လူငယ်နဲ့လူကြီးကြားက အမြင်မတူတဲ့ဆက်ဆံရေးကို ဘယ်လိုကောင်းမွန်အောင်တည်ဆောက်မလဲ
လူငယ်တွေနဲ့ လူကြီးတွေရဲ့ကြားက ဆက်ဆံရေးက အမြဲအဆင်မပြေတတ်ကြတာကို သင်ကိုယ်တိုင်လည်း ကြုံဖူးမှာပါ။ အက်မင်တို့ကိုယ်တိုင်လည်း ကြုံဖူးပါတယ်၊ ငယ်ငယ်က လူလတ်ပိုင်းတွေရဲ့အတွေးနဲ့ အကြိုက်တွေက တစ်မျိုးဖြစ်ပြီး လူကြီးပိုင်းရောက်လာတဲ့အခါ လူငယ်ပိုင်းကြိုက်တဲ့အကြိုက်တွေနဲ့ အတွေးတွေကို မြင်တဲ့အမြင်က ပြောင်းလဲသွားပါတယ်။ မယုံရင် သင့်ကိုသင်ပြန်မေးကြည့်ပါနော်။ သင့်အသက်၅နှစ်လောက်က ကြိုက်တဲ့အကြိုက်တစ်ချို့က ခုချိန်မှာ ပြောင်းလဲသွားမှာအသေအချာပါပဲ။(အကုန်လုံးမဟုတ်ရင်တောင် တစ်ချို့ပေါ့) အဲလိုပါပဲ…..သင်ဆယ်ကျော်သက်အရွယ်တုန်းက ကြိုက်ခဲ့တဲ့အကြိုက်တစ်ချို့က သင်အသက်ကြီးပိုင်းရောက်တဲ့အခါ သင်ကြိုက်ချင်မှကြိုက်တော့မှာပါ။ အဲဒါက လူငယ်နဲ့လူကြီးကြားက ခြားနားချက်ပါပဲ။ အဲဒီ့ခြားနားချက်ကို နားလည်မှုနဲ့ပဲ ဖြေရှင်းနိုင်ပါတယ်။
နိုင်ငံခြားသွားပြီးအလုပ်လုပ်လ ျှင် ကြုံတွေ့ရမည့်အခက်အခဲနှင့်အတွေ့အကြုံများ
နိုင်ငံရပ်ခြားကိုသွားပြီးအလုပ်လုပ်တာပဲဖြစ်ဖြစ်၊ ကျောင်းတက်ရတာပဲဖြစ်ဖြစ်၊ ကိုယ့်ရဲ့မိဘအသိုင်းအဝန်း၊ ကိုယ့်လူမျိုးအသိုင်းအဝန်းကနေ ခွဲခွာရတာပါပဲ။ အဲဒီ့အခါမှာအခက်အခဲတွေဖြစ်လာနိုင်ပါတယ်။ အထူးသဖြင့် အဓိကကြုံလာရမယ့်အခက်အခဲတွေကိုပြောပြပေးချင်ပါတယ်။ အဲဒီမှာမထင်ထားတဲ့ပြဿနာတွေလည်း ကြုံလာနိုင်တာမို့ ခန့်မှန်းနိုင်တဲ့ပြဿနာမျိုးတွေကျတော့ ကြိုတင်ပြင်ဆင်ထားနိုင်အောင် ဒီဆောင်းပါးလေးကိုဖော်ပြပေးလိုက်ပါတယ်နော်။
ကြိုးစားမှုနှင့်ပါတ်သက်သော မြန်မာရှေးစကားပုံများ
ရှေးမြန်မာစကားပုံတွေကို သိသလိုလို ရှိပေမယ့် သေချာမပျောက်မပျက်သိမ်းဆည်းလို့ရအောင် ကြိုးစားမှုနဲ့ပတ်သက်သော မြန်မာရှေးစကားပုံများကို ရွေးချယ်ကောက်နုတ်တင်ပြပေးလိုက်ပါတယ်နော်။ ၁) ကံသည်အလုပ်…..အလုပ်သည်ကံ ၂) ငုတ်မိသဲတိုင်….တက်နိုင်ဖျားရောက် ၃) လှေခွက်ချည်းကျန် အလံမလဲ ၄) ချွေးထွက်များမှ သွေးထွက်နည်းမည်။ ၅) နေရပ်လို နေပူကစောင့် ၆) နေပူတုန်း စပါးလှန်း ၇) ပွဲမဝင်ခင်….အပြင်ကကျင်းပ ၈) မိုးရွာတုန်း….ရေခံ ၉) ကြိုးစားက ဘုရားဖြစ် ၁၀) ခရုမှာလည်း အဆန်….လူမှာလည်းအကြံ ၁၁) ချွေတာစုဆောင်း…….သူဌေးလောင်း ၁၂) ဆင်စွယ်မှန် ပိုးမစား ၁၃) ဆေးစက်ကျရာ အရုပ်ထင် ၁၄) ဆန္ဒရှိက နည်းလမ်းရ ၁၅) တကယ်လုပ်ရင် အဟုတ်ဖြစ် ကိုယ်ကြိုးစားရင်း စိတ်ဓာတ်ကျစရာကြုံလာတဲ့အခါ ဒီစကားပုံလေးတွေကို သတိတရနဲ့ရွတ်ဖတ်ကြည့်လိုက်တာနဲ့တင် အားပြည့်သွားလိုခံစားရပါလိမ့်မယ်နော်။ #BAWA101
အသည်းကျန်းမာရေးအတွက် အထောက်အကူပြုသောအစားအစာများ
သင့်ခန္ဓာကိုယ်အတွက် လုပ်ဆောင်ချက်ပေါင်း ၅၀၀ကျော်ကို ဆောင်ရွက်ပေးနေတဲ့ သင့်အသည်းက သင့်အတွက် အကြီးမားဆုံးကိုယ်တွင်းအဂါၤတစ်ခုပါပဲ။ အဲဒါကြောင့် သင့်အသည်းကျန်းမာဖို့ မှန်ကန်တဲ့အစားစာတွေကို စားသုံးခြင်းဖြင့် ထိန်းသိမ်းဖို့ အရမ်းကိုအရေးကြီးပါတယ်။ အခုဖော်ပြပေးထားတဲ့အစားအစာတွေကတော့ သင့်အသည်းရဲ့လုပ်ဆောင်ချက်တွေကို အကောင်းဆုံးဖြစ်အောင် ထိန်းသိမ်းပေးနိုင်မယ့်အစားအစာတွေပဲဖြစ်ပါတယ်။
နောက်ကြောင်းမရှင်းတဲ့သူကိုချစ်မိတဲ့အခါ……
လူရယ်လို့ဖြစ်လာရင် အချစ်နဲ့မကင်းနိုင်ကြပါဘူး။ ပေါင်းဖက်ရတာ၊ မပေါင်းဖက်ရတာထက် ချစ်မိတာက အရင်ပါ။ အချစ်မှာ မျက်စိမရှိဘူးလို့လည်း ပြောတတ်ကြပါသေးတယ်။ ဆိုလိုချင်တာက လှတာမလှတာ၊ ချမ်းသာတာမချမ်းသာတာ၊ ကောင်းတာဆိုးတာ စသည်ဖြင့် မပိုင်းခြားနိုင်တော့ဘဲ ချစ်မိသွားတတ်တာကို အချစ်မှာ မျက်စိမရှိဘူးလို့ပြောကြတာပါ။ အချစ်မှာမရှိပေမယ့် ချစ်မိသွားတဲ့အချစ်ကို ဆက်ချစ်သင့်၊ မချစ်သင့်ဆိုတဲ့ အသိဉာဏ်မျက်စိတော့ ရှိဖို့လိုတယ်လို့ ထင်ပါတယ်။ အဲဒါမှ လူတစ်ယောက်မှာ ရှိသင့်တဲ့ ကျင့်ဝတ်တွေ၊ မဖောက်ဖြားသင့်တဲ့ ကိုယ့်ကျင့်သိက္ခာတွေကို ထိန်းသိမ်းနိုင်စွမ်းရှိမှာပါ။ တစ်ချို့တွေက ရူးရူးမိုက်မိုက်ဆိုတဲ့စကားလုံးကို ဒီနေရာမှာ သုံးတတ်ပါတယ်။ တကယ်တော့ အချစ်ဆိုတဲ့အရာအပေါ်မှာ ရူးရူးမိုက်မိုက်ဖြစ်ခြင်းဟာ မကောင်းတဲ့ဆိုးကျိုးတွေကိုပဲ အဖြစ်များလာစေတာပါ။
ငယ်ငယ်တုန်းက ကျောင်းစာအုပ်ထဲမှာ ဖတ်ခဲ့ဖူးတဲ့ ဆယ့်နှစ်လရာသီပွဲတော်များကို ပြန်လည်ဖော်ပြပေးချင်ပါတယ်။ မြန်မာနိုင်ငံရဲ့ ဆယ်နှစ်လရာသီပွဲတော်များကို ပြန်လည်ဖတ်ရှုခြင်းဖြင့် ငယ်ဘဝကိုလည်း ပြန်လည်အမှတ်ရစေနိုင်သလို မေ့နေတဲ့ပွဲတော်လေးတွေရှိရင်လည်း ပြန်လည်မှတ်မိသွားစေလိုတဲ့ ရည်ရွယ်ချက်နဲ့ဖော်ပြပေးလိုက်ပါတယ်နော်။ ၁) တန်ခူးလ သြင်္ကန်ပွဲ ၂) ကဆုန်လ ညောင်ရေသွန်းပွဲ ၃) နယုန်လ စာပြန်ပွဲ ၄) ဝါဆိုလ ဝါဆိုပွဲ (ပဉ္စင်းတော်ခံပွဲ) ၅) ဝါခေါင်လ စာရေးတံမဲပွဲ ၆) တော်သလင်းလ လှေပြိုင်ပွဲ ၇) သီတင်းကျွတ်လ မီးထွန်းပွဲ ၈) တန်ဆောင်မုန်းလ ကထိန်ပွဲ ၉) နတ်တော်လ စာဆိုတော်ပွဲ ၁၀) ပြာသိုလ မြင်းခင်းပွဲ ၁၁) တပို့တွဲလ ထမနဲပွဲ ၁၂) တပေါင်းလ သဲပုံစေတီပွဲ အားလုံးပဲကိုယ့်လူမျိုးတို့ရဲ့ ရိုးရာထုံးလမ်းဓလေ့ပွဲတော်များကို ပျော်ရွှင်စွာချစ်ရသောသူတွေနဲ့ ဖြတ်သန်းနိုင်ပါစေလို့လည်းဆုတောင်းပေးလိုက်ပါတယ်။
ကမ္ဘာပေါ်မှာ အကောင်းဆုံးခံစားချက်တစ်ခုကတော့ ဟက်ဟက်ပက်ပက်ရယ်မောခြင်းပါပဲ။ အဲဒါက လူတွေကိုအံ့သြဖွယ်ကောင်းလောက်အောင် တစ်ဦးနဲ့တစ်ဦးဆက်ဆံရေးခိုင်မာစေပါတယ်။ တခစ်ခစ်ရယ်မောခြင်းကနေ ဟက်ဟက်ပက်ပက်ရယ်မောခြင်းက အရာအားလုံးကိုပြောင်းလဲပစ်နိုင်ပါတယ်။ တိတ်ဆိတ်ခြောက်ကပ်နေတဲ့အခန်းထဲမှာ ရယ်မောလိုက်တဲ့အခါ နွေးထွေးပြီး နှစ်လိုဖွယ်ကောင်းတဲ့ပတ်ဝန်းကျင်အဖြစ်ကို ပြောင်းလဲသွားစေနိုင်ပါတယ်။ ရယ်မောခြင်းက လူမှုဆက်ဆံရေးအတွက် လိုအပ်သလို၊ ကျန်းမာရေးနဲ့ပတ်သက်ပြီး ကောင်းကျိုးတွေလည်း ရှိပါသေးတယ်။ အားလုံးပဲ ရယ်မောခြင်းနဲ့ပတ်သက်တဲ့ ကျန်းမာရေးကောင်းကျိုးတွေကို ဖတ်ကြည့်လိုက်ပါအုံး။
ကိုယ့်ကိုဝေဖန်သူတွေကို ဘယ်လိုရင်ဆိုင်မလဲ
လူတိုင်းဝေဖန်ခံရဖူးမှာပါ။ ကိုယ့်ကိုအကောင်းပြောတာရှိသလို၊ အဆိုးပြောလာတာလည်း ကြုံရမှာပါပဲ။ အကောင်းပြောတာ ဘာမှမဖြစ်ပေမယ့် အဆိုးပြောလာတဲ့အခါ ကိုယ့်မှာ ထိုအကြောင်းအရာတစ်ခုတည်းကိုတွေးပြီး တနုံနုံခံစားနေရတာမျိုး ကြုံဖူးမှာပါနော်။ အဲဒီ့လို ဝေဖန်မှုတွေကို ကြုံလာရတဲ့အခါ ဘယ်လို ပြန်တုံ့ပြန်လေ့ရှိသလဲ။ ဒါမှမဟုတ် ဘာမှပြန်မတုံ့ပြန်လိုက်ရဘဲ စိတ်ထဲမှာတင် တအုံနွေးနွေးနဲ့ ဖိစီးနေသလား။ အဲဒီ့အကြောင်းတွေချည်းတွေးပြီး အလုပ်ပျက်အကိုင်ပျက်ဖြစ်လောက်အောင် အဲဒါကိုပဲလိုက်ခံစားမိနေသလား။ ဒါဆိုရင်တော့ သင့်အတွက်မကောင်းတော့ပါဘူးနော်။ အဲဒါကြောင့် ဒီဆောင်းပါးလေးကို ရေးသားဖော်ပြပေးလိုက်ရပါတယ်။
ခေါင်းကိုက်ခြင်းကို သက်သာစေနိုင်သည့်နည်းလမ်း ၁၀ချက်
ခေါင်းကိုက်ခြင်းကို လူတိုင်းလိုလိုခံစားဖူးကြမှာပါ။ ခေါင်းကိုက်ခြင်းက စိတ်ဖိစီးမှုများခြင်း၊ ပင်ပန်းခြင်း တို့နဲ့လည်း ဆက်စပ်နေတတ်ပါတယ်။ တစ်ချို့ကတော့လည်း ရောဂါကြောင့် ခေါင်းကိုက်တာမျိုးလည်းဖြစ်တတ်ပါတယ်။ ဘယ်လိုဖြစ်ဖြစ် ခေါင်းကိုက်တဲ့အခါ အလွန်ခံစားရခက်ပါတယ်။ အဲဒါကြောင့် ခေါင်းကိုက်ခြင်းကိုခံစားရသက်သာစေမယ့် နည်းလမ်းတစ်ချို့ကိုဖော်ပြပေးလိုက်ပါတယ်နော်။
ပျော်ရွှင်မှုဆိုတာ လူတိုင်းအတွက်လိုအပ်ပါတယ်နော်။ ဒါပေမယ့် စိတ်ညစ်နေချိန်၊ အားငယ်နေချိန်၊ ဝမ်းနည်းနေချိန်မျိုးမှာ ထိုခံစားချက်တွေထဲမှာပဲ နစ်ဝင်မနေသင့်ဘဲ ဘယ်လိုပျော်ရွှင်အောင်လုပ်မလဲ၊ ထိုဆိုးရွားတဲ့ခံစားချက်တွေကနေ ဘယ်လိုရုန်းထွက်လို့ရမလဲဆိုတဲ့နည်းလမ်းတွေကို တမင်လိုက်ရှာကြည့်တာက ပိုကောင်းပါတယ်။ အဲဒါမှလည်း ထိုခံစားချက်တွေထဲက သင်ရုန်းထွက်နိုင်မှာလေ။ အက်မင်ကတော့ အရမ်းစိတ်ညစ်စရာကြုံလာရင် ရယ်စရာရှာဖွေပြီး ရှာကြံရယ်မောရအောင်ကြိုးစားတယ်။ ကိုယ့်ကိုကိုယ်အားပြန်ပေးတဲ့သီချင်းမျိုးတွေ နားထောင်တယ်။ အခြားသောသူများအတွက် ပျော်ရွှင်အောင်လုပ်နိုင်မယ့်အချက်လေးတွေကိုလည်း pinterest ထဲကနေရှာဖွေဖော်ပြပေးလိုက်ပါတယ်။
လူတိုင်းကျေနပ်အောင် ကြိုးစားနေသင့်သလား
လူတိုင်းကျေနပ်အောင် ကြိုးစားသင့်သလားဆိုတာက ကိုယ့်ရဲ့အချိန်တွေတော်တော်များများကို သူများအတွက်အချိန်ပေးပြီး “သူများက ကိုယ့်ကိုဘယ်လိုထင်မလဲ…..၊” “ သူများ ကျေနပ်ပါ့မလား…..” “သူများက စိတ်ဆိုးနေပြီလား…..” စသည်ဖြင့် ကိုယ့်ရဲ့တစ်နေ့တာလုပ်ငန်းစဉ်တွေလုပ်နေရင်းနဲ့ သူများအတွက်စဉ်းစားပေးနေတာ၊ သူများအတွက် ကိုယ့်ရဲ့ကိုယ်ပိုင်အချိန်တွေကိုတောင်ဖဲ့ပြီး ကျေနပ်အောင်လုပ်ပေးမိနေတာမျိုးပါ။ အဲဒီ့အခါ ကိုယ့်အတွက်တောင်ကိုယ်အာရုံမရှိတော့ဘဲ၊ သူများအတွက်သာစဉ်းစားရင်း ကိုယ့်ကိုကိုယ်တောင် မသိမသာထိခိုက်လာတတ်ပါတယ်။
ကိုယ်မထိန်းချုပ်နိုင်တဲ့အရာတွေပေါ်မှာ ပူဆွေးနေခြင်းက မှန်ရဲ့လား
ဒီလောကမှာ ကျွန်တော်တို့ မထိန်းချုပ်နိုင်တဲ့ အရာတွေ အများကြီးရှိပါတယ်။ ဥပမာ၊ ကံတရား၊ အချိန်၊ ကိုယ့်ရဲ့အထက် လူကြီး၊ ဆွေမျိုး၊ အသိုင်းအဝန်း၊ ပတ်ဝန်းကျင် စသည်ဖြင့် အများကြီးပါပဲ။ ကိုယ်က သူတို့ကို သွားပြုပြင်ပေးလို့မရတာမျိုးပေါ့။ ဥပမာ။ ကုန်ဈေးနှုန်းတွေတက်လာတာမျိုးကို စိတ်ထိုင်ညစ်နေလို့ အလကားပါပဲ။ အဲလိုပါပဲ…..အကောင်းဘက်ကလှည့်တွေးလိုက်မယ်ဆိုရင် ကိုယ်ထိန်းချုပ်နိုင်တဲ့အရာတွေပေါ်မှာသာ ပိုပြီး အာရုံစိုက်လိုက်ပါ။ အဲဒါက သင့်အတွက်ပိုပြီးကောင်းသလို၊ သင့်ဘဝလည်း ပိုပြီးတိုးတက်လာပါလိမ့်မယ်။
စွမ်းရည် ကျန်းမာရေး ပျော်ရွှင်သောဘဝ လူနေမှုဘဝ စိတ်ဓာတ်ခွန်အား