မိဘနဲ့သားသမီးကြား ဆက်ဆံရေးကို အဆင်မပြေစေသောအကြောင်းရင်းများ
မိဘနဲ့သားသမီးကို အဆင်မပြေစေတဲ့အကြောင်းရင်းတွေကတော့ အများကြီးပါပဲ။ ဒါပေမယ့် ညှိုနှိုင်းပြီး အပြန်အလှန်ဆွေးနွေးကြရင် အဆင်ပြေနိုင်ပါတယ်။ ခက်တာက အဆင်မပြေတဲ့မိသားစုတော်တော်များများက ညှိုနှိုင်းလို့မရတာပဲဖြစ်ပါတယ်။ အမှန်တော့ သားသမီးကလည်း သားသမီးအလျောက် ထိန်းသိမ်းသင့်တာကိုထိန်းသိမ်းပြီး မိဘစကားလိုက်နာသင့်တာကိုလိုက်နာ၊ မိဘကလည်း မိဘဆိုပြီး တစ်ဖက်စောင်းနင်းမလုပ်ဘဲ သားသမီးကိုနားလည်ပေးသင့်တာကိုနားလည်ပေးမယ်ဆိုရင် အဆင်ပြေကြမှာပါ။ အဲဒါကြောင့် ဘယ်လိုဆက်ဆံမှုမျိုးတွေက မိဘနဲ့သားသမီးကြားအဆင်မပြေစေသလဲဆိုတာဖတ်ကြည့်ပြီး ဆင်ခြင်နိုင်အောင် ဖော်ပြပေးလိုက်ပါတယ်။မိဘနဲ့သားသမီးကြား ဆက်ဆံရေးကို အဆင်မပြေစေသောအကြောင်းရင်းများ
ကလေးကိုအမှီအခိုကင်းစွာ ရှင်သန်နိုင်အောင် ပျိုးထောင်ပေးပါ။
ကလေးတစ်ယောက်ကို ပြုစုပျိုးထောင်ရခြင်းက အင်မတန်လေးနက်ပြီး တာဝန်ကြီးပါတယ်။ ကလေးတစ်ယောက်ရဲ့ ရုပ်ပိုင်းဆိုင်ရာကျန်းမာနေရုံနဲ့ ကလေးကိုပြုစုပျိုးထောင်ခြင်းတာဝန်က ပြည့်စုံတာမဟုတ်ပါဘူး။ အဲဒီလိုပါပဲ ကလေးရဲ့အငြိုအငြင်မခံရစေဘဲ လိုတရပုံစံမျိုးနဲ့ ကလေးလိုချင်တာ၊ ရလိုတာမှန်သမျှကို ဖြည့်ဆည်းပေးခြင်းက ကလေးအတွက် လတ်တလောမှာတော့ ခံစားချက်ကောင်းစေပေမယ့် ရေရှည်မှာတော့ လုံးဝမကောင်းနိုင်ပါဘူး။ ခဏတဖြုတ် ကလေးအငိုတိတ်မှာကို လိုချင်ရုံနဲ့တော့ ကလေးကို အရာအားလုံး အရိပ်တကြည့်ကြည့် အလိုမလိုက်သင့်ပါဘူး။
ကလေးအတွက် စံပြအဖြစ် မိဘတွေကိုယ်တိုင်နေထိုင်ပြုမူသင့်တဲ့အလေ့အကျင့်ကောင်းများ
ကျွန်တော်တို့မိသားစုတွေမှာ ဖြစ်ချင်တဲ့အရာတွေအများကြီးရှိမှာပါ။ ကျန်းမာရေးကောင်းဖို့၊ စိတ်ချမ်းသာဖို့၊ သစ္စာရှိဖို့ စသဖြင့်အများကြီးပါပဲ။ ကျွန်တော်တို့မိသားစုဝင်တွေအားလုံးမထိန်းချုပ်နိုင်တဲ့အရာတွေလည်း ရှိပါတယ်။ အရာအားလုံးကိုတော့ ကိုယ်ဖြစ်ချင်တဲ့အတိုင်းဖြစ်ခွင့်မရနိုင်ပါဘူး။ ဒါပေမယ့် ကျွန်တော်တို့မထိန်းချုပ်နိုင်တဲ့ကိစ္စကိုပဲ အာရုံစိုက်နေရင် အလကားအချိန်ကုန်စေပါတယ်။ အဲဒါကြောင့် ကျွန်တော်တို့ အိမ်မှာ ၊ ကျွန်တော်တို့မိသားစုတွေကိုယ်တိုင်ထိန်းချုပ်နိုင်တဲ့ကိစ္စတွေအပေါ်မှာသာ အာရုံစိုက်ခြင်းက ပိုအကျိုးရှိနိုင်ပါတယ်။ တကယ်က ပိုပြီးကျန်းမာရေးကောင်းစေဖို့၊ စိတ်ချမ်းသာစေဖို့၊ ကလေးတွေအကျင့်ကောင်းစေဖို့၊ အပြုအမူကောင်းတွေအလေ့အကျင့်ဖြစ်စေဖို့ဆိုတာက ကျွန်တော်တို့မိဘတွေကိုယ်တိုင် စံပြဖြစ်အောင် ပြုမူနေထိုင်ပြလိုက်လို့ ရပါတယ်။ ကလေးတွေကို ကျွန်တော်တို့ဖြစ်စေချင်တဲ့ပုံစံအတိုင်း ကျွန်တော်တို့ကိုယ်တိုင် နေထိုင်ပြုမူပြခြင်းအားဖြင့် ကလေးတွေလည်း ထိုပုံစံအတိုင်းအလေ့အကျင့်ဖြစ်လာစေနိုင်ပါတယ်။ ဘယ်လိုအပြုအမူကောင်းတွေကို စံပြဖြစ်အောင် နေထိုင်ပြသင့်သလဲဆိုတာ ဒီဆောင်းပါးလေးဖတ်ကြည့်လိုက်ပါနော်။
ပျော်ရွှင်တဲ့မိခင်တွေရဲ့လုပ်နေကျအကျင့် ၁၀မျိုး
ပျော်ရွှင်ခြင်းဆိုတာက အခြေအနေနဲ့အချိန်အခါအရဖြစ်ပေါ်တတ်တာလား။ တကယ်တော့ ပျော်ရွှင်မှုဆိုတာက ကိုယ့်စိတ်ထဲအဓိက ဖြစ်တည်နေတာလို့ အခါပေါင်းများစွာ ဖတ်ခဲ့ဖူးကြမှာပါ။ တဖက်ကကြည့်ရင် ကျွန်တော်တို့ရဲ့ရွေးချယ်မှု၊ ကျွန်တော်တို့ရဲ့အပြုအမူတွေက ကျွန်တော့်အတွက်ပျော်ရွှင်ခြင်း၊ မပျော်ရွှင်ခြင်းဆိုတာဖြစ်လာနိုင်ပါတယ်။ မိခင်တွေမှာတော့ ဖခင်တွေထက်ကို စိတ်ဖိစီးမှု၊ တာဝန်၊ အလုပ်၊ ငွေကြေး၊ သားသမီးအရေ စတဲ့ဖိစီးမှုတွေပိုများနေတတ်ပါတယ်။ အဲဒါကြောင့် ပျော်စရာကောင်းတဲ့မိခင်တွေမှာတွေ့ရလေ့ရှိတဲ့အကျင့် ၁၀မျိုးကို ဖော်ပြပေးလိုက်ပါတယ်။ တခါတလေမှာ ကြီးကျယ်တဲ့အရာတွေမဟုတ်ဘဲ ပြောင်းလဲမှုအသေးလေးတွေ လုပ်လိုက်ခြင်းကပဲ ပျော်ရွှင်မှုဆီဦးတည်သွားနိုင်ပါတယ်။ အောက်မှာ ဖော်ပြထားတဲ့ အကျင့် ၁၀မျိုးကိုဖတ်ကြည့်လိုက်ပါအုံး။
စွမ်းရည် ကျန်းမာရေး ကလေးပြုစုပျိုးထောင်ခြင်း ပျော်ရွှင်သောဘဝ စိတ်ဓာတ်ခွန်အား ကိုးကားစာများ
သင့်ကလေးကို အချိန်တိုင်းပြောမိနေတဲ့အခါ ကလေးစိတ်ထိခိုက်စေမယ့်စကား ၄ မျိုး
ကလေးငယ်တွေမှာ ထိလွယ်ရှလွယ်တဲ့ခံစားချက်မျိုးဖြစ်တတ်ပါတယ်။ တခါတလေမှာ ကျွန်တော်တို့တွေက အဲဒါကိုသိပေမယ့် လျစ်လျူရှုမိတတ်ကြပါတယ်။ အဲဒီလိုလျစ်လျူရှုမိရာကနေစပြီး ကလေးတွေရဲ့ဦးနှောက်ကနေတဆင့် ရုပ်ပိုင်းဆိုင်ရာသာမက စိတ်ပိုင်းဆိုင်ရာကိုပါထိခိုက်စေတော့တာပါပဲ။ ကလေးတွေရဲ့ဦးနှောက်ရဲ့ အရမ်းကို နူးညံ့လွန်းတယ်လို့ စိတ်ပိုင်းဆိုင်ရာပညာရှင်တွေက ပြောကြပါတယ်။ ကြမ်းတမ်းတဲ့စကားလုံးတွေကို မိဘအုပ်ထိန်းသူတွေက အသုံးပြုပြီး ကလေးကို ပြောဆိုတဲ့အခါ ကလေးရဲ့ဦးနှောက်မှတဆင့် စိတ်ပိုင်းဆိုင်ရာနဲ့ရုပ်ပိုင်းဆိုင်ရာကိုထိခိုက်စေပါတယ်။
သင့်ကလေးကို စိတ်ဓာတ်တက်ကြွအောင် ဘယ်လိုလှုံ့ဆော်ပေးနိုင်မလဲ။
ကလေးချင်းမတူနိုင်ပါဘူး။ တချို့ကလေးတွေမှာ သူတို့ဖြစ်ချင်တာလေးတွေ သတ်မှတ်ထားတတ်ကြပါတယ်။ ကိုယ့်ရဲ့ အိမ်စာကို ကျောင်းကပြန်လာတာနဲ့ ရေးပြီးမှ ဆော့ကစားတာမျိုးပေါ့။ တခုခုကို သတ်မှတ်ထားတတ်ပြီး သတ်မှတ်ထားတဲ့အတိုင်းရအောင် လုပ်တာမျိုးပါ။ တချို့ကျပြန်တော့ လုပ်စရာရှိတာတွေကို သတိမရသလို၊ တကူးတကလုပ်ကိုလုပ်ရမယ်လို့ မတွေးတတ်ကြပြန်ပါဘူး။ ကျောင်းကနေအိမ်ပြန်ရောက်တာနဲ့ လွယ်အိတ်ချပြီး ပြေးဆော့တာမျိုးပေါ့။ အဲဒီလိုမျိုးကလေးတွေကို ဘယ်လိုမျိုး နည်းလမ်းတကျသတ်မှတ်ပေးမလဲဆိုတာမျိုးဖော်ပြပေးလိုက်ပါတယ်။
သင့်ကလေးကို စိတ်ထိခိုက်စေတဲ့အခါ လုပ်သင့်သော အရာများ
ကလေးထိန်းကျောင်းခြင်းက အလွန်ခက်ခဲတဲ့အလုပ်ဆိုတာ မိဘတိုင်းသိကြမှာပါ။ သတိထားပြုစုနေတဲ့ကြားက ကလေးတွေကို ကိုယ်တိုင်မရည်ရွယ်တဲ့နည်းလမ်းတစ်ခုမဟုတ်တစ်ခုနဲ့ စိတ်ထိခိုက်စေတဲ့အခိုက်အတန့်မျိုးရှိဖူးကြမှာပါ။ အရမ်းဆိုးတဲ့အခြေအနေမျိုး ဖြစ်ချင်မှဖြစ်မှာပေမယ့် အကောင်းဆုံးအာရုံစိုက်ပြီး ကလေးကို သတိထားဂရုစိုက်သင့်ပါတယ်။ ကလေးက တခုခုကို နာကျင်ခံစားရပြီဆိုတာနဲ့ သင်က ချက်ချင်းကို ကုစားပေးနိုင်တဲ့အပြုအမူမျိုး၊ စကားမျိုးနဲ့ပြန်လည်အားပေးဖို့လိုအပ်ပါတယ်။ ဒီနေရာမှာ သတိထားရမှာက ကလေးကို နာကျင်အောင် ရိုက်နှက်ဆုံးမပြီးမှ ကလေးပူဆာသမျှ ဆက်တိုက်အလိုလိုက်ပြီးပြန်ချော့ခိုင်းတာမျိုးနဲ့ မတူပါဘူးနော်။ ကလေးရဲ့စိတ်ခံစားချက်ကို အလေးထားဖို့ ဆိုလိုချင်တာဖြစ်ပါတယ်။ သင့်ရဲ့အပြုအမူ၊ သင့်ရဲ့စကားက ကလေးရဲ့စိတ်ကိုဘယ်လောက်ထိသွားပြီးထိခိုက်စေသလဲဆိုတာမျိုးကို သတိထားပြီး ပြန်လည်လုပ်ပေးသင့်တာကိုပြောပြပေးချင်တာဖြစ်ပါတယ်။ ဘာဖြစ်လို့လဲဆိုတော့ ကလေးရဲ့စိတ်ခံစားချက်ကို လျစ်လျူရှုလိုက်ခြင်းက ရေရှည်မှာ ကလေးစိတ်ကို ဒဏ်ရာဖြစ်စေပြီး ဘယ်လိုမှ မေ့ပျောက်နိုင်မှာမဟုတ်တာမျိုးဖြစ်လာတဲ့အခါ ကလေးက စိတ်အားငယ်တတ်သူ၊ ဝမ်းနည်းတတ်သူ၊ အကြောက်လွန်သူဖြစ်လာတတ်ပြီး များသောအားဖြင့် အနိုင်ကျင့်ခံရတတ်သူ၊ ဆိုးသွမ်းသူ၊ အနိုင်ကျင့်တတ်သူစသဖြင့် မကောင်းတဲ့အပြုအမူနဲ့အပြောအဆို၊ အနေအထိုင်ဘက် ရောက်သွားနိုင်ပါတယ်။ အဲဒါအပြင် မိဘနဲ့လည်း ပြေလည်စွာ ဆွေးနွေးနိုင်သူ၊ လိမ္မာသူဖြစ်လာနိုင်ချေနည်းပါးသွားနိုင်ပါတယ်။ စိတ်လိုက်မာန်ပါနဲ့ ကိုယ်လုပ်ချင်ရာ လုပ်တတ်သူဖြစ်လာနိုင်ပါတယ်။
ဂိမ်းစွဲနေတဲ့ကလေးကို ဘယ်လိုလုပ်သင့်သလဲ။
ဒီနေ့ခေတ်မှာ နည်းပညာတိုးတက်လာတဲ့အတွက် ကောင်းကျိုးတွေအများကြီးရှိသလို နည်းပညာရဲ့ဆိုးကျိုးတွေအများကြီးလည်းရှိလာပါတယ်။ ထိုဆိုးကျိုးတွေထဲမှာ ဖုန်းကို အချိန်တိုင်းအသုံးပြုနိုင်ခြင်းနဲ့ ဖုန်းထဲကနေ application ပေါင်းများစွာထည့်သွင်းအသုံးချနိုင်ပြီး ဂိမ်းစွဲလမ်းခြင်းလည်း တခုအပါအဝင်ပါပဲ။ အထူးသဖြင့် အရမ်းငယ်သေးတဲ့ကလေးတွေနဲ့ ကျောင်းသားလူငယ်လေးတွေ ဂိမ်းစွဲလမ်းခြင်းက ဆိုးကျိုးတွေအများကြီးဖြစ်လာပါတယ်။ အရမ်းငယ်သေးတဲ့ကလေးတွေမှာတော့ ဖုန်းစွဲလမ်းခြင်းက ဦးနှောက်ရဲ့ကြီးထွားမှု၊ ဦးနှောက်လုပ်ဆောင်ချက်တွေကို အနှောင့်အယှက်ဖြစ်စေပြီး ဉာဏ်ရည်မမီတဲ့အထိဖြစ်နိုင်ပါတယ်။ ကျောင်းသားလူငယ်တွေမှာတော့ ကျောင်းစာကိုစိတ်မဝင်စားခြင်း၊ အခြားသော activities တွေကို စိတ်မဝင်စားခြင်း၊ နေ့မအိပ်ညမအိပ်ဂိမ်းဆော့ခြင်းကြောင့် ကျန်းမာရေးထိခိုက်ခြင်း၊ ဦးနှောက်လုပ်ဆောင်ချက်တွေပျက်ပြားခြင်းထိဖြစ်နိုင်ပါတယ်။ ကျောင်းနေအရွယ် စာကိုစိတ်မဝင်စားသလို မိဘရဲ့အုပ်ထိန်းမှုကိုလည်း ဂရုမပြု၊ လျစ်လျူရှုတတ်သူတွေဖြစ်လာနိုင်တဲ့အတွက် ထိန်းကျောင်းရခက်လာတတ်ပါတယ်။ အဲဒါကြောင့် ဂိမ်းစွဲနေတဲ့ကလေးကို ဘယ်လိုလုပ်သင့်သလဲဆိုတာ ဖော်ပြပေးလိုက်ပါတယ်။
သင့်ကလေး ကျောင်းမှာအနိုင်ကျင့်ခံရတဲ့အခါ ဘယ်လိုလုပ်သင့်သလဲ။
သင့်ကလေးကျောင်းမှာအနိုင်ကျင့်ခံနေရတယ်လို့ သင်သိရတဲ့အခါမှာ ဘယ်လိုလုပ်မလဲ။ မိဘဖြစ်သူတွေအနေနဲ့ကတော့ ကိုယ့်သားသမီးကို ကိုယ်က ပညာတွေသင်စေချင်လို့ စိတ်ချလက်ချလွှတ်ထားတဲ့ကျောင်းမှာ ကိုယ့်သားသမီးက အနိုင်ကျင့်ခံနေရတယ်ဆိုရင် အရမ်းစိတ်ညစ်မိကြမှာပါ။ ကျောင်းဆိုတာ လူပေါင်းစုံရဲ့သားသမီးလေးတွေ လာပြီး စုပေါင်းစာသင်ကြတာမို့ လူအမျိုး၊ စရိုက်အမျိုးမျိုးတွေ့ကြမှာပါပဲ။ အဲဒါဆို ဘယ်လိုလုပ်သင့်ပါသလဲ။ ကိုယ့်ကလေးက အနိုင်ကျင့်မခံရဖို့လည်း အရေးကြီးသလို၊ ကိုယ့်ကလေးကိုယ်တိုင်ကလည်း အနိုင်ကျင့်သူမဖြစ်ဖို့အရေးကြီးပါတယ်။
Smart ဘေဘီလေးတွေဖြစ်ပြီးဉာဏ်ကောင်းအောင် ဘယ်လိုလုပ်ရမလဲ။
ကလေးရဲ့မွေးစကနေအသက် ၅နှစ်ထိ အစောပိုင်းကာလတွေကကလေးရဲ့ပညာရေးမှာထူးချွန်မှု၊ ဉာဏ်ရေးဉာဏ်သွေတိုးတက်မှု၊ စဉ်းစားတွေးခေါ်နိုင်စွမ်းကောင်းမှု စတဲ့အရာတွေကိုပျိုးထောင်ပေးဖို့ အရေးကြီးတဲ့အချိန်ဖြစ်ပါတယ်။ ကလေးရဲ့စိတ်ပိုင်းဆိုင်ရာကိုလှုံ့ဆော်ပေးတာမျိုးလုပ်ပေးခြင်းကကလေးရဲ့ဉာဏ်ရည်ဉာဏ်သွေးကိုထက်မြက်လာအောင် လုပ်ယူနိုင်ပါတယ်။ အဲဒါကြောင့် သင့်ကလေးရဲ့ဉာဏ်ရည်ကိုဘယ်လိုမြင့်တင်ပေးနိုင်မလဲဆိုတဲ့အချက်လေးတွေဖော်ပြပေးလိုက်ပါတယ်။
သင့်ကလေးကို ငယ်စဉ်မှာ သင်ပေးသင့်တဲ့ ဘဝအတွက်အခြေခံများ
ကလေးရဲ့ အစောပိုင်း၅နှစ်တာကာလက ကလေးရဲ့ဦးနှောက်ဖွံ့ဖြိုးမှုဖြစ်နေတာကြောင့်လည်း ကလေးကို ဉာဏ်ကောင်းတဲ့ကလေးဖြစ်လာအောင် ပျိုးထောင်ဖို့၊ လိမ္မာတဲ့ကလေးဖြစ်လာအောင် သွန်သင်ဖို့၊ အတွေးအခေါ်ဖွံ့ဖြိုးတဲ့ကလေးဖြစ်လာဖို့၊ လူကောင်းတစ်ယောက်ဖြစ်လာဖို့၊ စာအုပ်စာပေတွေ စိတ်ဝင်စားတတ်တဲ့ကလေးဖြစ်လာဖို့ စသည်ဖြင့် အရမ်းအရေးကြီးတဲ့အချိန်ဖြစ်ပါတယ်။ ကလေးရဲ့ ရုပ်ပိုင်းဆိုင်ရာကော ၊ စိတ်ပိုင်းဆိုင်ရာကော အတွက် အရမ်းကို အရေးကြီးတဲ့အချိန်ပါ။ အဲဒါကြောင့် ထိုအချိန်မှာ ဘာတွေသင်ပေးသင့်သလဲဆိုတာဖော်ပြပေးလိုက်ပါတယ်။
အမြန်ဆုံးပြုပြင်ပေးသင့်သော ကလေးရဲ့အမူအကျင့်ဆိုးများ
ကလေးတွေမှာ မကောင်းတဲ့အကျင့်လေးတွေဖြစ်တတ်ပါတယ်။ ထိုအကျင့်လေးတွေကို အမှန်ပြင်ပေးဖို့၊ သေချာပြုပြင်ပေးဖို့ မိဘတွေက အရိပ်တကြည့်ကြည့်စောင့်ကြည့်သင့်ပါတယ်။ ထိုအကျင့်ဆိုးတွေက ကလေးတွေရဲ့အတွေးတွေ၊ အမူအကျင့်တွေနဲ့ ကလေးတွေရဲ့စွမ်းရည်တွေကို တဖြေးဖြေးပိုပြီး ပျက်ဆီးစေပါတယ်။ အဲဒါကြောင့် ကလေးမှာအကျင့်ဆိုးတွေရှိနေတယ်ဆိုရင် ပြဿနာကိုဆွေးနွေးအဖြေရှာရမှာဖြစ်ပါတယ်။ သိသိခြင်းမှာမဖြေရှင်းဘဲ လျစ်လျူရှုထားလိုက်မယ်ဆိုရင် သူတို့ကို ပြုပြင်ပေးလို့မရတော့ဘဲ အနာဂတ်မှာ ပိုပြီးဆိုးဝါးတဲ့အခြေအနေတွေဖြစ်လာနိုင်ပါတယ်။ အောက်မှာဖော်ပြထားတဲ့အချက်တွေက သိသိချင်း စောစီးစွာပြုပြင်သင့်တဲ့အကျင့်ဆိုးတွေဖြစ်ပါတယ်။