကူညီပေးနိုင်ပါတယ်။အရာဝတ္ထုတွေကိုပဲဝယ်နိုင်တဲ့ဆိုတဲ့ သင့်ရဲ့သဘောထားကို ပြောင်းလဲပစ်ဖို့ကြိုးစားခြင်းက ငွေကနေ ပိုပြီး အဓိပါ္ပယ်ရှိတဲ့ဘဝကိုရှာဖွေနိုင်ပါတယ်။ သင့်ရဲ့စိတ်ထဲမှာ ဘဝအတွက်ပိုပြီးကြီးမားတဲ့ရည်မှန်းတွေကိုချမှတ်သောအခါ ငွေရှိခြင်းကပိုပြီးလွယ်ကူလာစေပါတယ်။ အဲဒါကြောင့် နောက်တခါ တစ်စုံတစ်ယောက်က ငွေက ပျော်ရွှင်မှုကိုမဝယ်နိုင်ဘူးလို့ ပြောတာ သင်ကြားမိတဲ့အခါ အထက်ပါအချက်တွေကို ပြန်တွေးလိုက်ပါ။ ငွေနဲ့ပတ်သက်ပြီး ပိုကောင်းတဲ့အမြင်တွေရှိလာတဲ့အခါ သင့်ဘဝကိုပျော်ရွှင်မှုတွေပိုတိုးလာစေမယ် သင့်ဘဝရဲ့စွမ်းရည်တွေလည်း တိုးတက်လာနိုင်ပါတယ်နော်။ https://www.lifehack.org/535275/four-real-ways-money-can-buy-happiness မှ ဘာသာပြန်ပြီးဖော်ပြပေးထားခြင်းဖြစ်ပါတယ်။#BAWA101
စွမ်းရည် ပျော်ရွှင်သောဘဝ လူနေမှုဘဝ စိတ်ဓာတ်ခွန်အား ကိုးကားစာများ
organic အစားအစာတွေ စားသုံးခြင်းမှရရှိနိုင်သော အကျိုးကျေးဇူးများ
သင်ရဲ့အစားအစာတွေကို ဘယ်လိုစိုက်ပျိုးသလဲဆိုတာက သင့်ရဲ့စိတ်ပိုင်းဆိုင်ရာနဲ့ စိတ်ခံစားမှုကျန်းမာရေးပေါ်မှာ ဒါမှမဟုတ် သင့်ရဲ့ကျန်းမာရေးနဲ့ သင့်ပတ်ဝန်းကျင်အပေါ်မှာ အကျိုးသက်ရောက်မှုရှိနိုင်ခြင်းက အထူးသဖြင့် မြင့်တက်လာနေပါတယ်။ အော်ဂဲနစ်အစားအစာတွေက ပုံမှန်အတိုင်းစိုက်ပျိုးထားတဲ့အခြားအစားအစာတွေထက် Antioxidants ကဲ့သို့သော အာဟာရအကျိုးသက်ရောက်မှုပိုပြီးရနိုင်ပါတယ်။ လူတွေက အစားအစာနဲ့ပတ်သက်ပြီး ဓာတုဗေဒနဲ့ပြုလုပ်ထားတာတွေ၊ တာရှည်ခံဆေးတွေနဲ့ပြုလုပ်ထားတာတွေကြောင့် အဆိပ်သင့်တာတွေဖြစ်နိုင်ပါတယ်။ အဲဒါတွေကြောင့် အဆိပ်သင့်ခြင်းဖြစ်စေနိုင်တဲ့လက္ခဏာတွေနည်းသထက်နည်းနိုင်တဲ့ အော်ဂဲနစ်အစားအစာတွေကိုသာ စားသုံးလာကြပါတယ်။ - အော်ဂဲနစ်အစားအစာတွေမှာ ပိုးသတ်ဆေးတွေပါဝင်မှုနည်းပါးပါတယ်။ ပုံမှန်အတိုင်းစိုက်ပျိုးတဲ့အသီးအနှံတွေမှာ ဓာတုဗေဒနဲ့ပြုလုပ်ထားသောဆေးတွေ ဥပမာ မှိုသတ်ဆေးတွေ၊ ပေါင်းသတ်ဆေးတွေ စသည့်ဆေးတွေကို သုံးကြပါတယ်။ အဲဒါကြောင့် အဲလိုစိုက်ပျိုးထားတဲ့အသီးအနှံတွေကို ကျွန်တော်တို့စားသုံးတဲ့အခါမှာ ပိုးသတ်ဆေးအကြွင်းအကျန်တွေကျန်နေတတ်ပြီး စားသုံးမိတတ်တဲ့အတွက် ကျန်းမာရေးနဲ့မညီညွှတ်နိုင်ပါဘူး။ - အော်ဂဲနစ်အစားအစာတွေက ပိုပြီး လတ်ဆတ်ပါတယ်။ အော်ဂဲနစ်အစားအစာတွေမှာ ကြာရှည်ခံဆေးတွေမသုံးထားတဲ့အတွက် ပိုပြီးလတ်ဆတ်ပါတယ်။ အော်ဂဲနစ်အစားအစာတွေက အသေးစားတောင်ယာတွေက ခြံထွက်အစားအစာတွေဖြစ်ပြီးတော့ အဲဒီမှာတင် ဝယ်ယူနိုင်အောင်ရောင်းချတာမို့ ပိုပြီးလတ်ဆတ်နိုင်ပါတယ်။ - အော်ဂဲနစ်အစားအစာတွေက ပတ်ဝန်းကျင်အတွက်ပိုကောင်းပါတယ်။ အော်ဂဲနစ်ခြံထွက်အစားအစာတွေက ညစ်ညမ်းမှုကိုလျော့ကျစေပြီး ရေမညစ်ညမ်းစေခြင်း၊ မြေတိုက်စားခြင်းကိုလျော့ကျစေခြင်း၊ မြေသြဇာဓာတ်ကို တိုးစေခြင်း၊ စွမ်းအင်အသုံးပြုမှုနည်းပါခြင်း စသည်တို့ကြောင့် ပတ်ဝန်းကျင်အတွက်ပိုကောင်းပါတယ်။ ပိုးသတ်ဆေးတွေမသုံးဘဲ စိုက်ပျိုးခြင်းက အနီးနားမှာရှိသော တိရစ္ဆာန်တွေ၊ ငှက်တွေနဲ့ အနီးနားမှာနေထိုင်တဲ့လူတွေရဲ့ ကျန်းမာရေးအတွက် ပိုမိုကောင်းမွန်ပါတယ်။ - တိရစ္ဆာန်တွေကို တမင်ဖန်တီးထားသော အစာကျွေးခြင်း၊ ဟော်မုန်းဓာတ်များပြားစေခြင်း၊ ပဋိဇီဝဆေးများပေးခြင်း စသည်တို့ကိုမပြုလုပ်ခြင်း မွေးမြူရေးခြံမှ တိရစ္ဆာန်များကို ဓာတုပစ္စည်းဖြင့်ပြုလုပ်ထားတဲ့အစားအစာများကျွေးခြင်းက တိရစ္ဆာန်ရူးသွပ်ခြင်း(BSE) ရောဂါဖြစ်ပွားမှုမြင့်တက်စေနိုင်ပါတယ်။ ပဋိဇီဝဆေးများကို အသုံးပြုခြင်းကလည်း ဘက်တီးရီးယားများမှ ပဋိဇီဝယဉ်ပါးရောဂါမျိုးကို ဖြစ်စေတတ်ပါတယ်။ အော်ဂဲနစ်အရ တိရစ္ဆာန်များကိုမွေးမြူခြင်းကတော့ တိရစ္ဆာန်တွေ လှုပ်ရှားသွားလာဖို့ နေရာကျယ်ဝန်းစွာပေးထားနိုင်ခြင်းကြောင့် တိရစ္ဆာန်များရဲ့နာမကျန်းဖြစ်ခြင်းကို ကာကွယ်ဖို့ကူညီပေးနိုင်ပါတယ်။ အခြားသောရောဂါများမဖြစ်ပွားစေနိုင်တဲ့အတွက် ကူးစက်ရောဂါများမဖြစ်ပွားနိုင်တော့ဘဲ စားသုံးသူအတွက်လည်း စိတ်ချရစေနိုင်ပါတယ်။ - အော်ဂဲနစ်အသားများနှင့် နို့များက အာဟာရဓာတ်ပိုပြီး ပြည့်ဝစွာပါဝင်ပါတယ်။ ဥရောပမှာ ၂၀၁၆ခုနစ်ရဲ့စစ်တမ်းများအရ အာဟာရဓာတ်ပိုပြီး ပြည့်ဝစွာပါဝင်ပါတယ်လို့သိရပါတယ်။ အော်ဂဲနစ်အသားနှင့်နို့မှာ အိုမီဂါ ၃ ဖက်တီအက်ဆစ် ၅၀ရာခိုင်နှုန်း ပါဝင်ခြင်းတို့ကြောင့် အစဉ်အလာအတိုင်းစိုက်ပျိုးတာထက်ပိုပြီး အာဟာရဓာတ်ပြည့်ဝစွာပါဝင်ပါတယ်။ - အော်ဂဲနစ်အစားအစာမှာ GMO မပါဝင်ပါဘူး မျိုးရိုးဗီဇအရပြုပြင်ပြောင်းလဲထားသောသက်ရှိ Genetically Modified Organisms (GMO) ဒါမှမဟုတ် genetically engineered (GE) ကိုဆိုလိုခြင်းဖြစ်ပါတယ်။ အစားအစာတွေက အပင်တွေရဲ့ DNAကို တလှည့်စီပြောင်းလဲပစ်တဲ့နည်းစနစ်ကို သုံးခြင်းက သဘာဝအရမဖြစ်ပေါ်နိုင်ဘဲ မျိုးစပ်ထားတာမျိုးပါ။ ပိုးသတ်ဆေးတွေ၊ အင်းဆက်သတ်ဆေးတွေဒဏ်ကို ပိုပြီးခံနိုင်စေရန်အလို့ငှာ ထိုကဲ့သို့ ပြုပြင်ထားခြင်းဖြစ်ပါတယ်။ သဘာဝအတိုင်းမဟုတ်တော့ဘဲ ထိုကဲ့သို့ပြုပြင်ထားခြင်းကြောင့် ကျန်းမာရေးနဲ့မသင့်တော်တာတွေဖြစ်နိုင်ပါတယ်။ အော်ဂဲနစ်အစားအစာတွေမှာတော့ GMO မပါဝင်တဲ့အတွက်ကြောင့် ကျန်းမာရေးနဲ့ပိုပြီးသင့်တော်နိုင်ပါတယ်။ https://www.helpguide.org/articles/healthy-eating/organic-foods.htm#benefits မှ ဘာသာပြန်ဖော်ပြထားပါတယ်။#BAWA101
လေလည်ကောင်းအောင် ဘာအစားအစာတွေ စားသင့်သလဲ နှင့် လေလည်ခြင်း၏ အကျိုးကျေးဇူးများ။
လေမလည်တဲ့အခါ နေရထိုင်ရခက်တာ ကြုံဖူးကြမှာပါ။ လေလည်ဖို့အတွက်စားသင့်တဲ့အစားအစာတွေကတော့ ပန်းပွင့်စိမ်း၊ ပန်းဂေါ်ဖီ၊ ငှက်ပျောသီး၊ ပန်းသီး၊ မက်မွန်သီး၊ နို့၊ ဒိန်ချဉ်၊ ချိစ်၊ ဂျုံပေါင်မုန့်၊ အုတ်ဂျုံ နှင့် ပဲအမျိုးမျိုး စသည်တို့ဖြစ်ပါတယ်။ လေလည်ခြင်းက ကျန်းမာရေးနဲ့ ဘာကြောင့်ညီညွတ်စေလဲဆိုတာ အောက်ကအချက်လေးတွေ ဖတ်ကြည့်လိုက်ပါအုံး။ ၁) ပြည့်တင်းခြင်းကိုလျော့ကျစေခြင်း အစားအစာတွေကို ပြည့်အင့်နေအောင် စားပြီးတဲ့အခါ သင့်ရဲ့ဝမ်းဗိုက်တစ်ဝိုက်မှာ ပြည့်တင်းမှုကို ခံစားရမှာပါ။ ဂတ်စ်တွေ မထုတ်လွှတ်ခြင်းက အဓိက တရားခံပါပဲ။ အဲဒီ့အခါ သင်နေရထိုင်ရ ကသိကအောက်ဖြစ်နေမှာပါ။ ထိုကဲ့သို့အချိန်မျိုးမှာ လေလည်လိုက်ခြင်းက သင့်ရဲ့ပြည့်တင်းမှုတွေကို ပြေလျော့သွားစေပါတယ်။ ၂) အူမကြီးဆိုင်ရာ ပြဿနာတွေကို ဖြေရှင်းပေးနိုင်ခြင်း သင့်ရဲ့အစာအိမ်ထဲမှာ ဂတ်စ်တွေ ပြည့်အင့်နေပြီး လေမလည်ခြင်းက သင့်ကို အူမကြီးနဲ့ဆိုင်တဲ့ကျန်းမာရေးပြ ဿနာတွေဖြစ်ပွားစေနိုင်ပါတယ်။ လေအောင့်တာလိုမျိုး မခံချိမခံသာဖြစ်စေနိုင်ပါတယ်။ အဲဒါကြောင့် လေလည်လိုက်ခြင်းအားဖြင့် အူမကြီးဆိုင်ရာပြဿနာတွေကို ဖြေရှင်းပြီးသားဖြစ်စေပါတယ်။ ၃) အူကျန်းမာရေးနဲ့ အူထဲက ဘက်တီးရီးယားတွေကို ရှင်သန်ပေါက်ဖွားစေနိုင်ခြင်း ကာဗွန်ဟိုက်ဒရိုတ်ပါတဲ့အစားအစာတွေက လေလည်စေပါတယ်။ လေလည်စေတဲ့အစားအစာတွေကို မစားဘူးဆိုရင် အူထဲမှာ အစာသယ်ယူစနစ်အတွက်လုပ်ဆောင်ပေးနေတဲ့ ဘက်တီးရီးယားလေးတွေကို မရှင်သန်စေတော့ပါဘူး။ အဲဒါကြောင့် အူလမ်းကြောင်းမှာ အနှောင့်အယှက်ဖြစ်ပွားနိုင်ပြီး အစာချေစနစ်ကိုလည်း ဒုက္ခပေးနိုင်ပါတယ်။ အဲဒါကြောင့် လေလည်တဲ့အစားအစာတွေကို စားသင့်ပြီး လေလည်ခြင်းက အူကျန်းမာရေးနဲ့ အူထဲက ဘက်တီးရီးယားတွေကို ရှင်သန်စေနိုင်ပါတယ်။ ၄) ကျန်းမာရေးကောင်းကြောင်း အချက်ပြခြင်း လေလည်ခြင်းက ကျန်းမာရေးအတွက် အကျိုးသက်ရောက်မှုရှိပါတယ်။ လေလည်တဲ့ပေါ်မူတည်ပြီး သင့်ကျန်းမာရေးအခြေအနေကို ခန့်မှန်းနိုင်ပါသေးတယ်။ လေလည်တဲ့အခါ အနံဆိုးဝါးပြီး ဗိုက်အောင့်တတ်တာမျိုး၊ မကြာခဏအကြိမ်ရေများများဆက်တိုက်လေလည်တာမျိုးက သင့်ရဲ့ကျန်းမာရေးမကောင်းဘူးဆိုတာကို ပြောပြနေတာပါ။ ၅) သင့်ရဲ့အစားအစာကိုလည်း ထိန်းညှိပေးနိုင်ပါတယ်။ မတူညီနိုင်တဲ့ အစားအစာမျိုးစုံက ဂတ်စ်မျိုးစုံက ထုတ်ပေးနိုင်ပါတယ်။ သင့်အူထဲမှာ ဘယ်လိုအစာမျိုးကို လိုအပ်နေသလဲဆိုတာကိုလည်း သင်ခန့်မှန်းနိုင်ပါသေးတယ်။ ဥပမာ၊ သင်က လေလည်တာနည်းနေတယ်ဆိုရင် သင်စားမယ့်အစားအစာထဲမှာ ပဲနီလေး၊ ပဲတောင့်ရှည်၊ ကိုက်လန် စသည်တို့ကို စားဖို့လိုနေပါပြီ။ ၆) သင့်ရဲ့လေလည်တဲ့အနံက သင့်အတွက်ကျန်းမာရေးကောင်းစေနိုင်ပါတယ်။ အမှန်ပါပဲ၊ လေလည်လိုက်တဲ့အခါ ထွက်လာတဲ့ hydrogen sulfide ဓာတ်က သင့်အတွက် နေမကောင်းဖြစ်ခြင်းကို ကာကွယ်ပေးနိုင်ပါတယ်။ ၇) နေရထိုင်ရသက်သာစေပါတယ်။ ဂတ်စ်တွေအများကြီးကို သင်သယ်ဆောင်ထားရတဲ့အခါ သင့်မှာမအီမသာဖြစ်တတ်ပါတယ်။ သင့်မျက်နှာထားကလည်း ဆိုးဝါးတဲ့သဏ္ဍာန်ဖြစ်နေမှာပါ။ သက်တောင့်သက်သာမရှိ၊ အာရုံစူးစိုက်မှုမရှိဖြစ်ပြီး နေထိုင်ရခက်စေပါတယ်။ လေလည်လိုက်တဲ့အခါ သင့်အတွက် နေထိုင်ရသက်သာသွားစေမှာပါ။ လေလည်ခြင်းဖြင့် ရရှိနိုင်တဲ့အကျိုးတွေတော့ သိသွားလောက်ပါပြီနော်။ https://www.littlethings.com/farting-health-benefits/ မှ ဘာသာပြန်ပြီး ကိုးကားဖော်ပြပါတယ်။ #BAWA101
သစ်ပင်စိုက်ခြင်း၏ အကျိုးကျေးဇူးများ
သစ်ပင်စိုက်ခြင်းက ပတ်ဝန်းကျင်အတွက် ဘယ်လောက်အကျိုးကျေးဇူးများတယ်ဆိုတာ ပြောဖို့တောင်လိုမယ်မထင်ပါဘူးနော်။ ဒီနေ့ခေတ်လို့ အရမ်းတိုးတက်လာတဲ့ခေတ်မှာ ပတ်ဝန်းကျင်ထိခိုက်မှုတွေ၊ ညစ်ညမ်းမှုတွေ ပိုလို့တောင်ဖြစ်လာပါသေးတယ်။ အဲဒါကြောင့် အပင်တွေပိုပြီး စိုက်ပျိုးသင့်ပါတယ်။ သဘာဝဘေးအန္တရာယ်တွေအမျိုးမျိုးဖြစ်လာရခြင်းကလည်း အပင်တွေဆုံးရှုံးခြင်းကြောင့်ပါ။ အပင်စိုက်ခြင်းအကျိုးကို သေချာလေးသိရအောင် ရေးပေးလိုက်ပါတယ်။ ၁) အပင်တွေက ရာသီဥတုကို ပြောင်းလဲခြင်းကို အံတုနိုင်ပါတယ်။ ကျွန်တော်တို့ရဲ့ ကမ္ဘာ့လေထုမှာ ကာဗွန်ဒိုင်အောက်ဆိုဒ်ဓာတ်ငွေ့တွေများပြားလာမှုကြောင့် ရာသီဥတုပြောင်းလဲမှုတွေဖြစ်လာရပါတယ်။ အပင်တွေက ကာဗွန်ဒိုင်အောက်ဆိုဒ်ကို စုပ်ယူထားပြီး ပတ်ဝန်းကျင်မှဖယ်ရှားပေးနိုင်ပါတယ်။ ပြီးတော့ ကာဗွန်ဒိုင်အောက်ဆိုဒ်ကို သိုလှောင်ထားပြီး အောက်ဆီဂျင်ကိုပြန်လည်ထုတ်လွှတ်ပေးပါတယ်။ တစ်နှစ်မှာ တစ်ဧကခန့်ရှိတဲ့သစ်ပင်တွေက သင့်ရဲ့ကားမိုင်ပေါင်း ၂၆၀၀၀ မိုင်မောင်းနှင်ပြီးထွက်လာတဲ့ ကာဗွန်ဒိုင်အောက်ဆိုက်ဓာတ်ငွေ့ပမာဏတွေကို စုပ်ယူနိုင်ပါတယ်။ ၂) အပင်တွေက လေထုကို သန့်ရှင်းစေနိုင်ပါတယ် မကောင်းတဲ့ဓာတ်ငွေ့တွေကို သူတို့ရဲ့အရွက်တွေနဲ့ ပင်စည်က စုပ်ယူနိုင်ပါတယ်။ အထူးသဖြင့် အမိုးနီးယား၊ ဆာလဖာဒိုင်အောက်ဆိုက်၊ နိုက်ထရိုဂျင်အောက်ဆိုဒ်၊ အိုဇုန်း စသည့်ဓာတ်ငွေ့တွေကို စုပ်ယူတဲ့အတွက် လေထုကို သန့်ရှင်းသွားစေနိုင်ပြီး သန့်စင်သွားအောင်လည်း စစ်ထုတ်ပေးနိုင်ပါတယ်။ ၃) အပင်တွေက အောက်ဆီဂျင်ဓာတ်ကိုပေးပါတယ်။ တစ်နှစ်မှာ တစ်ဧကခန့်ရှိတဲ့အပင်တွေကနေ လူပေါင်း၁၈ယောက်အတွက် အောက်ဆီဂျင်လုံလုံလောက်လောက်ထုတ်ပေးနိုင်ပါတယ်။ ၄) အပင်တွေက မြို့တွေ၊ လမ်းတွေကို အေးချမ်းစေပါတယ်။ Los Angeles မြို့မှာ လွန်ခဲ့တဲ့နှစ်ငါးဆယ်ခန့်ကတည်းက ပျမ်းမျှအပူချိန်ထက် ၆ဒီဂရီဖာရင်ဟိုက် မြင့်တက်လျက်ရှိပါတယ်။ အပင်တွေက အုပ်လွှမ်းပြီး လမ်းတွေ အိမ်တွေကို အပူဒဏ်ကနေကာကွယ်ပေးထားပါတယ်။ အိမ်တွေနဲ့လမ်းတွေကို တစ်ဆယ်ဒီဂရီဖာရင်ဟိုက်အထိ အေးစေပါတယ်။ သစ်ပင်ရဲ့ အရွက်တွေကတဆင့် လေထုထဲကို ရေငွေ့တွေထုတ်လွှတ်ပေးပါတယ်။ ၅) အပင်တွေက စွမ်းအင်တွေမဆုံးရှုံးအောင် ထိန်းသိမ်းပေးနိုင်ပါတယ်။ အိမ်တစ်အိမ်မှာ နွေရာသီပူပြင်းမှုကို ကာကွယ်နိုင်အောင် လေအေးစက်အသုံးပြုခြင်းကြပါတယ်။ အပင်တွေကြောင့် လမ်းတွေအိမ်တွေကို အပူသက်သာစေတဲ့အခါ မလိုအပ်ပဲလေအေးပေးစက်မသုံးဖြစ်တော့ပါဘူး။ ထိုအခါ လေထုညစ်ညမ်းမှုဖြစ်စေတဲ့ဓာတ်ငွေ့တွေထုတ်လွှတ်မှုနည်းသွားစေပါတယ်။ စွမ်းအင်တွေလည်း အလဟသမကုန်တော့သလို လေထုလည်းမညစ်ညမ်းနိုင်တော့ပါဘူး။ ၆) ရေကုန်ဆုံးခြင်းကို ကာကွယ်နိုင်ပါတယ်။ အပင်တွေက ရတဲ့အရိပ်ကြောင့် ရေလိုအပ်နေတဲ့ မြက်ခင်းတွေမှာ ရေငွေ့ပျံခြင်းကို သက်သာစေပြီး မြစ်ချောင်းအင်းအိုင်များမှ ရေငွေ့ပျံခြင်းကို သက်သာစေနိုင်ပါတယ်။ လောလောလတ်လတ်စိုက်ပျိုးထားတဲ့အပင်သစ်လေးတွေက တစ်ပတ်မှာ ရေ ငါးဂါလံလောက်ပဲလိုအပ်ပါတယ်။ သစ်ပင်တွေကနေ ရေငွေ့တွေပြန်ထုတ်ပေးတဲ့အတွက်ကြောင့် ကမ္ဘာ့လေထုကို ပြန်ပြီးစိုစွတ်စေပါတယ်။ ၇) ရေထုညစ်ညမ်းခြင်းကို ကာကွယ်ဖို့ ကူညီပေးနိုင်ပါတယ်။ အပင်ရဲ့ပင်စည်ကနေ ရေတွေက အပင်ရဲ့အောက်ခြေမြေကြီးတွေထဲကို ရောက်သွားပါတယ်။ အဲဒါက အညစ်အကြေးတွေကို ပင်လယ်ထဲအရှိန်ပြင်းပြင်းစီးဆင်းတာမျိုးမဖြစ်အောင် ကာကွယ်ပေးနိုင်ပါတယ်။ ပြီးတော့ စိုက်ပျိုးထားတဲ့အပင်တွေအတွက် ဖြန့်ကျဲထားတတ်တဲ့ သစ်ရွက်ဆွေးတွေ ၊ ကောက်ရိုးဆွေးတွေကိုလည်း သဘာဝအရ ရေမြုပ်ပုံစံလိုမျိုး စစ်ထုတ်ပေးနိုင်အောင် အပင်တွေရဲ့ အမြစ်တွေက ဆောင်ရွက်နိုင်ပါတယ်။ အဲဒါအပြင် မြေအောက်ရေပြန်လည်ရရှိအောင် ပြန်လည်ထောက်ပံ့ပေးနိုင်ပါသေးတယ်။ ၈) မြေတိုက်စားခြင်းမှ ကာကွယ်ဖို့ ကူညီပေးနိုင်ပါတယ်။ တောင်ခါးပန်းတွေလိုနေရာမျိုး၊ စမ်းချောင်းတွေစီးဆင်းနေတဲ့ ကုန်းလျှောမြေလိုနေရာမျိုးတွေမှာ ရှိတဲ့အပင်တွေက မြေကြီးတွေကို တိုက်စားမှုမဖြစ်အောင် အမြစ်တွေနဲ့ ကုတ်တွယ်ထားနိုင်ပါတယ်။ အဲဒါကြောင့် မြေတိုက်စားခြင်း၊ မြေပြိုခြင်းတွေ မဖြစ်နိုင်တော့ပါဘူး။ ၉) ကလေးတွေကို ခရမ်းလွန်ရောင်ခြည်ဒဏ်မှ ကာကွယ်ပေးနိုင်ပါတယ်။ အမေရိကန်ပြည်ထောင်စုမှာ အရေပြားကင်ဆာက အဖြစ်များဆုံးရောဂါတစ်ခုထဲမှာ ပါဝင်ပါတယ်။ အပင်တွေက နေရောင်ခြည်မှ UV B နဲ့ထိတွေ့နရခြင်းမှ ၅၀ရာခိုင်နှုန်းလျှော့ချပေးနိုင်ပါတယ်။ အဲဒါကြောင့် ကလေးသူငယ်တွေရဲ့ ကစားကွင်းတွေနဲ့ ကျောင်းဝင်းတွေမှာ အပင်တွေနဲ့ အရိပ်ရနေအောင် စီမံထားသင့်ပါတယ်။ ၁၀) အစားအစာတွေကို စီမံပေးနိုင်ပါတယ်။ ပန်းသီးပင်တစ်ပင်က ပန်းသီးပေါင်း တစ်နှစ်မှာ ရှစ်ဂါလံဝင်တဲ့ တင်းတောင်းပေါင်း ၁၅ - ၂၀ လောက်ထိ ထွက်နိုင်ပါတယ်။ အပင်တွေက လူတွေအတွက် စားစရာအသီးအနှံတွေသာမက ငှက်တွေနဲ့ သားရဲတိရစ္ဆာန်တွေအတွက်လည်း စားစရာဖန်တီးပေးပါတယ်။ ၁၁) ရောဂါတွေကို ကုသပေးနိုင်ပါတယ်။ လေ့လာတွေ့ရှိချက်အရ ပြတင်းပေါက်မှာ အပင်တွေ အမြဲစိမ်းစိုနေတာမြင်တွေ့နေတတ်တဲ့ လူနာတွေက အမြန်ဆုံးရောဂါပျောက်ကင်းနိင်တာကိုတွေ့ရပါတယ်။ Attention Deficit Hyperacitivity Disorder (ADHD) ရေဂါဝေဒနာရှင် ကလေးသူငယ်တွေမှာ သဘာဝတရားကို လက်ခံရတဲ့အခါ ရောဂါလက္ခဏာတွေလျော့နည်းလာတာကိုတွေ့ရပါတယ်။ သစ်ပင်တွေနဲ့ ထိတွေ့ခြင်း၊ သဘာဝတရားကိုလက်ခံရခြင်းက စိတ်ပိုင်းဆိုင်ရာမောပန်းနွမ်းနယ်မှုတွေကိုလည်း လျော့ကျစေပါတယ်။ ၁၂) ခရမ်းလွန်ရောင်ခြည်ကို လျှော့ကျစေနိုင်ပါတယ်။ အိမ်အနီးဝန်းကျင် အိမ်အတွင်းအပြင်ကို ခရမ်းလွန်ရောင်ခြည်ပြင်းပြင်းထန်ထန်ရောက်ရှိခြင်း ဒဏ်မှ လျှော့ကျစေပါတယ်။ အပင်တွေနဲ့ သဘာဝရှုခင်းတွေကြောင့် ခရမ်းလွန်ရောင်ခြည်ဓာတ်များပြားစွာ ကျရောက်ခြင်းဒဏ်ကို ကြောက်လန့်နေစရာမလိုတော့ပါဘူး။ အထက်ပါအချက်တွေက အပင်တွေကို စိုက်ပျိုးခြင်းကြောင့်ရရှိနိုင်မယ့်အကျိုးကျေးဇူးတွေပါ။ ပတ်ဝန်းကျင်စိမ်းစိုနေစေဖို့ အားလုံးပဲ အပင်တွေစိုက်ပျိုးသင့်ပါတယ်နော်။ ကိုယ့်ပတ်ဝန်းကျင်မှာ အပင်လေးတွေ စိုက်ပျိုးခြင်းကြောင့် မိမိကိုယ်တိုင်သာမက အနီးအနားပတ်ဝန်းကျင်အတွက်ကော နောင်နှစ်ပေါင်းများစွာအထိ အကျိုးရှိနေစေမှာပါ။ https://www.treepeople.org/tree-benefits ၁၄) သစ်ပင်စိုက်ခြင်း၏ အကျိုးကျေးဇူးများ သစ်ပင်စိုက်ခြင်းက ပတ်ဝန်းကျင်အတွက် ဘယ်လောက်အကျိုးကျေးဇူးများတယ်ဆိုတာ ပြောဖို့တောင်လိုမယ်မထင်ပါဘူးနော်။ ဒီနေ့ခေတ်လို့ အရမ်းတိုးတက်လာတဲ့ခေတ်မှာ ပတ်ဝန်းကျင်ထိခိုက်မှုတွေ၊ ညစ်ညမ်းမှုတွေ ပိုလို့တောင်ဖြစ်လာပါသေးတယ်။ အဲဒါကြောင့် အပင်တွေပိုပြီး စိုက်ပျိုးသင့်ပါတယ်။ သဘာဝဘေးအန္တရာယ်တွေအမျိုးမျိုးဖြစ်လာရခြင်းကလည်း အပင်တွေဆုံးရှုံးခြင်းကြောင့်ပါ။ အပင်စိုက်ခြင်းအကျိုးကို သေချာလေးသိရအောင် ရေးပေးလိုက်ပါတယ်။ ၁) အပင်တွေက ရာသီဥတုကို ပြောင်းလဲခြင်းကို အံတုနိုင်ပါတယ်။ ကျွန်တော်တို့ရဲ့ ကမ္ဘာ့လေထုမှာ ကာဗွန်ဒိုင်အောက်ဆိုဒ်ဓာတ်ငွေ့တွေများပြားလာမှုကြောင့် ရာသီဥတုပြောင်းလဲမှုတွေဖြစ်လာရပါတယ်။ အပင်တွေက ကာဗွန်ဒိုင်အောက်ဆိုဒ်ကို စုပ်ယူထားပြီး ပတ်ဝန်းကျင်မှဖယ်ရှားပေးနိုင်ပါတယ်။ ပြီးတော့ ကာဗွန်ဒိုင်အောက်ဆိုဒ်ကို သိုလှောင်ထားပြီး အောက်ဆီဂျင်ကိုပြန်လည်ထုတ်လွှတ်ပေးပါတယ်။ တစ်နှစ်မှာ တစ်ဧကခန့်ရှိတဲ့သစ်ပင်တွေက သင့်ရဲ့ကားမိုင်ပေါင်း ၂၆၀၀၀ မိုင်မောင်းနှင်ပြီးထွက်လာတဲ့ ကာဗွန်ဒိုင်အောက်ဆိုက်ဓာတ်ငွေ့ပမာဏတွေကို စုပ်ယူနိုင်ပါတယ်။ ၂) အပင်တွေက လေထုကို သန့်ရှင်းစေနိုင်ပါတယ် မကောင်းတဲ့ဓာတ်ငွေ့တွေကို သူတို့ရဲ့အရွက်တွေနဲ့ ပင်စည်က စုပ်ယူနိုင်ပါတယ်။ အထူးသဖြင့် အမိုးနီးယား၊ ဆာလဖာဒိုင်အောက်ဆိုက်၊ နိုက်ထရိုဂျင်အောက်ဆိုဒ်၊ အိုဇုန်း စသည့်ဓာတ်ငွေ့တွေကို စုပ်ယူတဲ့အတွက် လေထုကို သန့်ရှင်းသွားစေနိုင်ပြီး သန့်စင်သွားအောင်လည်း စစ်ထုတ်ပေးနိုင်ပါတယ်။ ၃) အပင်တွေက အောက်ဆီဂျင်ဓာတ်ကိုပေးပါတယ်။ တစ်နှစ်မှာ တစ်ဧကခန့်ရှိတဲ့အပင်တွေကနေ လူပေါင်း၁၈ယောက်အတွက် အောက်ဆီဂျင်လုံလုံလောက်လောက်ထုတ်ပေးနိုင်ပါတယ်။ ၄) အပင်တွေက မြို့တွေ၊ လမ်းတွေကို အေးချမ်းစေပါတယ်။ Los Angeles မြို့မှာ လွန်ခဲ့တဲ့နှစ်ငါးဆယ်ခန့်ကတည်းက ပျမ်းမျှအပူချိန်ထက် ၆ဒီဂရီဖာရင်ဟိုက် မြင့်တက်လျက်ရှိပါတယ်။ အပင်တွေက အုပ်လွှမ်းပြီး လမ်းတွေ အိမ်တွေကို အပူဒဏ်ကနေကာကွယ်ပေးထားပါတယ်။ အိမ်တွေနဲ့လမ်းတွေကို တစ်ဆယ်ဒီဂရီဖာရင်ဟိုက်အထိ အေးစေပါတယ်။ သစ်ပင်ရဲ့ အရွက်တွေကတဆင့် လေထုထဲကို ရေငွေ့တွေထုတ်လွှတ်ပေးပါတယ်။ ၅) အပင်တွေက စွမ်းအင်တွေမဆုံးရှုံးအောင် ထိန်းသိမ်းပေးနိုင်ပါတယ်။ အိမ်တစ်အိမ်မှာ နွေရာသီပူပြင်းမှုကို ကာကွယ်နိုင်အောင် လေအေးစက်အသုံးပြုခြင်းကြပါတယ်။ အပင်တွေကြောင့် လမ်းတွေအိမ်တွေကို အပူသက်သာစေတဲ့အခါ မလိုအပ်ပဲလေအေးပေးစက်မသုံးဖြစ်တော့ပါဘူး။ ထိုအခါ လေထုညစ်ညမ်းမှုဖြစ်စေတဲ့ဓာတ်ငွေ့တွေထုတ်လွှတ်မှုနည်းသွားစေပါတယ်။ စွမ်းအင်တွေလည်း အလဟသမကုန်တော့သလို လေထုလည်းမညစ်ညမ်းနိုင်တော့ပါဘူး။ ၆) ရေကုန်ဆုံးခြင်းကို ကာကွယ်နိုင်ပါတယ်။ အပင်တွေက ရတဲ့အရိပ်ကြောင့် ရေလိုအပ်နေတဲ့ မြက်ခင်းတွေမှာ ရေငွေ့ပျံခြင်းကို သက်သာစေပြီး မြစ်ချောင်းအင်းအိုင်များမှ ရေငွေ့ပျံခြင်းကို သက်သာစေနိုင်ပါတယ်။ လောလောလတ်လတ်စိုက်ပျိုးထားတဲ့အပင်သစ်လေးတွေက တစ်ပတ်မှာ ရေ ငါးဂါလံလောက်ပဲလိုအပ်ပါတယ်။ သစ်ပင်တွေကနေ ရေငွေ့တွေပြန်ထုတ်ပေးတဲ့အတွက်ကြောင့် ကမ္ဘာ့လေထုကို ပြန်ပြီးစိုစွတ်စေပါတယ်။ ၇) ရေထုညစ်ညမ်းခြင်းကို ကာကွယ်ဖို့ ကူညီပေးနိုင်ပါတယ်။ အပင်ရဲ့ပင်စည်ကနေ ရေတွေက အပင်ရဲ့အောက်ခြေမြေကြီးတွေထဲကို ရောက်သွားပါတယ်။ အဲဒါက အညစ်အကြေးတွေကို ပင်လယ်ထဲအရှိန်ပြင်းပြင်းစီးဆင်းတာမျိုးမဖြစ်အောင် ကာကွယ်ပေးနိုင်ပါတယ်။ ပြီးတော့ စိုက်ပျိုးထားတဲ့အပင်တွေအတွက် ဖြန့်ကျဲထားတတ်တဲ့ သစ်ရွက်ဆွေးတွေ ၊ ကောက်ရိုးဆွေးတွေကိုလည်း သဘာဝအရ ရေမြုပ်ပုံစံလိုမျိုး စစ်ထုတ်ပေးနိုင်အောင် အပင်တွေရဲ့ အမြစ်တွေက ဆောင်ရွက်နိုင်ပါတယ်။ အဲဒါအပြင် မြေအောက်ရေပြန်လည်ရရှိအောင် ပြန်လည်ထောက်ပံ့ပေးနိုင်ပါသေးတယ်။ ၈) မြေတိုက်စားခြင်းမှ ကာကွယ်ဖို့ ကူညီပေးနိုင်ပါတယ်။ တောင်ခါးပန်းတွေလိုနေရာမျိုး၊ စမ်းချောင်းတွေစီးဆင်းနေတဲ့ ကုန်းလျှောမြေလိုနေရာမျိုးတွေမှာ ရှိတဲ့အပင်တွေက မြေကြီးတွေကို တိုက်စားမှုမဖြစ်အောင် အမြစ်တွေနဲ့ ကုတ်တွယ်ထားနိုင်ပါတယ်။ အဲဒါကြောင့် မြေတိုက်စားခြင်း၊ မြေပြိုခြင်းတွေ မဖြစ်နိုင်တော့ပါဘူး။ ၉) ကလေးတွေကို ခရမ်းလွန်ရောင်ခြည်ဒဏ်မှ ကာကွယ်ပေးနိုင်ပါတယ်။ အမေရိကန်ပြည်ထောင်စုမှာ အရေပြားကင်ဆာက အဖြစ်များဆုံးရောဂါတစ်ခုထဲမှာ ပါဝင်ပါတယ်။ အပင်တွေက နေရောင်ခြည်မှ UV B နဲ့ထိတွေ့နရခြင်းမှ ၅၀ရာခိုင်နှုန်းလျှော့ချပေးနိုင်ပါတယ်။ အဲဒါကြောင့် ကလေးသူငယ်တွေရဲ့ ကစားကွင်းတွေနဲ့ ကျောင်းဝင်းတွေမှာ အပင်တွေနဲ့ အရိပ်ရနေအောင် စီမံထားသင့်ပါတယ်။ ၁၀) အစားအစာတွေကို စီမံပေးနိုင်ပါတယ်။ ပန်းသီးပင်တစ်ပင်က ပန်းသီးပေါင်း တစ်နှစ်မှာ ရှစ်ဂါလံဝင်တဲ့ တင်းတောင်းပေါင်း ၁၅ - ၂၀ လောက်ထိ ထွက်နိုင်ပါတယ်။ အပင်တွေက လူတွေအတွက် စားစရာအသီးအနှံတွေသာမက ငှက်တွေနဲ့ သားရဲတိရစ္ဆာန်တွေအတွက်လည်း စားစရာဖန်တီးပေးပါတယ်။ ၁၁) ရောဂါတွေကို ကုသပေးနိုင်ပါတယ်။ လေ့လာတွေ့ရှိချက်အရ ပြတင်းပေါက်မှာ အပင်တွေ အမြဲစိမ်းစိုနေတာမြင်တွေ့နေတတ်တဲ့ လူနာတွေက အမြန်ဆုံးရောဂါပျောက်ကင်းနိင်တာကိုတွေ့ရပါတယ်။ Attention Deficit Hyperacitivity Disorder (ADHD) ရေဂါဝေဒနာရှင် ကလေးသူငယ်တွေမှာ သဘာဝတရားကို လက်ခံရတဲ့အခါ ရောဂါလက္ခဏာတွေလျော့နည်းလာတာကိုတွေ့ရပါတယ်။ သစ်ပင်တွေနဲ့ ထိတွေ့ခြင်း၊ သဘာဝတရားကိုလက်ခံရခြင်းက စိတ်ပိုင်းဆိုင်ရာမောပန်းနွမ်းနယ်မှုတွေကိုလည်း လျော့ကျစေပါတယ်။ ၁၂) ခရမ်းလွန်ရောင်ခြည်ကို လျှော့ကျစေနိုင်ပါတယ်။ အိမ်အနီးဝန်းကျင် အိမ်အတွင်းအပြင်ကို ခရမ်းလွန်ရောင်ခြည်ပြင်းပြင်းထန်ထန်ရောက်ရှိခြင်း ဒဏ်မှ လျှော့ကျစေပါတယ်။ အပင်တွေနဲ့ သဘာဝရှုခင်းတွေကြောင့် ခရမ်းလွန်ရောင်ခြည်ဓာတ်များပြားစွာ ကျရောက်ခြင်းဒဏ်ကို ကြောက်လန့်နေစရာမလိုတော့ပါဘူး။ အထက်ပါအချက်တွေက အပင်တွေကို စိုက်ပျိုးခြင်းကြောင့်ရရှိနိုင်မယ့်အကျိုးကျေးဇူးတွေပါ။ ပတ်ဝန်းကျင်စိမ်းစိုနေစေဖို့ အားလုံးပဲ အပင်တွေစိုက်ပျိုးသင့်ပါတယ်နော်။ ကိုယ့်ပတ်ဝန်းကျင်မှာ အပင်လေးတွေ စိုက်ပျိုးခြင်းကြောင့် မိမိကိုယ်တိုင်သာမက အနီးအနားပတ်ဝန်းကျင်အတွက်ကော နောင်နှစ်ပေါင်းများစွာအထိ အကျိုးရှိနေစေမှာပါ။ https://www.treepeople.org/tree-benefits လင့်မှဘာသာပြန်ဖော်ပြခြင်းဖြစ်ပါတယ်။
ကလေးငယ်လေးတွေ ထွားကြိုင်းသန်မာလာအောင် ဘယ်လိုလုပ်ပေးရမလဲ
။ ကလေးက ပိန်တယ်၊ ညှက်တယ်၊ မကြာခဏချော်လဲတတ်တယ်။ စသည်ဖြင့် မေမေတွေညည်းကြတာကြားဖူးမှာပါ။ မိမိကလေးကို ထွားကြိုင်းသန်မာအောင် ကျွေးသင့်တဲ့အစားအစာလေးတွေနဲ့ သူတို့ရဲ့အရိုးအဆစ်တွေသန်မာအောင် ဘာလိုကစားနည်းမျိုးတွေနဲ့ ဘာတွေလိုအပ်သလဲဆိုတာ ရေးပေးထားပါတယ်။ ကလေးရဲ့အရိုးတွေ၊ ကြွက်သားတွေ ထွားကြိုင်းသန်မာအောင် စားသင့်တဲ့အစားအစာတွေကတော့ အောက်ပါအတိုင်းဖြစ်ပါတယ်။ ၁) ဘယ်ရီသီးများ စတော်ဘယ်ရီနဲ့ ဘလူးဘယ်ရီသီးတွေက ဗီတာမင် စီ ကြွယ်ဝစွာပါဝင်ပါတယ်။ အောက်ဆီဂျင်ကထုတ်လုပ်တဲ့ဓာတ်ပေါင်းတွေနဲ့ အပင်ကထုတ်တဲ့ဓာတ်ပေါင်းတွေပါဝင်ပါတယ်။ အဲဒါတွေက ကျန်းမာစေတဲ့ဆဲလ်တွေကို ပျက်စီးခြင်းမှ ကာကွယ်ပေးပါတယ်။ ခန္ဓာကိုယ်က ခုခံစွမ်းအားလည်းတိုးစေပါတယ်။ ၂) ဥအမျိုးမျိုး ဥတွေမှာ ပရိုတင်းဓာတ်နဲ့ အာဟာရဓာတ်တွေအမျာကြီးပါဝင်ပါတယ်။ အထူးသဖြင့် ဦးနှောက်ဖွံ့ဖြိုးမှုအတွက်မရှိမဖြစ်လိုအပ်တဲ့ အာဟာရဓာတ်တွေပါဝင်ပါတယ်။ ၃) နွားနို့ နွားနို့မှာ ကယ်လစီယမ်နဲ့ ဖော့စဖောရပ် တို့ပါဝင်တဲ့အတွက် ကြွက်သားနဲ့အရိုးတွေအတွက်ကောင်းမွန်စေပါတယ်။ သင့်ကလေးက နှစ်နှစ်မပြည့်သေးဘူးဆိုရင် ရှိသင့်တဲ့ ပေါင်ချိန်ထက် မကျော်လွန်နေဘူးဆိုရင် နွားနို့်များများသောက်သင့်ပါတယ်။ ၄) မြေပဲထောပတ် (သို့) မြေပဲစေ့များကိုလှော်ပြီး ကြိတ်ထားသော မြေပဲအနှစ် မြေပဲထောပတ်က ကလေးတွေအတွက် စွမ်းအင်တွေနဲ့ ပရိုတင်းဓာတ်တွေကို ရစေပါတယ်။ တစ်ချို့သော တံဆိပ်မြေပဲထောပတ်တွေကတော့ ဆားတွေ၊ သကြားတွေ၊ ထန်းဆီနဲ့ မပြည့်ဝတဲ့ ဟိုက်ဒရိုဂျင်ဓာတ်တွေ ထပ်ပေါင်းထည့်ထားတတ်တဲ့အတွက် အာဟာရဓာတ်တွေရဲ့စွမ်းအင်တွေကို လျော့ကျစေနိုင်ပါတယ်။ ၅) နှံစားပြောင်း အစာခြေလွယ်တဲ့အမျှင်ဓာတ်ပါဝင်တဲ့အတွက် အစာခြေစနစ်ကို ကောင်းမွန်စေပြီး ဝမ်းချုပ်ခြင်းမဖြစ်ပေါ်အောင် ကာကွယ်ပေးနိုင်ပါတယ်။ ၆) အသား ပရိုတင်းဓာတ်နဲ့ သံဓာတ်ပါဝင်ပါတယ်။ ဦးနှောက်ဖွံ့ဖြိုးဖို့ ကူညီပေးပြီး ဦးနှောက်လုပ်ဆောင်ချက်တွေကို အကောင်းဆုံးဖြစ်စေပါတယ်။ ခုခံစွမ်းအားတိုးစေပါတယ်။ ၇) ငါး ပရိုတင်းဓာတ်ကြောင့် ကြွက်သားနဲ့အရိုးတွေ သန်မာစေပါတယ်။ ဆော်လမွန်၊ တူနာ၊ ဆာဒင်း ငါးတွေမှာ အိုမီဂါသရီးဖက်တီအက်ဆစ်ပါဝင်ပါတယ်။ မျက်လုံးအမြင်အာရုံကောင်းစေပြီး ဦးနှောက်နဲ့အာရုံကြောဆိုင်ရာ တိုးတက်ဖို့ အထောက်အကူပေးပါတယ်။ ၈) ချိစ် ချိစ်က သင့်ကလေးရဲ့အရိုးသန်မာအောင် ကြီးထွားဖွံ့ဖြိုးအောင် လုပ်ဆောင်ပေးတဲ့ အဓိက ဓာတ်တွေအများကြီးပါဝင်ပါတယ်။ အထူးသဖြင့် ဗီတာမင် ဒီ၊ ပရိုတင်း၊ ကယ်လဆီယမ်၊ ဖော့စဖောရပ်စ် စသည်တို့ပါဝင်ပါတယ်။ ၉) ပန်းပွင့်စိမ်း ကလေးရဲ့ အမြင်အာရုံကို ကောင်းမွန်စေပြီး ဆဲလ်တွေ ပျက်စီးခြင်းကို ကာကွယ်ပေးနိုင်ပါတယ်။ အစာခြေစေတဲ့အမျှင်ဓာတ်ပါဝင်မှုကြောင့် ဝမ်းချုပ်ခြင်းကိုကာကွယ်ပေးနိုင်ပါတယ်။ ၁၀) အရောင်ရင့်တဲ့အသီးအနှံတွေနဲ့ အသီးအရွက်တွေ အထူးသဖြင့် ကန်စွန်းဥ၊ ဖရုံသီး၊ မုန်လာဥနီ၊ ခရမ်းချဉ်သီး၊ သင်္ဘောသီး စတဲ့အသီးအနှံတွေမှ betacarotene နဲ့ carotenoids ဓာတ်တွေပါဝင်ပါတယ်။ ထိုဓာတ်တွေက ခန္ဓာကိုယ်ထဲရောက်တဲ့အခါ ဗီတာမင်အေအဖြစ်ပြောင်းလဲပြီး အရေပြားနဲ့အမြင်အာရုံကောင်းစေပါတယ်။ ခန္ဓာကိုယ်ထဲကတစ်ရှူးတွေကို ပြုပြင်ပေးနိုင်ပြီး ကြီးထွားဖွံ့ဖြိုးစေနိုင်ပါတယ်။ ခုဖော်ပြထားတာတွေကတော့ ကလေးရဲ့အရိုးတွေကြွက်သားသန်မာမှုတွေအတွက်စားသင့်တဲ့အစားအစာတွေဖြစ်ပါတယ်။ ဒါပေမယ့် ကလေးကို ထိုအစားအစာတွေကျွေးရုံနဲ့ ကြီးထွားသန်မာလာမယ်လို့ အပြည့်အဝပြောလို့မရသေးပါဘူး။ အာဟာရပြည့်ဝအောင် မျှတစွာကျွေးသင့်တဲ့အပြင် ကလေးရဲ့အရိုးအဆစ်တွေသန်မာအောင် ဗီတာမင် ဒီရရှိဖိုလည်း လိုပါတယ်။ အထူးသဖြင့် မနက်ခင်းနေရောင်ခြည်က ကလေးရဲ့မျက်နှာ၊ လည်ပင်း၊ လက်မောင်း တို့နဲ့ထိတွေ့တဲ့အခါ ဗီတာမင်ဒီဓာတ်ရရှိပါတယ်။ အဓိကကတော့ ကယ်ဆီယမ်ဓာတ်နဲ့ ဗီတာမင် ဒီဓာတ်ဖြစ်ပါတယ်။ နောက်တစ်မျိုးကတော့ ကလေးကို ပြေးလွှားဆော့ကစားခိုင်းတဲ့နည်းပါပဲ။ ဒီနေ့ခေတ်မှာ လေကောင်းလေသန့်ရရှိနိုင်တဲ့ ပန်းခြံမျိုး၊ လွတ်လပ်စွာပြေးလွှားဆော့ကစားနိုင်တဲ့ မြင်ခင်းပြင်နဲ့ အားကစားကွင်းမျိုး ရှားပါးလာပါတယ်။ အမှန်တကယ်တော့ ကလေးငယ်တွေကို ထိုကဲ့သို့လွတ်လပ်စွာပြေးလွှားဆော့ကစားခိုင်းခြင်းက အရိုးအဆစ်တွေသန်မာစေပါတယ်။ စက်ဘီးစီးခိုင်းတာမျိုး၊ ရေကူးခိုင်းတာမျိုး၊ ပြေးခိုင်းတာမျိုး၊ စတဲ့ကစားနည်းတွေကလည်း သင့်ကလေးရဲ့အရိုးအဆစ်တွေ သန်မာစေဖို့ အကူအညီပေးနိုင်ပါတယ်။ နည်းပညာလွှမ်းမိုးမှုတွေများလာတဲ့ဒီနေ့ခေတ်မှာ screen time ကိုလျော့ချပေးပြီး လေကောင်းလေသန့်ရနိုင်မယ့် ပန်းခြံ၊ ကစားကွင်းတွေမှာ ပြေးလွှားဆော့ကစားခိုင်းခြင်းမျိုးလုပ်ခိုင်းပေးပါ။ အာဟာရဓာတ်တွေ မျှတအောင် ကျွေးမွေးပေးပါ။ အဲဒါဆိုရင်တော့ သင့်ကလေးကြီးထွားဖွံ့ဖြိုးမှုကို အထောက်အကူပြုစေပါလိမ့်မယ်။ #BAWA101
ကျောက်ကပ်ကျန်းမာရေး ဂရုစိုက်ထိန်းသိမ်းရန် လိုက်နာသင့်သည့်အရာများ
ကျောက်ကပ်က ကျွန်တော်တို့ရဲ့ခန္ဓာကိုယ်မှာ အရေးပါတဲ့အစိတ်အပိုင်းတစ်ခုပါပဲ။ ကျောက်ကပ်မကောင်းတဲ့အခါ ကျောက်တည်ခြင်း၊ ဆီးလမ်းကြောင်းဆိုင်ရာ ရောဂါများဖြစ်ပွားခြင်း စတဲ့ရောဂါတွေအပြင်အခြားရောဂါတွေလည်းဖြစ်ပွားလာနိုင်ပါသေးတယ်။ ကျောက်ကပ်ကို ထိခိုက်စေတဲ့ အကျင့်တွေက ဘာတွေဖြစ်မလဲဆိုတာ အောက်မှာဖတ်ကြည့်လိုက်ပါအုံး။ #BAWA101
အောင်မြင်သောအမျိုးသမီးများ၏ အဆိုအမိန့်များအပိုင်း ၂
အမျိုးသမီးတွေက အားနွဲ့သူတွေပါ။ အားနွဲ့သူအမျိုးသမီးတွေရဲ့ ခက်ခဲသောဘဝကို ကျော်ဖြတ်အောင်မြင်ခဲ့ပုံတွေကြောင့် အခုကောက်နုတ်ချက်လေးတွေကနေ ခွန်အားတစ်ခုခုရမှာပါ။#BAWA101