ကလေးကိုအချိန်ပေးခြင်းရဲ့ကောင်းကျိုးများ
ကလေးကိုအချိန်ပေးခြင်းက ကလေးလိုချင်တဲ့ရုပ်ဝတ္ထုပစ္စည်းတွေဝယ်ပေးခြင်းထက်စာရင် အများကြီးအကျိုးရှိနိုင်ပါတယ်။ ကလေးအတွက် ကလေးလိုချင်တာရော၊ မလိုချင်တာရော အရုပ်တွေ, မုန့်တွေ၊ ကစားစရာတွေ အားလုံးကိုဝယ်ပေးလိုက်ရုံနဲ့ ကလေးကိုချစ်ခင်ပြခြင်းမပြီးပြည့်စုံနိုင်ပါဘူး။ ကလေးကိုတကယ်ချစ်တယ်ဆိုရင် ကလေးရဲ့စိတ်ခံစားချက်ကိုနားလည်နိုင်အောင်ကြိုးစားပါ, ကလေးနဲ့အတူ ဆော့ကစားပါ၊ စာဖတ်ပြပါ၊ ကလေးကိုအချိန်ပေးခြင်းတွေကသာ ကလေးကို အမှန်တကယ်ချစ်ခင်ရာကျမှာပါ။
ပိုကောင်းတဲ့ဘဝတစ်ခုဖြစ်လာအောင်ကြိုးစားပြီး နာကျင်စရာကောင်းတဲ့မှတ်ဉာဏ်တွေကို အနိုင်ယူလိုက်ပါ။
ပိုကောင်းတဲ့ဘဝတစ်ခုဖြစ်လာအောင် ကြိုးစားခြင်းက သင့်ရဲ့နာကျင်မှုတွေကို ကုစားနိုင်တယ်ဆိုရင် ယုံမလား။ သင့်ရဲ့အောင်မြင်မှုတွေဟာ သင့်ရဲ့ဘဝတစ်ခုလုံးကို နေပျော်လာနိုင်စေတာမို့ တကယ်လုပ်ကြည့်လိုက်ပါနော်။ အောင်မြင်မှုဆိုတဲ့နေရာမှာ ကျိကျိတက်ချမ်းသာမှ၊ ငွေတွေသုံးမကုန်ဖြုန်းမကုန်အောင်ရှိမှ၊ ကားအကောင်းစားနဲ့ အိမ်တွေအများကြီးပိုင်ဆိုင်မှဆိုတာမျိုးကဲ့သို့ ရုပ်ဝတ္ထုပိုင်ဆိုင်မှုမျိုးကို ပြောချင်တာမဟုတ်ပါဘူး။ သင့်ကိုယ်သင် ယုံကြည်မှုတိုးလာစေပြီး သင်ရည်မှန်းထားတဲ့အရာတွေအပေါ်မှာ ဖြစ်မြောက်အောင်၊ အောင်မြင်အောင်ကြိုးစားနိုင်လာတဲ့စိတ်ကို ပြောချင်တာပါ။
Covid ကာလအတွင်း ကိုယ့်အတွက် အကျိုးရှိမယ့်အရာတစ်ခုခု ကြိုးစားသင်ယူဖြစ်ခဲ့လား ?
Covid ကာလအတွင်း ကိုယ့်အတွက် အကျိုးရှိမယ့်အရာတစ်ခုခု ကြိုးစားသင်ယူဖြစ်ခဲ့လား ? ဘာတွေလုပ်ဖြစ်ခဲ့လဲ မျှဝေကြရအောင်နော်❤
တကယ်တော့ ပေးဆပ်တယ်ဆိုတဲ့နေရာမှာ တချို့တွေက ဘာမှပြန်မလိုချင်ပါဘူးလို့ပြောတတ်ကြပါတယ်။ အမှန်ပါပဲ.....ဘာကို ပြန်ရမလဲ...ဆိုတဲ့မျှော်လင့်ချက်နဲ့ပေးဆပ်ရတာက ပင်ပန်းပါတယ်။ ဘာကိုမှ ပြန်မလိုချင်ဘဲ ပေးဆပ်လိုက်တာ အကောင်းဆုံးပါပဲ။ ဒါပေမယ့် သင်ဘယ်လောက်ပေးဆပ်ပါစေ......မသိတတ်တဲ့၊ အသိအမှတ်မပြုတတ်တဲ့လူတန်းစားတစ်ရပ်လည်းရှိပါသေးတယ်ဆိုတာ မမေ့လိုက်ပါနဲ့အုံး။ အဲဒီလိုလူမျိုးတွေကို သင်က ဘာမှမလိုချင်ပါဘူးဆိုပြီး ပေးဆပ်လိုက်ပေမယ့်လည်း သင့်ထံက ရသမျှသာ ယူသွားပြီး ရလေလိုလေ အိုတစ္ဆေဆိုတဲ့ပုံစံမျိုးနဲ့ထပ်ပြီးတော့တောင် သင့်ကို ဒုက္ခပေးနိုင်ပါသေးတယ်။ ဘယ်နေရာမှာ မဆို အစွန်းရောက်တယ်ဆိုတာ မကောင်းနိုင်ပါဘူး။ အခုလို လူတစ်ယောက်လုံးကို ပေးဆပ်တယ်ဆိုတဲ့ကိစ္စမှာလည်း အလားတူပါပဲ။
သင်ခက်ခဲစွာ သင်ယူရမယ့် လူတွေအကြောင်း
ဘဝမှာ ရှင်သန်ရတဲ့အခါ လူတွေဆီကနေပဲ သင်ခန်းစာတွေအများကြီးပြန်သင်ယူရပါတယ်။ သင်ယူတတ်ရင်တတ်သလို သင်ခန်းစာများစွာကို ကိုယ်တိုင်သင်ယူလိုက်၊ အခြားသူတွေမှားခဲ့ဖူးတာတွေကိုသင်ယူလိုက်၊ ကိုယ်ပေါင်းသင်းဆက်ဆံ၇တဲ့ပတ်ဝန်းကျင်ကလူတွေကို ကြည့်ပြီးသင်ယူရင်းနဲ့ပဲ ရင့်ကျက်လာရတာဖြစ်ပါတယ်။ အဲဒါကြောင့် လူတွေဆီကနေ ရတဲ့သင်ခန်းစာတွေအကြောင်းဖော်ပြပေးလိုက်ပါတယ်နော်။
Super Sunday အားလပ်ချိန်မှာ ဘာတွေလုပ်မလဲ။
Super Sunday မှာဘာတွေလုပ်ဖြစ်ကြလဲ။ ခုလိုအချိန်မှာ အပြင်လည်းလျှောက်သွားလို့အဆင်မပြေဘူးဆိုတော့ကာ တစ်ယောက်တည်းအဆင်ပြေသလို အပန်းဖြေပါ။ တစ်ပတ်လုံး အားကြိုးမာန်တက်နဲ့ ရုန်းကန်ရတာမို့ ကိုယ့်ကိုယ်ကိုယ်ဒီတစ်ရက်တော့ အချိန်ပေးအပန်းဖြေဖို့ တိုက်တွန်းလိုက်ပါတယ်။ အဓိကက ကိုယ့်ရဲ့စိတ်ကို relax ဖြစ်စေတဲ့အရာတွေကို ကိုယ်တိုင်သိပြီးနားလည်ရင် ကိုယ့်ကိုယ်ကိုယ်အချိန်ပေးတတ်သွားပါပြီ။ အောက်မှာဖော်ပြထားတဲ့အချက်တွေဆို အင်မတန်ရိုးရှင်းပေမယ့် စိတ်ကို relax ဖြစ်စေပါတယ်။ ငွေကုန်ကြေးကျလည်းမများပါဘူး။ ကိုယ်တိုင်ကိုယ့်ကိုယ်ကိုယ်ဘယ်လိုနည်းလမ်းတွေနဲ့ relax လုပ်ဖြစ်လဲဆိုတာလေး အခြားသူတွေသိအောင် မျှဝေသွားပါအုံးနော်။
သင့်ဘဝအတွက် အကြီးကျယ်ဆုံးနောင်တရလာနိုင်သော အမှားများ
သင့်ဘဝမှာ အကြီးကျယ်ဆုံးနောင်တရလာနိုင်သောအမှားတွေရှိနိုင်ပါတယ်။ လုံးဝပြန်သွားပြီး မပြင်နိုင်တဲ့အမှားမျိုးတွေပေါ့။ တချို့တွေကတော့ တော်တော်များများပြောတတ်ပါတယ်။ အမှားဆိုတာ အမှားမှန်းသိရင် ပြင်လို့ရတယ်လို့ပေါ့။ တကယ်တမ်းတော့ ဘဝတစ်လျှောက်လုံးရှင်သန်ရသမျှမှာ လုံးဝပြန်ပြင်မရတဲ့အမှားတွေရှိပါတယ်။ တချို့အမှားတွေက အမှားမှန်းသိတာနဲ့ ချက်ချင်းပြုပြင်ဖို့ မလွယ်ကူတာမျိုး၊ အခြေအနေအကြောင်းအကြောင့် မှားမှန်းသိနေပေမယ့် မပြုပြင်နိုင်တာမျိုးတွေ ကြုံနေရတဲ့လူတွေအများကြီးပါပဲ
ဘဝအတွက် အကောင်းဆုံးအကြံပေးချက်များ
ဘဝမှာ မဖြစ်မနေ သတိလေးထားပြီး လုပ်သင့်တဲ့အကြံပေးချက်တွေကို လိုက်နာထားသင့်ပါတယ်။ အဲဒါမှသာ ပြုပြင်မရတဲ့အမှားမျိုးကို မလုပ်မိစေဖို့ သတိထားနိုင်မှာဖြစ်ပါတယ်။ အဲဒီ့လို အကောင်းဆုံးအကြံပေးချက်တွေထဲက အချို့သောအချက်တွေကို ကောက်နုတ်ဖော်ပြလိုက်ပါတယ်။
“အဆိုးဆုံးကို ကြိုတွေးပြီး အကောင်းဆုံးကိုပြင်ဆင်ထားပါ” ဆိုတဲ့စကားကို ကြားဖူးကြမယ်ထင်ပါတယ်။ လူတစ်ချို့ကတော့ အဆိုးဆုံးကို ကြိုတွေးပြီး တဖွဖွပြောနေတတ်တာမျိုးကို မကြိုက်တတ်ကြပါဘူး။ နမိတ်မရှိဘူးလို့လည်း ယူဆတတ်ကြပါသေးတယ်။ တကယ်တော့ ဒီစကားပုံက အမြဲတမ်းအဆိုးတွေကိုချည်းတွေးနေခိုင်းတာမဟုတ်ပါဘူး။ အဆိုးတွေကြားထဲမှာပဲ အတွေးပေါင်းစုံနဲ့ ပိတ်မိနေပြီး အဆိုးကို တသသ ခံစားရင်း Drama ချိုးပြီး အချိန်ပြည့်ဝမ်းနည်းနေခိုင်းတာမျိုးလည်း မဟုတ်ပါဘူးနော်။ ဘယ်လိုနေရာမှာမဆို အစွန်းရောက်တာကတော့ မကောင်းနိုင်ပါဘူး။ ဒုက္ခမလာခင် ဒုက္ခကို ကြိုမြင်ယောင်ပြီး ထိုင်ပူဆွေးနေခိုင်းတာမျိုးမဟုတ်ပါဘူးနော်။
သင့်ဘဝပိုပြီးပျော်ရွှင်စရာကောင်းစေဖို့ လုပ်သင့်တဲ့အချက်များ
တခါတလေ တချို့အရာတွေက အရမ်းရိုးရှင်းပြီး ကိုယ့်အတွက် စစ်မှန်တဲ့ပျော်ရွှင်မှုမျိုးရရှိနိုင်ပေမယ့် သတိမမူမိတာရှိပါတယ်။ တကယ်တမ်းက ပျော်ရွှင်မှုဟာ ငွေနဲ့ဝယ်စရာမလိုဘဲ ကိုယ့်အပေါ်မူတည်နေတာပဲဖြစ်ပါတယ်။ ငွေမလိုတဲ့ဘယ်လိုပျော်ရွှင်မှုရအောင်လုပ်မလဲဆိုတာလေးဖတ်ကြည့်လိုက်ပါအုံး။
သင့်ရဲ့စွမ်းအင်တွေကို ကျဆင်းစေတဲ့ နေ့စဥ်အပြုအမူများ
သင့်ရဲ့စွမ်းအင်ကို ကျဆင်းစေတဲ့ နေ့စဥ်အပြုအမူများကြောင့် သင်မထင်မှတ်ထားဘဲ သင့်ကိုသင်စွမ်းအင်ဆုတ်ယုတ်အောင်လုပ်မိနေသလိုဖြစ်နေတတ်ပါတယ်။ အဲဒီလိုပြုမူနေတတ်တဲ့ အပြုအမူတွေကို သတိထားမိတဲ့အခါမှာ သင့်ကိုယ်သင် ပြန်လည်သတိထားပြုပြင်နိုင်စေဖို့ ဖော်ပြပေးလိုက်ပါတယ်။
ဘဝမှာ ဒုက္ခဆိုတာ ကြုံဖူးမှ လူပီသမှာဆိုတဲ့စကားကို ထောက်ခံပါသလား။ သင်ကသာမသိလို့ပါ၊ လူတိုင်းက ဒုက္ခတစ်မျိုးမဟုတ်တစ်မျိုးတော့ ရင်ဆိုင်နေကြတဲ့လူတွေချည်းပါပဲ။ သင့်ထက်အများကြီး အဆင်ပြေနေတယ်လို့ထင်ရတဲ့လူကလည်း သူ့အတိုင်းအထွာနဲ့သူ အကြပ်အတည်းရှိနေကြတာပါပဲ။ ဒုက္ခရယ်ကြုံရပြန်တာပါပဲ။ အဲဒါကြောင့် ငါမှာမှ ဒုက္ခတွေများလှချည်ရဲလို့တွေးမိနေရင် “လူတိုင်းမတူညီတဲ့ ဒုက္ခကိုရင်ဆိုင်နေကြတာချည်းပဲလို့ဖြေတွေးလိုက်ပါနော်။