အဝေးတွင်သွားရောက်ပညာသင်ကြားမည့်သားသမီးများအတွက် မိဘများဘာတွေပြင်ဆင်ထားသင့်သလဲ။
အဝေးမှာ သွားရောက်ပညာသင်ကြားရတယ်ဆိုတာ သားသမီးတွေအတွက်ကော မိဘတွေအတွက်ကော လွယ်ကူတဲ့ကိစ္စတော့မဟုတ်ပါဘူး။ မိဘလုပ်သူများမှာလည်း “ငါ့သားသမီး အဆင်ပြေပါ့မလား…..” “ငါ့သားသမီး ဘာတွေဖြစ်နေပြီလဲ….” “အပေါင်းအသင်းများမှားနေလား…” “စာကောကြည့်ဖြစ်ရဲ့လား…..ကျန်းမာရေးကော ဂရုစိုက်ရဲ့လား” စသည်ဖြင့် တွေးစရာတွေနဲ့ ပူပင်စရာတွေအများကြီးပါပဲ။ သားသမီးလုပ်သူများမှာလည်း နေရာအသစ်၊ ဝန်းကျင်အသစ်နဲ့ အဆင်ပြေပါ့မလား။ ကျောင်းမှာကော အဆင်ပြေပါ့မလား….စတဲ့ ပူပန်မှုတွေတော့အနည်းနဲ့အများရှိကြတာချည်းပါပဲ။ အဲဒါကြောင့် အဝေးမှာ ပညာသွားသင်ရမယ့် သားသမီးတွေအတွက် မိဘတွေအနေနဲ့ စိတ်မပူရအောင် ကြိုတင်ပြင်ဆင်ပေးသင့်တာလေးတွေ ဖော်ပြပေးလိုက်ပါတယ်။
အိမ်ထောင်ဦးစီးကောင်းတစ်ယောက်က မိသားစုဘဝမှာ ဘယ်လောက်အရေးပါသလဲ
အိမ်ထောင်ဦးစီးဆိုတဲ့စကားလုံးက လေးလုံးထဲပေမယ့် အဓိပ္ပါယ်ရော၊ တာဝန်ရော က တော်တော်လေးနက်ပြီး တော်တော်တာဝန်ကြီးပါတယ်။ အိမ်ထောင်တစ်ခုကို ဦးစီးရတယ်ဆိုကတည်းက ထိုဦးစီးမကောင်းရင်မကောင်းသလို ထိုအိမ်ထောင်ပျက်စီးနိုင်ပါသေးတယ်။ အဲဒါကြောင့် မိသားစုတစ်ခုလုံးရဲ့ပျော်ရွှင်ခြင်း၊ ဝမ်းနည်းခြင်း၊ တိုးတက်ခြင်း၊ ဆုတ်ယုတ်ခြင်း၊ ကောင်းခြင်း၊ ဆိုးခြင်း အားလုံးဟာ အိမ်ထောင်ဦးစီးဖြစ်သူပေါ်မှာ အများကြီးမူတည်နေပါတယ်။
မေ့တတ်သူတွေအတွက် မှတ်ထားသင့်သောနည်းလမ်းကောင်းများ
လူတိုင်းနီးပါး မေ့တတ်ကြမယ်ထင်ပါတယ်။ အက်မင်ကတော့ မကြာခဏမေ့တတ်ပါတယ်။ တစ်ခုခုဆို လက်ထဲမှာလေးတင် မေ့ပြီး ဘယ်နားထားမိမှန်းမသိတော့တာမျိုး၊ ခုလေးတင်ထားပြီးလိုက်တာကို လိုက်ရှာနေတတ်တာမျိုး စသည်ဖြင့် မေ့တတ်တာတော့အမှန်ပါပဲ။ အဲဒါကြောင့် မေ့တတ်တဲ့အခါ အထူးသတိထားပြီး မှတ်ထားလို့ ရမယ့် အချက်လေးတွေ ဖော်ပြပေးလိုက်ပါတယ်။
စာဖတ်သူတို့ မတော်သော ဖိနပ်ကို စီးဖူးပါသလား။ အက်မင်ကတော့ စီးဖူးပါတယ်၊ အမြင်အာရုံအရ အရမ်းကြိုက်လို့ “နည်းနည်းလေးမတော်လဲ ဘာဖြစ်သလဲ…..စီးလို့ရလောက်ပါတယ်….” လို့တွေးပြီး အတင်းမရမက စီးဖူးပါတယ်။ အစပိုင်းမှာတော့ ကိုယ်လိုချင်တာလေးရလို့ ကျေနပ်ပျော်ရွှင်ရသလောက်၊ ကြာလေလေ….ဖိနပ်ပေါက်တဲ့ဒဏ်ကို ဖိနပ်စီးတိုင်း နာကျင်ခံစားရပါများလာတော့ ထိုဖိနပ်ကိုလည်း စိတ်ကုန်လာပါတယ်။ အဲဒီတော့ ဘာလုပ်ပစ်မယ်ထင်ပါသလဲ။ ဆက်ပြီး နာကျင်မှုကို တစိမ့်စိမ့်ခံစားလို့ ရှေ့ဆက်စီးသွားမလား….။ ဒါမှမဟုတ် ချက်ချင်းအသစ်လဲလို့ ကိုယ်နဲ့အဆင်ပြေတဲ့ဖိနပ်ကို ပြောင်းလဲစီးမလား။
လက်ထပ်ပြီးပေမယ့် အမျိုးသမီးတွေ အပြင်ထွက် အလုပ်လုပ်ခြင်းရဲ့ကောင်းကျိုးများ
လက်ထပ်ပြီးသွားတဲ့တစ်ချို့အမျိုးသမီးတွေကတော့ ဘဝပေးအခြေအနေကြောင့် အပြင်ထွက်အလုပ်လုပ်ကြရပေမယ့် တစ်ချို့အမျိုးသမီးတွေကတော့ အပြင်ထွက်ပြီး အလုပ်မလုပ်ဖြစ်ကြတော့ပါဘူး။ လူတိုင်းမှာ မတူညီတဲ့အခြေအနေတွေရှိတာမို့ အလုပ်လုပ်သူကော၊ အလုပ်မလုပ်သူကော အားလုံးက သူ့အခြေအနေနဲ့သူပါပဲ။ တစ်ချို့အလုပ်လုပ်သူတွေက အိမ်မှာနေရသူတွေကို အားကျတတ်သလို၊ တစ်ချို့အိမ်မှာနေရသူတွေကလည်း အပြင်ထွက်အလုပ်လုပ်သူတွေကို အားကျတတ်ပါတယ်။ ဒါပေမယ့် အမျိုးသမီးတစ်ယောက်သည် အိမ်ထောင်ကျပြီးနောက်လည်း အပြင်ထွက်ပြီး အလုပ်သင့်တယ်လို့ အက်မင်က ထင်ပါတယ်။
အဓိပ္ပါယ်မရှိဘူးဟုခံစားနေရသော မိမိဘဝကို အဓိပ္ပါယ်ရှိအောင် ဘယ်လိုနေထိုင်မလဲ။
တစ်ခါလာလည်း စားဝတ်နေရေးအတွက် ရှင်သန်လိုက်၊ အဆင်မပြေတဲ့ဘဝကနေ အဆင်ပြေဖို့ ရုန်းကန်လိုက်၊ မနက်အလုပ်သွား ညနေ အလုပ်ပြန် ရတဲ့ဘဝက အရမ်းကို အဓိပ္ပါယ်မရှိသလို ခံစားနေရပြီဆိုရင် ဒီပုံလေးတွေ တစ်ပုံချင်း ကလစ်ထောက်ကြည့်သွားလိုက်ပါ။ တစ်ခုခုတော့ ရသွားပါလိမ့်မယ်။ #Bawa101
ဘဝမှာ နေနည်းမှန်ကန်စွာ မနေတတ်ရင်လည်း အမြဲပူဆွေးနေရတာမျိုး၊ သောကဖြစ်နေရတာမျိုး၊ ဒေါသတွေထွက်နေရတာမျိုးတွေနဲ့ ခံစားချက်ပေါင်းစုံဖြစ်နေပြီး သက်သာရာကို ရှာတွေ့နိုင်မှာမဟုတ်ပါဘူး။ အဲဒါကြောင့် ဘဝအတွက် သက်သာပေါ့ပါးစွာ နေထိုင်နိုင်မယ့် နည်းလမ်း ၇ချက်ကို ဖတ်ကြည့်လိုက်ပါ။
တကယ်တော့ အိမ်ရှင်မ ဘဝကို တော်တော်များများက အပြင်ထွက်ငွေရှာတဲ့ဘ၀ မဟုတ်လို့ တရားဝင်အလုပ်ထွက်လုပ်ပြီး ငွေဝင်တဲ့သူတစ်ယောက်အဖြစ် မသတ်မှတ်ကြတာများပါတယ်။ အိမ်ရှင်မဘဝရဲ့ တာဝန်ကြီးလေးပုံတွေ၊ အရေးပါပုံတွေကို တော်တန်ရုံဘယ်သူကမှ အလေးမထားတတ်ကြပါဘူး။
စိတ်ပုတ်သူတို့နဲ့ ရင်ဆိုင်ရလျှင် ဘယ်လိုလုပ်မလဲ။
လူအမျိုးမျိုး စိတ်အထွေထွေဆိုတာ သင်ကြားဖူးမှာပါ။ လူတွေရဲ့ စိတ်အခြေအနေပေါ်မူတည်ပြီး လူအမျိုးမျိုးရယ်လို့ ဖြစ်လာရတာပါ။ သင်ဘယ်လောက် အနိုင်ယူယူ အပြုံးမပျက်တုံ့ပြန်တဲ့သူမျိုးလား၊ သင်ကမှန်အောင်နေပါရက်နဲ့ သင့်ကိုမှ မဟုတ်တမ်းတရားတွေပြောပြီး စွပ်စွဲတတ်သူမျိုးလား၊ သင်အဆင်မပြေချိန်မှာတော့ သင့်ကိုအရမ်းသနားပြနေပြီး သင်တိုးတက်အောင်မြင်လာတော့ မနာလိုခြင်းတွေနဲ့အတူ သင့်ကို မုဒိတာမပွားနိုင်ဘဲ သင့်အနားက ဆုတ်ခွာသွားတဲ့သူမျိုးလား စသည်ဖြင့် လူတွေရဲ့စိတ်ထားပေါ်မူတည်ပြီး လူအမျိုးမျိုးရယ်လို့ဖြစ်လာရတာပါ။
အခြားသူများဆီက Respect လိုချင်လျှင်
ကျွန်တော်တို့ မြန်မာလူမျိုးတွေမှာ “အချင်းချင်း respect ရှိဖို့လိုတယ်…..” ဆိုတဲ့စကားက မကြာခဏကြားဖူးနေကျဖြစ်မှာပါ။အကြမ်းအားဖြင့် လူကြီးသူမတွေနဲ့ဖြစ်ဖြစ်၊ ကိုယ်ရဲ့အထက်လူကြီးနဲ့ဖြစ်ဖြစ်၊ ကိုယ့်ထက် အသက်အရွယ်အရ၊ ဝါအရ ကြီးတဲ့သူမျိုးဆိုရင် လေးစားစွာဆက်ဆံတတ်ရပါတယ်။အမှန်တော့ ရွယ်တူချင်းလည်း လေးစားမှုထားသင့်ပါတယ်။ ကိုယ်တိုင်က လေးစားသင့်တဲ့သူတွေကို လေးစားစွာဆက်ဆံတတ်သလိုပဲ၊ ကိုယ့်ကို အခြားသူတွေက ပြန်ပြီး လေးစားမှုထားတာမျိုးကို လူတိုင်းကလိုချင်တတ်ကြပါတယ်။ အဲဒါကြောင့် ကိုယ့်ကို အခြားသူများလေးစားအောင် ဘယ်လိုနေထိုင်သင့်သလဲဆိုတာလေးကို ဖော်ပြပေးချင်ပါတယ်။
ကျန်းမာရေးနှင့်ပါတ်သက်သောအရာများသည် ရှက်စရာမဟုတ်ပါ။
ကျန်းမာခြင်းသည် လာဘ်တစ်ပါးဆိုတဲ့စကားလိုပါပဲ ကျန်းမာမှသာ ကိုယ်သွားတိုင်းစိတ်ပါ၊ ကိုယ်လုပ်ချင်တာတွေကို လုပ်လို့ရမှာပါ။ မကျန်းမာရင်တော့ စိတ်ကသာ ရှိပေမယ့် ကိုယ်ကမလိုက်နိုင်ဘဲ ကိုယ့်ကိုကိုယ်အားမရဘဲ စိတ်တိုဒေါသထွက်ရတာ တစ်ဒုက္ခဖြစ်ရပြန်ပါတယ်။ ကျန်းမာရေးကိုလည်း ငွေနဲ့ဝယ်မရနိုင်ပါဘူးနော်။ အဲဒါကြောင့်ကျန်းမာခြင်းက လာဘ်တစ်ပါးလို့ပြောကြတာပါ။ ဒါပေမယ့် ကျန်းမာရေးက အရေးအင်မတန်ကြီးလှမှန်းသိကြပေမယ့် တစ်ခါတစ်လေကျတော့ မရှက်သင့်ဘဲ ရှက်တတ်ကြတဲ့မြန်မာလူမျိုးတွေမှာ မဖြစ်သင့်တာတွေလည်း ဖြစ်တတ်ကြပါတယ်။ ရှက်ရှက်နဲ့ဖုံးကွယ်ထားတတ်ကြလို့ အချိန်လွန်မှ သိပြီး အသက်ရှုံးဆုံးကြတာမျိုးတွေတောင် ရှိပါတယ်။ အဲဒါကြောင့် ကျန်းမာရေးနဲ့ပတ်သက်လာရင် ရှက်စရာမဟုတ်ပါဘူးဆိုတဲ့အကြောင်း ဒီဆောင်းပါးလေးနဲ့ဖော်ပြလိုက်ရပါတယ်။
လောကကြီးမှာ လူရယ်လို့ဖြစ်လာရင် တစ်ယောက်နဲ့တစ်ယောက် စိတ်ဓါတ်တွေ၊ ခံယူချက်တွေ၊ အတွေးအခေါ်တွေ အမျိုးမျိုး ကိုယ်စီရှိတတ်ကြပါတယ်။ ပွင့်လင်းလာတဲ့ အခုခေတ်ကြီးမှာ ကိုယ့်ဘဝသည်ကိုယ်ပိုင်တာမို့ ကိုယ်ကြိုက်တာလုပ်ခွင့်ရှိတယ် ဆိုတဲ့ ခံယူချက်တွေ ရှိလာကြပါပြီ။ ထိုအတွေးအခေါ်ကလည်း အတိုင်းအတာ တစ်ခုထိ တကယ်ကောင်းတယ်လို့ ထင်ပါတယ်။